ಮಂಡ್ಯ: ನಗರದ ಬೆಸಗರಹಳ್ಳಿ ರಾಮಣ್ಣ ವೃತ್ತದ ಸ್ಕೂಟರ್ ದಾಖಲಾತಿ ತಪಾಸಣೆ ವೇಳೆ ಪೊಲೀಸರೊಂದಿಗೆ ಯುವತಿ ರಂಪಾಟ ನಡೆಸಿದ್ದು, ಸಿಟ್ಟಿಗೆದ್ದ ಮಹಿಳಾ ಪಿಎಸ್ಐ ಯುವತಿಗೆ ಕಪಾಳ ಮೋಕ್ಷ ಮಾಡಿರುವ ಹಾಗೂ ಏಕವಚನದಲ್ಲೇ ಪಿಎಸ್ಐಗೆ ಯುವತಿ ಅವಾಜ್ ಹಾಕಿರುವ ವಿಡಿಯೋ ವೈರಲ್ ಆಗಿದೆ.
ಬೈಕ್ ಸವಾರರ ದಾಖಲಾತಿಗಳನ್ನು ಪೊಲೀಸರು ನಡೆಸುತ್ತಿದ್ದರು. ಈ ವೇಳೆ ಸ್ಕೂಟರ್ನಲ್ಲಿ ಬಂದ ಯುವತಿಯನ್ನ ತಡೆದು ದಾಖಲಾತಿ ಪರಿಶೀಲನೆಗೆ ಪೊಲೀಸರು ಮುಂದಾದರು. ‘ನನ್ ಸ್ಕೂಟರ್ ಅನ್ನ ಯಾಕ್ ಮುಟ್ಟುತ್ತಿದ್ದೀರಾ?’ ಎಂದು ಪ್ರಶ್ನಿಸಿದ ಯುವತಿ, ಸ್ಕೂಟರ್ ಮೇಲೆ ಕುಳಿತು ‘ನಾನ್ ಗಾಡಿಯನ್ನ ಯಾಕ್ ಕೊಡ್ಲಿ? ದಂಡ ಕಟ್ಬೇಕಾ ಕಟ್ತೀನಿ. ನನ್ ಅತ್ರ ಕ್ಯಾಶ್ ಇಲ್ಲ, ಗೂಗಲ್ ಪೇ ಮಾಡ್ತೀನಿ’ ಎಂದು ಆವಾಜ್ ಹಾಕಿದಳು. ‘ಸ್ಕೂಟರ್ನಿಂದ ಇಳಿಯಮ್ಮ, ನಿನ್ ಹೆಸರೇನು? ನಿಮ್ ತಂದೆ ಕರೆಸು.. ಠಾಣೆಗೆ ಬಾ’ ಎಂದು ಮಹಿಳಾ ಪಿಎಸ್ಐ ಸವಿತಾಗೌಡ ಪಾಟೀಲ್ ಹೇಳಿದರು. ಇದಕ್ಕೆ ಉತ್ತರಿಸಿದ ಯುವತಿ, ‘ಹೇ ನನ್ ತಂದೆ ಇಲ್ಲ. ಎಲ್ಲರನ್ನೂ ಕರೆಸಲಾಗಲ್ಲ’ ಎನ್ನುತ್ತಿದ್ದಂತೆ ತಾಳ್ಮೆ ಕಳೆದುಕೊಂಡ ಮಹಿಳಾ ಪಿಎಸ್ಐ, ‘ನನ್ನ ಹೇ ಅಂತೀಯಾ?’ ಎಂದು ಯುವತಿಯ ಕಪಾಳಕ್ಕೆ ಭಾರಿಸಿದರು. ಈ ವೇಳೆ ಜೋರಾಗಿ ಕೂಗಾಡಿದ ಯುವತಿ, ‘ಹೇ ಏನು? ಯಾರು ನೀನು? ನನ್ ಮೇಲೆ ಕೈ ಮಾಡೋಕೆ… ಇದನ್ನ ವಿಡಿಯೋ ಮಾಡ್ಲಾ? ಯಾವಳೇ.. ನೀನು ನನಗೆ ಹೊಡೆಯೋಕೆ.. ಹೇ.. ಹೆಂಗ್ ಹೊಡ್ದೆ ಪಬ್ಲಿಕ್ಗೆ? ಏನ್ ರೈಟ್ಸ್ ಇದೆ ನಿನಗೆ… ಎಂದು ಕೂಗಾಡಿದಳು. ಆಗ ಯುವತಿಗೆ ಮಹಿಳಾ ಪಿಎಸ್ಐ ಮತ್ತೊಂದು ಮತ್ತೊಂದು ಏಟು ಕೊಟ್ಟರು. ಇದನ್ನೂ ಓದಿರಿ ತಾಯಿಯ ಅಕ್ರಮ ಸಂಬಂಧಕ್ಕೆ ಬೇಸತ್ತ ಬಾಲಕಿ ಆತ್ಮಹತ್ಯೆ?
ಸಿಟ್ಟಿಗೆದ್ದ ಯುವತಿ, ‘ಹೇ.. ಏನೇ ಮಾಡ್ತಿಯಾ? ರಾಸ್ಕಲ್…’ ಎಂದು ಮಹಿಳಾ ಪಿಎಸ್ಐಗೆ ಅವಾಜ್ ಹಾಕಿದಳು. ‘ಠಾಣೆಗೆ ಬಾ ನೀನು’ ಎಂದು ಸ್ಕೂಟರ್ ತೆಗೆಸಿಕೊಂಡು ಪಿಎಸ್ಐ ಹೋಗುವಾಗ ‘ಅನ್ ಎಜುಕೇಟೆಡ್ ಬ್ರೂಟ್’ ಎಂದು ಯುವತಿ ಬೈದಳು. ‘ನಾನು ಎಜುಕೇಟೆಡ್. ನೀನೆ ಅನ್ ಎಜುಕೇಟೆಡ್’ ಎನ್ನುತ್ತ ಪಿಎಸ್ಐ ಹೋದರು.
‘ನಾನು ಎಜುಕೇಟೆಡ್. ನೀನೆ ಅನ್ ಎಜುಕೇಟೆಡ್ ರೀತಿ ಬಿಹೇವ್ ಮಾಡಿದ್ದು. ರೂಲ್ಸ್ ಗೊತ್ತಿಲ್ಲ… ಪೊಲೀಸ್ ಅಂತೆ ಇವಳು. ವಿಡಿಯೋ ಮಾಡಿಕೊಳ್ತಿದ್ದೀರಾ ತಾನೇ ಮಾಡಿಕೊಳ್ಳಿ. ಜಾಸ್ತಿ ಮಾತನಾಡಬಾರದು’ ಎಂದಳು. ಪೊಲೀಸರೇ ಇದನ್ನ ವಿಡಿಯೋ ಮಾಡಿಕೊಂಡಿದ್ದರು. ಇದೀಗ ವಿಡಿಯೋ ವೈರಲ್ ಆಗಿದೆ. ಇನ್ನು ಯುವತಿ ಮೇಲೆ ಪಿಎಸ್ಐ ಕೈ ಮಾಡಿದ್ದು ತಪ್ಪು ಎಂದು ಕೆಲವು ಕಮೆಂಟ್ ಮಾಡುತ್ತಿದ್ದಾರೆ.
ಈ ವಿಡಿಯೋ ನೋಡಲು ಈ ಲಿಂಕ್ ಅನ್ನು ಕ್ಲಿಕ್ ಮಾಡಿ https://www.facebook.com/VVani4U/videos/352164006002758
ಧರ್ಮಸ್ಥಳ ವ್ಯಾಪ್ತಿಯಲ್ಲಿ ಮರ ಕಡಿಯುವಾಗ ಅವಘಡ: ಸ್ಥಳದಲ್ಲೇ ಮೂವರ ಸಾವು