ಮಾಂಟ್ಗೊಮೆರಿ: ಹೈಸ್ಕೂಲ್ ವಿದ್ಯಾರ್ಥಿಯೊಂದಿಗೆ ಲೈಂಗಿಕ ಕ್ರಿಯೆ ನಡೆಸಿ ಬಂಧನಕ್ಕೊಳಗಾಗಿದ್ದ ವಿವಾಹಿತ ಗಣಿತ ಶಿಕ್ಷಕಿಯನ್ನು ಜಾಮೀನಿನ ಮೂಲಕ ಬಿಡುಗಡೆ ಮಾಡಲಾಗಿದೆ. ಪೊಲೀಸರ ಮುಂದೆ ತಪ್ಪೊಪ್ಪಿಕೊಂಡ ಹಿನ್ನೆಲೆಯಲ್ಲಿ ಜಾಮೀನು ನೀಡಲಾಗಿದೆ.
ಈ ಘಟನೆ ಯುನೈಟೆಡ್ ರಾಜ್ಯ ಅಲಬಾಮಾದಲ್ಲಿ ವರದಿಯಾಗಿದೆ. ಆರೋಪಿ ಶಿಕ್ಷಕಿಯನ್ನು ಅಸ್ತಾನ್ ಅಲಾನಾ ಮ್ಯಾಕ್ಕ್ಲಸ್ಕಿ (27) ಎಂದು ಗುರುತಿಸಲಾಗಿದೆ. ಈಕೆಯನ್ನ ಲೌಡರ್ಡೇಲ್ ಕೌಂಟಿ ಶೆರಿಫ್ ಆಫೀಸ್ ಬುಧವಾರ ಬಂಧಿಸಿತ್ತು. 50 ಸಾವಿರ ಡಾಲರ್ ಬಾಂಡ್ ಮೇಲೆ ಬಿಡುಗಡೆ ಮಾಡಲಾಗಿದೆ.
ಮ್ಯಾಕ್ಕ್ಲಸ್ಕಿ, 17 ವರ್ಷದೊಳಗಿನ ವಿದ್ಯಾರ್ಥಿ ಜತೆ ಲೈಂಗಿಕ ದುರ್ನಡತೆಯ ಎರಡು ಆರೋಪಗಳನ್ನು ಎದುರಿಸಿದ್ದರು. ಬಿಡುಗಡೆ ವೇಳೆ ಷರತ್ತೊಂದನ್ನು ನೀಡಲಾಗಿದ್ದು, ಸಂತ್ರಸ್ತನೊಂದಿಗೆ ಯಾವುದೇ ಸಂಪರ್ಕ ಇಟ್ಟುಕೊಳ್ಳಬಾರದೆಂದು ಹೇಳಿದೆ. ಈ ಪ್ರಕರಣವೇನಾದರೂ ಸಾಬೀತಾದರೆ, ಆರೋಪಿ 2 ರಿಂದ 20 ವರ್ಷ ಜೈಲು ಮತ್ತು ಶಾಶ್ವತ ಕಲಿಕಾ ಪರವಾನಗಿ ರದ್ದು ಶಿಕ್ಷೆಗೆ ಗುರಿಯಾಗಲಿದ್ದಾರೆ.
ಇದನ್ನೂ ಓದಿರಿ: ಸೌದಿ ಅರೇಬಿಯಾದಲ್ಲಿ ದುರಂತ ಸಾವಿಗೀಡಾದ ಕೇರಳ ಮೂಲದ ಇಬ್ಬರು ನರ್ಸ್..!
ಮ್ಯಾಕ್ಕ್ಲಸ್ಕಿ, ಕಿಲ್ಲನ್ನಲ್ಲಿರುವ ಬ್ರೂಕ್ಸ್ ಹೈಸ್ಕೂಲ್ನಲ್ಲಿ ಸೆವೆಂಥ್ ಗ್ರೇಡ್ ಗಣಿತ ಶಿಕ್ಷಕಿ. ಈಕೆಯ ಮೇಲಿನ ಪ್ರಕರಣವನ್ನು ಅಲಬಾಮಾ ಕಾನೂನು ಜಾರಿ ಸಂಸ್ಥೆ ತನಿಖೆ ನಡೆಸುತ್ತಿದೆ. ಘಟನೆ ಬಗ್ಗೆ ಪತ್ರಿಕಾ ಪ್ರಕಟಣೆ ಹೊರಡಿಸಿರುವ ಲೌಡರ್ಡೇಲ್ ಕೌಂಟಿ ಶಾಲೆ, ತನಿಖೆಯು ಪ್ರಗತಿಯಲ್ಲಿರುವುದರಿಂದ ಪ್ರಕರಣದ ಬಗ್ಗೆ ನಾವೇನು ಪ್ರತಿಕ್ರಿಯಿಸಲು ಸಾಧ್ಯವಿಲ್ಲ ಎಂದಿದೆ.
ಮ್ಯಾಕ್ಕ್ಲಸ್ಕಿ ಕಳೆದ ಮೂರು ವರ್ಷಗಳಿಂದ ಶಾಲೆಯಲ್ಲಿ ಶಿಕ್ಷಕಿಯಾಗಿದ್ದಾರೆ. ಫೇಸ್ಬುಕ್ ಪೋಸ್ಟ್ಗಳ ಪ್ರಕಾರ, ಮ್ಯಾಕ್ಕ್ಲಸ್ಕಿಗೆ 2011ರಲ್ಲಿ ಲೌಡರ್ ಡೇಲ್ ಕೌಂಟಿಯ ವಿದ್ಯಾರ್ಥಿವೇತನದ ಡಿಸ್ಟಿಂಗ್ವಿಶ್ಡ್ ಯಂಗ್ ವುಮನ್ ಪ್ರಶಸ್ತಿ ನೀಡಲಾಗಿತ್ತು. (ಏಜೆನ್ಸೀಸ್)
ಬಿಗ್ಬಾಸ್ ಶೋ ಆರಂಭದಲ್ಲೇ ಕೇಳಿಬಂತು ಅಪಸ್ವರ: ಕಲರ್ಸ್ ಕನ್ನಡಕ್ಕೆ ಜನರಿಟ್ಟ ಬೇಡಿಕೆ ಏನು?
ದುಬಾರಿ ದುನಿಯಾ: ಎಲ್ಪಿಜಿ ಸಿಲಿಂಡರ್ ಬೆಲೆಯಲ್ಲಿ ಮತ್ತೆ 25 ರೂ. ಹೆಚ್ಚಳ..!