ನಾರ್ತ್ಸೌಂಡ್: ಹಾಲಿ ಚಾಂಪಿಯನ್ ಇಂಗ್ಲೆಂಡ್ ತಂಡ ಟಿ20 ವಿಶ್ವಕಪ್ನಲ್ಲಿ ಸದ್ಯ ಇಕ್ಕಟ್ಟಿನ ಪರಿಸ್ಥಿತಿಯಲ್ಲಿದ್ದು, ತನ್ನ ಮುಂದಿನೆರಡು ಪಂದ್ಯ ಜಯಿಸುವ ಜತೆಗೆ ಸ್ಕಾಟ್ಲೆಂಡ್ ತಂಡವನ್ನು ರನ್ರೇಟ್ನಲ್ಲೂ ಹಿಂದಿಕ್ಕುವುದು ಅಗತ್ಯವಾಗಿದೆ. ಆದರೆ, ಸ್ಕಾಟ್ಲೆಂಡ್ ತಂಡ ತನ್ನ ಅಂತಿಮ ಪಂದ್ಯದಲ್ಲಿ ಆಂಗ್ಲರ ಸಾಂಪ್ರದಾಯಿಕ ಎದುರಾಳಿ ಆಸ್ಟ್ರೆಲಿಯಾವನ್ನು ಎದುರಿಸಲಿದೆ. ಈ ಪಂದ್ಯದಲ್ಲಿ ಆಸೀಸ್ ಉದ್ದೇಶಪೂರ್ವಕವಾಗಿ ಸೋತು ಅಥವಾ ಸ್ಕಾಟ್ಲೆಂಡ್ಗೆ ಉತ್ತಮ ರನ್ರೇಟ್ ಕಾಯ್ದುಕೊಳ್ಳಲು ನೆರವಾಗಿ ಆಂಗ್ಲರನ್ನು ಹೊರದಬ್ಬಲು ಪ್ರಯತ್ನಿಸುವ ಭೀತಿ ಇದೆ. ಒಂದು ವೇಳೆ ಆಸೀಸ್ ತಂಡ ಈ ಕುತಂತ್ರ ಅನುಸರಿಸಿದರೆ, ನಾಯಕ ಮಿಚೆಲ್ ಮಾರ್ಷ್ ಐಸಿಸಿಯಿಂದ 2 ಪಂದ್ಯ ನಿಷೇಧಕ್ಕೆ ಒಳಗಾಗುವ ಭೀತಿಯೂ ಇದೆ ಎನ್ನಲಾಗಿದೆ.
