ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಮಂಗಳವಾರ ನಡೆದ ಪ್ರಶಸ್ತಿ ಸುತ್ತಿನ ಹೋರಾಟದಲ್ಲಿ ಹುಬ್ಬಳ್ಳಿ ತಂಡ 8 ವಿಕೆಟ್ಗೆ 203 ರನ್ ಪೇರಿಸಿದರೆ, ಪ್ರತಿಯಾಗಿ 19 ಓವರ್ಗಳಲ್ಲಿ 6 ವಿಕೆಟ್ಗೆ 192 ರನ್ ಗಳಿಸಿದ ಮೈಸೂರಿಗೆ ಕೊನೇ ಓವರ್ನಲ್ಲಿ 12 ರನ್ ಬೇಕಿತ್ತು. ಆಗ ಯುವ ವೇಗಿ ಮನ್ವಂತ್ ಕುಮಾರ್ ಮೊದಲ ಎಸತದಲ್ಲಿ ವಿಕೆಟ್ ಕಬಳಿಸಿದರೆ, 2ನೇ ಎಸೆತದಲ್ಲಿ 1 ಲೆಗ್ಬೈ ರನ್ ಬಿಟ್ಟುಕೊಟ್ಟರು. ಉಳಿದ 4 ಎಸೆತಗಳಲ್ಲಿ 11 ರನ್ ಬೇಕಿದ್ದಾಗ, ಓವರ್ನ 3ನೇ ಎಸೆತದಲ್ಲಿ ಎಡಗೈ ಬ್ಯಾಟರ್ ಜೆ. ಸುಚಿತ್ ಹೊಡೆದ ಚೆಂಡು ಲಾಂಗ್&ಆ್ ಬೌಂಡರಿ ಗೆರೆ ದಾಟಿ ಬಹುತೇಕ ಸಿಕ್ಸರ್ ಆಗುವುದರತ್ತ ಸಾಗಿತ್ತು. ಆಗ ಮನೀಷ್ ಪಾಂಡೆ ಗಾಳಿಯಲ್ಲಿ ಹಾರಿ ಅದ್ಭುತವಾಗಿ ಚೆಂಡನ್ನು ತಡೆದು ಬೌಂಡರಿ ಗೆರೆಯ ಒಳಗೆ ಬೀಳಿಸಿದರು. ಬ್ಯಾಟರ್ಗಳು ಆಗ ಒಂದು ರನ್ ಮಾತ್ರ ಓಡಿದರು. ಈ ಮೂಲಕ ಮನೀಷ್ ಪಾಂಡೆ ತಂಡಕ್ಕೆ 5 ರನ್ ರಸಿಕೊಟ್ಟರು. ಅಲ್ಲದೆ ಜೆ. ಸುಚಿತ್ಗೆ ಸ್ಟ್ರೈಕ್ ಕೂಡ ತಪ್ಪಿತು. 4ನೇ ಎಸೆತದಲ್ಲಿ ಒಂದು ಬೈ ರನ್ ಕಸಿದ ಬಾಲಂಗೋಚಿ ಮೋನಿಷ್ ರೆಡ್ಡಿ ಮತ್ತೆ ಸುಚಿತ್ಗೆ ಸ್ಟ್ರೈಕ್ ನೀಡಿದರು. ಕೊನೇ 2 ಎಸೆತಗಳಲ್ಲಿ 9 ರನ್ ಕಸಿಯಬೇಕಾದ ಒತ್ತಡದಲ್ಲಿ, 5ನೇ ಎಸೆತಕ್ಕೆ ಸುಚಿತ್ ಔಟಾದರೆ, ಕೊನೇ ಎಸೆತದಲ್ಲಿ ಮತ್ತೆ ರನ್ ಬರಲಿಲ್ಲ. ಈ ಮೂಲಕ ಹುಬ್ಬಳ್ಳಿ ಟೈಗರ್ಸ್ 8 ರನ್ಗಳಿಂದ ಗೆದ್ದಿತು. ಮನೀಷ್ ಪಾಂಡೆ ಸಿಕ್ಸರ್ ರಸಿದ್ದು ಹುಬ್ಬಳ್ಳಿಗೆ ರನ್ ಮಾತ್ರ ಉಳಿಸಿದ್ದಲ್ಲ, ಮೈಸೂರಿನ ಮೇಲಿನ ಒತ್ತಡವನ್ನೂ ಹೆಚ್ಚಿಸಿತು. ಹೀಗಾಗಿ ಮನೀಷ್ ಅದ್ಭುತ ಫೀಲ್ಡಿಂಗೇ ಗೆಲುವಿಗೆ ಕಾರಣ ಎಂದು ಅಭಿಮಾನಿಗಳು ಸಂಭ್ರಮಿಸುತ್ತಿದ್ದಾರೆ.
