Tirupati Laddu Issue: 'ಧರ್ಮದ ಬಣ್ಣವಿಲ್ಲ, ಭಕ್ತರ ಭಾವನೆಗಳಿಗೆ ಧಕ್ಕೆ ತರಬೇಡಿ': ಪ್ರಕಾಶ್​ರಾಜ್ ಕಾಮೆಂಟ್ಸ್​ಗೆ ಮಂಚು ವಿಷ್ಣು ತಿರುಗೇಟು!

ತಿರುಪತಿ: ವಿಶ್ವವಿಖ್ಯಾತ ಧಾರ್ಮಿಕ ಯಾತ್ರಾಸ್ಥಳ ತಿರುಪತಿ ಶ್ರೀ ವೆಂಕಟೇಶ್ವರ ದೇಗುಲದ ಲಡ್ಡು ಪ್ರಸಾದ(Tirupati Laddu Issue)ದ ಕಲಬೆರಕೆ ಆರೋಪದ ಹಿನ್ನೆಲೆಯಲ್ಲಿ 'ಮಾ' ಅಧ್ಯಕ್ಷ ಮಂಚು ವಿಷ್ಣು ಹಾಗೂ ನಟ ಪ್ರಕಾಶ್ ರಾಜ್ ನಡುವೆ ಸಾಮಾಜಿಕ ಜಾಲತಾಣಗಳಲ್ಲಿ ಮಾತಿನ ಸಮರ ನಡೆದಿದ್ದು, ಇದೀಗ ಪ್ರಕಾಶ್ ರಾಜ್ ಬಗ್ಗೆ ಮಂಚು ವಿಷ್ಣು ಸೆನ್ಸೇಷನಲ್ ಕಾಮೆಂಟ್ ಮಾಡಿದ್ದಾರೆ.

ಇದನ್ನೂ ಓದಿ: Tirupati ತಿಮ್ಮಪ್ಪ ದರ್ಶನಕ್ಕೆ ಟಿಕೆಟ್ ಬುಕ್​ ಮಾಡಿಲ್ವಾ? ಚಿಂತಿಸಬೇಡಿ, ಹೀಗೆ ಮಾಡಿದರೆ ತಕ್ಷಣ ದರ್ಶನ..!

ಲಡ್ಡು ಪ್ರಸಾದ(Tirupati Laddu Issue) ವಿವಾದದ ಕುರಿತು ಜನಸೇನಾ ಮುಖ್ಯಸ್ಥ ಪವನ್ ಕಲ್ಯಾಣ್ ಅವರ ಟ್ವೀಟ್​ಗೆ ಪ್ರಕಾಶ್ರಾಜ್ ಎಕ್ಸ್​ನಲ್ಲಿ ಪೋಸ್ಟ್ ಮಾಡಿದ್ದರು. “ಇದು ನೀವು ಉಪಮುಖ್ಯಮಂತ್ರಿಯಾಗಿರುವ ರಾಜ್ಯದಲ್ಲಿ ನಡೆದ ಘಟನೆ. ತನಿಖೆ ನಡೆಸಿ ಅಪರಾಧಿಗಳ ವಿರುದ್ಧ ಕ್ರಮ ಕೈಗೊಳ್ಳಿ. ಅನಾವಶ್ಯಕ ಭಯವನ್ನು ಹುಟ್ಟುಹಾಕಿ ಇದನ್ನು ರಾಷ್ಟ್ರಮಟ್ಟದಲ್ಲಿ ಏಕೆ ಚರ್ಚೆ ವಿಷಯವನ್ನಾಗಿ ಮಾಡುತ್ತಿದ್ದೀರಿ? ನಮ್ಮ ದೇಶದಲ್ಲಿ ಈಗಿರುವ ಧಾರ್ಮಿಕ ಉದ್ವಿಗ್ನತೆ ಸಾಕು (ಕೇಂದ್ರದಲ್ಲಿರುವ ನಿಮ್ಮ ಸ್ನೇಹಿತರಿಗೆ ಧನ್ಯವಾದಗಳು, ಕೇವಲ ಕೇಳುವುದಲ್ಲ, ಮಾಡಿ ತೋರಿಸಿ) ಎಂದು ಪೋಸ್ಟ್​ ಹಾಕಿದ್ದರು.

ಇದು ಅವಬ್ಬರ ನಡುವೆ ಸಾಮಾಜಿಕ ಮಾಧ್ಯಮಗಳಲ್ಲಿ ಸಮರಕ್ಕೆ ಕಾರಣವಾಯಿತು. ಇದಕ್ಕೆ ಭಾನುವಾರ ಮಂಚು ವಿಷ್ಣು ಪ್ರತಿಕ್ರಿಯಿಸಿದ್ದಾರೆ. ಇದರಲ್ಲಿ ಯಾವುದೇ ವಿವಾದವಿಲ್ಲ ಎಂದು ಮಾಧ್ಯಮಗಳಿಗೆ ತಿಳಿಸಿದ್ದಾರೆ.

ಪ್ರಕಾಶ್‌ರಾಜ್ ಟ್ವೀಟ್ ಅನ್ನು ಉದ್ದೇಶಿಸಿ, "ಅದು ಸಂಪೂರ್ಣವಾಗಿ ಅವರ ವೈಯಕ್ತಿಕ ಅಭಿಪ್ರಾಯ. ನಾನು ನನ್ನ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದೇನೆ. ನಾನು ಹಿಂದೂ, ತಿರುಪತಿ ನಿವಾಸಿ, ವಿವಾದಕ್ಕೆ ಧರ್ಮದ ಬಣ್ಣವಿಲ್ಲ ಎಂದು ನಾನು ಹೆಮ್ಮೆಯಿಂದ ಹೇಳಬಲ್ಲೆ. ಆದರೆ ಪ್ರಕಾಶ್​ ರಾಜ್​ ಕಾಮೆಂಟ್‌ಗಳು ಸರಿಯಲ್ಲ. ಅವರು ನನ್ನ ತಂದೆಯ ಅನೇಕ ಚಿತ್ರಗಳಲ್ಲಿ ನಟಿಸಿದ್ದಾರೆ, "ಅವರಿಗೆ ಬಹಳ ಗೌರವವಿದೆ, ಯಾವುದೇ ವಿವಾದಗಳಿಲ್ಲ ಎಂದು ಅವರು ಹೇಳಿದರು.

ಪ್ರಕಾಶ್​ ರಾಜ್​ ಯಾರ ಭಾವನೆಗಳಿಗೆ ಧಕ್ಕೆ ತರುತ್ತಾರೆ ಎಂದು ನಾನು ಹೆದರುತ್ತೇನೆ. ಆತ ಈ ವಿಷಯದಲ್ಲಿ ನಂಬುತ್ತಾರೋ ಇಲ್ಲವೋ ಗೊತ್ತಿಲ್ಲ. ಇನ್ನು 'ಮಾ' ಸಂಘಟನೆ ಬಗ್ಗೆ ಮಾತನಾಡುತ್ತಾ ಅಧ್ಯಕ್ಷನಾಗಿ ಎಲ್ಲವನ್ನೂ ಮಾಡುತ್ತಿದ್ದೇನೆ. ಶೀಘ್ರದಲ್ಲೇ ಸದಸ್ಯರ ನವೀಕರಣ ಇರುತ್ತದೆ. ಲೈಂಗಿಕ ಕಿರುಕುಳ ಪ್ರಕರಣದಲ್ಲಿ ಜಾನಿ ಮಾಸ್ಟರ್ ತಪ್ಪೆಸಗಿದ್ದರೆ ಕಠಿಣ ಶಿಕ್ಷೆಯಾಗಬೇಕು. ಸದ್ಯ ನಮ್ಮ ಚಿತ್ರರಂಗದಲ್ಲಿ ರಕ್ಷಣೆ ಇಲ್ಲದಂತಾಗಿದೆ ಎಂದರು.

ಅಲ್ಲದೇ ಡ್ರಗ್ ಪ್ರಕರಣದಲ್ಲಿ ಸಿಲುಕಿರುವ ನಟಿ ಹೇಮಾ ಬಗ್ಗೆ ಪ್ರತಿಕ್ರಿಯೆ ಕೇಳಿದಾಗ ಆ ವಿವಾದದ ಬಗ್ಗೆ ಮಾತನಾಡುವುದಿಲ್ಲ ಎಂದು ವಿಷ್ಣು ಹೇಳಿದ್ದಾರೆ.

https://www.vijayavani.net/israel-has-killed-another-high-ranking-hezbollah-official-in-airstrike