ಧ್ಯಾನ ಭಾರತದ ಸನಾತನ ಆಧ್ಯಾತ್ಮಿಕ ಸಾಧನಾ ಮಾರ್ಗ. ಇದರಿಂದ ವೈಜ್ಞಾನಿಕವಾಗಿ ಇರುವ ಲಾಭಗಳ ಕುರಿತು ಈಶಾ ಫೌಂಡೇಶನ್ ತನ್ನ ಶಿಬಿರಾರ್ಥಿಗಳನ್ನು ಸಂಶೋಧನೆಗೊಳಪಡಿಸಿ ಹಲವು ಉಪಯುಕ್ತತೆಗಳನ್ನು ಗುರುತಿಸಿದೆ. ಈಶಾ ಫೌಂಡೇಶನ್ ನಡೆಸುವ ಸಂಯಮ, ಶಾಂಭವಿ, ಶೂನ್ಯ ಇತ್ಯಾದಿ ಶಿಬಿರಗಳಲ್ಲಿ ಪಾಲ್ಗೊಳ್ಳುವುದರಿಂದ ಹಲವು ಉಪಯೋಗಗಳನ್ನು ಕಂಡಿದ್ದಾರೆ ಎಂದು ಚಿಕ್ಕಬಳ್ಳಾಪುರದ ಆದಿಯೋಗಿ ಆಶ್ರಮದ ಸ್ವಾಮಿ ಪ್ರಭೋದ ತಿಳಿಸಿದ್ದಾರೆ. ಉತ್ತಮ ನಿದ್ರೆ, ಒತ್ತಡ ಕಡಿಮೆಯಾಗುವುದು, ಮಾನಸಿಕ ಸ್ಥೈರ್ಯ ಹೆಚ್ಚುವುದು, ಮೆಂಟಲ್ ಆರೋಗ್ಯ ವೃದ್ಧಿ, ನೆನಪಿನ ಶಕ್ತಿ ವೃದ್ಧಿ, ಗಮನ ಕೇಂದ್ರಿಕರಿಸುವ ಶಕ್ತಿ ವೃದ್ಧಿ, ಉತ್ಪಾದನ ಸಾಮರ್ಥ್ಯ ಹೆಚ್ಚಿಸಲು ಧ್ಯಾನ ಉಪಯುಕ್ತವಾಗಿದೆ. ಖಿನ್ನತೆ, ನಕಾರಾತ್ಮಕ ಚಿಂತನೆಗಳನ್ನು ನಿವಾರಿಸಿ ಕ್ರಿಯಾಶೀಲತೆಯನ್ನು ಹೆಚ್ಚಿಸಲು ಧ್ಯಾನ ಪೂರಕವಾಗಿದೆ. ಧ್ಯಾನವು ಮೆದುಳಿನ ವಯಸ್ಸನ್ನು ನಿಯಂತ್ರಿಸುವುದರ ಜೊತೆಗೆ ಅಲ್ಜೈಮರ್ಸ್, ಡಿಮೆನ್ಷಿಯಾದಂತಹ ಕಾಯಿಲೆಗಳ ಅಪಾಯವನ್ನು ಕಡಿಮೆ ಮಾಡಲು ಸಹಾಯಮಾಡುತ್ತದೆ.
