ಸೈಪ್ರಸ್: ಯಾವ ಯಾವುದೋ ವಿಚಾರಗಳಲ್ಲಿ ಗಿನ್ನೆಸ್ ರೆಕಾರ್ಡ್ ಮಾಡುವುದನ್ನು ಕೇಳಿರುತ್ತೀರಿ. ಆದರೆ ಈ ಯುವತಿ ಎಲ್ಲರಿಗಿಂತ ಡಿಫರೆಂಟ್. ತನ್ನ ಮದುವೆಯಲ್ಲಿ ತಾನು ತೊಟ್ಟ ಉಡುಗೆಯಿಂದಲೇ ಗಿನ್ನೆಸ್ ರೆಕಾರ್ಡ್ ಬರೆದಿದ್ದಾಳೆ ಈ ಯುವತಿ.
ಹೌದು. ಸೈಪ್ರಸ್ ದೇಶದಲ್ಲಿ ಇಂತದ್ದೊಂದು ರೆಕಾರ್ಡ್ ನಿರ್ಮಾಣವಾಗಿದೆ. ಮರಿಯಾ ಹೆಸರಿನ ಯುವತಿಗೆ ಚಿಕ್ಕವಳಿದ್ದಾಗಿನಿಂದಲೂ ಒಂದು ಕನಸಿತ್ತಂತೆ. ತಾನು ತೊಡುವ ಮದುವೆ ಡ್ರೆಸ್ ವರ್ಲ್ಡ್ ರೆಕಾರ್ಡ್ ಆಗಬೇಕೆಂಬ ಆಸೆಯಿತ್ತಂತೆ. ಅದಕ್ಕಾಗಿಯೇ ಸುಮಾರು 7 ಕಿಮೀ ಉದ್ದದ ಗೌನ್ ಹೊಲಿಸಿಕೊಂಡಿದ್ದಾಳೆ. ದೊಡ್ಡದೊಂದು ಗ್ರೌಂಡ್ನಲ್ಲಿ ನಿಂತು ಆ ಗೌನ್ನನ್ನೇ ಹಾಸಿದ್ದಾಳೆ. ಅದಾದ ನಂತರ ಅದರ ವಿಡಿಯೋ ಮಾಡಲಾಗಿದೆ. ಆ ವಿಡಿಯೋವನ್ನು ಗಿನ್ನೆಸ್ ರೆಕಾರ್ಡ್ ಪೇಜ್ ಹಂಚಿಕೊಂಡಿದ್ದು, ಪ್ರಪಂಚದ ಅತ್ಯಂತ ಉದ್ದದ ಮದುವೆ ಡ್ರೆಸ್ ಎನ್ನುವ ಅವಾರ್ಡ್ನ್ನು ಆಕೆಗೆ ಕೊಟ್ಟಿದೆ.
ಅಂದ ಹಾಗೆ ಈ ಉದ್ದದ ಡ್ರೆಸ್ನ್ನು ಗ್ರೌಂಡ್ನಲ್ಲಿ ಹಾಸುವುದಕ್ಕೆ 6 ಗಂಟೆಗೂ ಹೆಚ್ಚು ಕಾಲ ತಗಲಿದೆಯಂತೆ. ದೇವಸ್ಥಾನಗಳಲ್ಲಿ ಕ್ಯೂ ನಿಲ್ಲುವ ರೀತಿಯಲ್ಲೇ ಡ್ರೆಸ್ನ್ನು ಹಾಸಲಾಗಿದೆ. 30 ಸ್ವಯಂ ಸೇವಕರು ಗೌನ್ ಹಾಸುವುದಕ್ಕೆ ಸಹಾಯ ಮಾಡಿದ್ದಾಗಿ ಮರಿಯಾ ಹೇಳಿಕೊಂಡಿದ್ದಾಳೆ. ಈ ಗೌನ್ ವಿಚಾರ ಇದೀಗ ಎಲ್ಲೆಡೆ ಹರಿದಾಡುತ್ತಿದೆ. (ಏಜೆನ್ಸೀಸ್)
ರೈಲ್ವೆ ಪ್ರಯಾಣಿಕರಿಗೆ ಶುಭ ಸುದ್ದಿ; ಏಪ್ರಿಲ್ 5ರಿಂದ ಈ ರೈಲುಗಳಿಗೆ ರಿಸರ್ವೇಷನ್ ಬೇಡ..