ಕೂಲಿ vs ವಾರ್​-2 ಯಾರ ಕೈ ಹಿಡಿಯಲಿದ್ದಾನೆ ಪ್ರೇಕ್ಷಕ?| Box office

Box office: ಭಾರೀ ನಿರೀಕ್ಷೆ ಮೇರೆಗೆ ಬಿಡುಗಡೆಯಾದ ವಾರ್​-2 ಮತ್ತು ಕೂಲಿ ಚಿತ್ರಗಳು ಬಾಕ್ಸ್ ಆಫೀಸ್‌ನಲ್ಲಿ ತೀವ್ರ ಪೈಪೋಟಿಗೆ ಇಳಿದಿವೆ. ಇನ್ನು ಮೊದಲ ದಿನ ಬಿಡುಗಡೆಗೊಂಡ ಕೂಲಿ ಚಿತ್ರ ತನ್ನ ಗಳಿಕೆಯಲ್ಲಿ ಭಾರೀ ಏರಿಕೆ ಕಂಡರೆ, ವಾರ್​​ ಚಿತ್ರ ನಿರೀಕ್ಷೆಗಳನ್ನು ಪೂರೈಸುವಲ್ಲಿ ವಿಫಲವಾಗಿ ಹಿಂದುಳಿದಿದೆ. ಆದಾಗ್ಯೂ, ಎರಡು ಚಿತ್ರಗಳು ಪ್ರೇಕ್ಷಕರಿಂದ ಮಿಶ್ರ ಪ್ರತಿಕ್ರಿಯೆಗಳನ್ನು ಪಡೆಯುತ್ತಿರುವುದರಿಂದ , ಎರಡನೇ ದಿನ ಏನಾಗಲಿದೆ ಎಂದು ನೋಡಬೇಕಾಗಿದೆ.

ಇದನ್ನೂ ಓದಿ: ಶಾಸಕ ಯತ್ನಾಳದ್ದು ಹೀನ ಮನಃಸ್ಥಿತಿ; ಸಚಿವ ಎಂ.ಬಿ. ಪಾಟೀಲ ಹೀಗಂದಿದ್ದೇಕೆ?

ಎರಡನೇ ದಿನದಲ್ಲಿ 2 ಚಲನಚಿತ್ರಗಳ ಬುಕಿಂಗ್​ ಟ್ರೆಂಡ್​ನಲ್ಲಿ ವಾರ್​-2 ಮುಂಚೂಣಿಯಲ್ಲಿತ್ತು. ಕೂಲಿ ಗಂಟೆಗೆ 40 ಸಾವಿರಕ್ಕೂ ಹೆಚ್ಚು ಟಿಕೆಟ್ ಮಾರಾಟದೊಂದಿಗೆ ಗಗನಕ್ಕೇರುತ್ತಿದ್ದರೆ, ವಾರ್ 2 ಗಂಟೆಗೆ 50-60 ಸಾವಿರ ಟಿಕೆಟ್ ಮಾರಾಟವಾದ ಮೂಲಕ ಅಚ್ಚರಿಗೊಳಿಸಿದೆ.

ಹಿಂದಿ ಮಾರುಕಟ್ಟೆಯಿಂದ ಬಂದ ಬೆಳವಣಿಗೆಯೇ ಈ ಅನಿರೀಕ್ಷಿತ ಮುನ್ನಡೆಗೆ ಪ್ರಮುಖ ಕಾರಣ. ದಕ್ಷಿಣ ಮರುಕಟ್ಟೆಯಲ್ಲಿ ಕೂಲಿ ಹವ ಮುಂದುವರೆದಿದ್ದು, ಒಟ್ಟಾರೆ ಬುಕಿಂಗ್​ನಲ್ಲಿ ವಾರ್​-2 ಅಗ್ರಸ್ಥಾನದಲ್ಲಿದೆ. ಆದಾಗ್ಯೂ, ರಜನಿಕಾಂತ್ ಅವರ ಕೂಲಿ ಮೊದಲ ದಿನ ಭರ್ಜರಿ ಕಲೆಕ್ಷನ್‌ ಆಗಿದೆ ಎಂದು ಸಾಬೀತಾಗಿದೆ. ಇನ್ನು ಈ ಸಿನಿಮಾ ಮೊದಲ ದಿನವೇ 145 ಕೋಟಿಗೂ ಹೆಚ್ಚು ಗಳಿಸುವ ಸಾಧ್ಯತೆ ಹೆಚ್ಚಿದ್ದರೂ ಅಂತಿಮ ಆಫ್‌ಲೈನ್ ಅಂಕಿಅಂಶಗಳು ನಿರೀಕ್ಷೆಗಳನ್ನು ಮೀರಿದರೆ 150 ಕೋಟಿ ರೂಗಳಿಗೆ ಏರುವ ಸಾಧ್ಯತೆ ಹೆಚ್ಚಿದೆ.

ಈ ಯುದ್ಧದಲ್ಲಿ ಯಾವ ಚಿತ್ರ ಗೆಲ್ಲುತ್ತದೆ ಎಂದು ನೋಡಲು, ಎರಡನೇ ದಿನದ ಕಲೆಕ್ಷನ್‌ಗಾಗಿ ಕಾದು ನೋಡಬೇಕಾಗಿದೆ.(ಏಜೆನ್ಸೀಸ್​)

https://www.vijayavani.net/2025-krishna-janmashtami-what-are-the-dates-to-be-observed-by-devotees