ಸೋಷಿಯಲ್ ಮೀಡಿಯಾಗಳಲ್ಲಿ ಎಂತೆಂಥಾ ಅಪರೂಪ ಎನ್ನಿಸುವಂತಹ ವಿಡಿಯೋಗಳು ವೈರಲ್ ಆಗುತ್ತವೆ. ಹಾಗೇ ಮೂರು ದಿನಗಳ ಹಿಂದೆ ಪೋಸ್ಟ್ ಮಾಡಲಾದ ಒಂದು ಮೊಟ್ಟೆ ವಿಡಿಯೋ ಸಿಕ್ಕಾಪಟೆ ಸದ್ದುಮಾಡುತ್ತಿದೆ.
ಮೊಟ್ಟೆಯ ಮೇಲಿನ ಮೆಣಸಿನ ಪುಡಿಯನ್ನು ತೆಗೆಯಲು ವ್ಯಕ್ತಿಯೋರ್ವ ವಾಕ್ಯೂಮ್ ಕ್ಲೀನರ್ ಬಳಕೆ ಮಾಡಿ, ನಗೆಪಾಟಲಿಗೀಡಾಗಿದ್ದನ್ನು ವಿಡಿಯೋದಲ್ಲಿ ನೋಡಬಹುದು. ಇದನ್ನು ನೋಡಿದ ನೆಟ್ಟಿಗರಂತೂ ಫುಲ್ ನಕ್ಕಿದ್ದಾರೆ. ಇದನ್ನೂ ಓದಿ: ಕೊವಿಡ್-19ಗೆ 2021ರೊಳಗೆ ಲಸಿಕೆ ಸಿಗುತ್ತದೆ ಎಂಬ ನಿರೀಕ್ಷೆಯೇ ಬೇಡ: ಡಬ್ಲ್ಯೂಎಚ್ಒ
ಒಂದು ಪ್ಲೇಟ್ ಮೇಲೆ ಮೊಟ್ಟೆಯ ಹಳದಿ ಭಾಗವನ್ನು ಇಡಲಾಗಿದೆ (ಬೇಯಿಸಿದ್ದಲ್ಲ). ಅದರ ಮೇಲೆ ಮೆಣಸಿನ ಪುಡಿಯನ್ನು ಸ್ವಲ್ಪ ಜಾಸ್ತಿಯೆನಿಸುವಷ್ಟು ಹಾಕಲಾಗಿದೆ. ಆದರೆ ಅದನ್ನು ಕೈಯಿಂದ ತೆಗೆಯಲು ಸಾಧ್ಯವಿಲ್ಲ. ಯಾಕೆಂದರೆ ಅದು ಮೊಟ್ಟೆಗೆ ಅಂಟಿಕೊಂಡುಬಿಟ್ಟಿದೆ. ಹಾಗಾಗಿ ಈ ವ್ಯಕ್ತಿ ಭರ್ಜರಿ ಉಪಾಯ ಮಾಡಿ, ವ್ಯಾಕ್ಯೂಮ್ ಕ್ಲೀನರ್ನಲ್ಲಿ ಅದನ್ನೆಲ್ಲ ಒಂದು ಕಡೆಯಿಂದ ತೆಗೆಯುತ್ತ ಬರುತ್ತಾನೆ. ಆದರೆ…ಮೊಟ್ಟೆಯ ಹಳದಿ ಹತ್ತಿರ ನೇರವಾಗಿ ಕ್ಲೀನರ್ ಹಿಡಿದಾಗ..ಅದು ಡಬ್ ಎಂದು ಒಡೆದು ವಾಕ್ಯೂಮ್ ಕ್ಲೀನರ್ ಒಳಗೆ ಸೇರಿಕೊಳ್ಳುತ್ತದೆ. ಅದನ್ನು ನೋಡಿದರೆ ಎಂಥವರಿಗಾದರೂ ನಗು ಬರುವುದು ಸಹಜ.
ವಿಡಿಯೋವನ್ನು ಸೌತ್ ಆಫ್ರಿಕಾದ ಸ್ಗುಜಾನಾ ಎಂಬುವರು ಟ್ವಿಟರ್ನಲ್ಲಿ ಶೇರ್ ಮಾಡಿಕೊಂಡಿದ್ದಾರೆ. ಇದು ಹಳೇ ವಿಡಿಯೋ ಆಗಿದ್ದು, ಈಗ ಮತ್ತೊಮ್ಮೆ ಟ್ರೆಂಡ್ ಆಗಿದೆ ಎನ್ನಲಾಗಿದೆ. ಪೆಪ್ಪರ್ ತೆಗೆಯಲು ಹೋಗಿ ಇಡೀ ಮೊಟ್ಟೆಯನ್ನೇ ಕಳೆದುಕೊಂಡ ವ್ಯಕ್ತಿಯನ್ನು ನೋಡಿ ನೆಟ್ಟಿಗರು ಬಿದ್ದುಬಿದ್ದು ನಕ್ಕಿದ್ದಾರೆ. (ಏಜೆನ್ಸೀಸ್)
Added too much pepper 🤣🤣🤣🤣🤣🤣🤣🤣🤣🤣 pic.twitter.com/3AQUSt5Jun
— Sgujana 🧃 (@shange033) July 20, 2020