ಕೋಟಿ ಕೋಟಿ ಕದ್ದವನು ಜೇಬಲ್ಲಿ 1ಲಕ್ಷ ರೂ.ಇಟ್ಟುಕೊಂಡು ಸಿಕ್ಕಿಬಿದ್ದ!

ಹೈದರಾಬಾದ್​: ಯುವಕನೊಬ್ಬ ಐಷಾರಾಮಿ ಜೀವನ ನಡೆಸಲು ಎಟಿಎಂಳಿಗೆ ತುಂಬಿಸಬೇಕಿದ್ದ ಬ್ಯಾಂಕ್​ನ ಹಣ 2.20 ಕೋಟಿ ರೂ. ನಗದು ಹೊಡೆದಿದ್ದ. ಆದರೆ ಕೂಡಲೇ ಎಚ್ಚೆತ್ತ ಪೊಲೀಸರು ಅವನನ್ನು ಹಿಡಿದು ಅಷ್ಟೂ ಹಣ ಜಪ್ತಿ ಮಾಡಿದ್ದಾರೆ.

ಇದನ್ನೂ ಓದಿ: ಪೂಜಾ ಖೇಡ್ಕರ್ ಕುರಿತು ಡಿಒಪಿಟಿಗೆ ವರದಿ ಸಲ್ಲಿಸಿದ ಏಕಸದಸ್ಯ ಸಮಿತಿ

ಅಶೋಕ್ ಕುಮಾರ್ ಬಂಧಿತ. ಇವನು ರಾಜಮಹೇಂದ್ರವರಂನ ಖಾಸಗಿ ಏಜೆನ್ಸಿಯೊಂದರಲ್ಲಿ ಎಟಿಎಂಗಳಲ್ಲಿ ಹಣ ತುಂಬಿಸುವ ಕೆಲಸ ಮಾಡುತ್ತಿದ್ದ. ಶುಕ್ರವಾರ ತಾನು ಕೆಲಸ ಮಾಡುವ ಏಜೆನ್ಸಿ ನೀಡಿದ ಚೆಕ್​ ಅನ್ನು ಬ್ಯಾಂಕ್​ಗೆ ಸಲ್ಲಿಸಿ 3,32,50,000 ರೂ. ಡ್ರಾ ಮಾಡಿದ್ದಾನೆ. ಇದರಲ್ಲಿ ಕೆಲವು ನೌಕರರಿಗೆ 1.12 ಕೋಟಿ ರೂ. ನೀಡಿ ಎಟಿಎಂಗೆ ತುಂಬಿಸುವಂತೆ ತಿಳಿಸಿ ಅಶೋಕ್​ ಬಾಡಿಗೆ ಕಾರ್​ನಲ್ಲಿ 2.20ಕೋಟಿ ರೂ.ನೊಂದಿಗೆ ಪರಾರಿಯಾಗಿದ್ದಾನೆ.

ಅಲ್ಲಿಂದ ಕಾರ್ ಮೂಲಕ ಅಂಬೇಡ್ಕರ್ ಕೋನಸೀಮಾ ಜಿಲ್ಲೆಯ ಕೊತಪೇಟ್ ತಲುಪಿದ ಆಸಾಮಿ ಕಾರಿನ ಮಾಲೀಕರಿಗೆ 50 ಸಾವಿರ ರೂ. ಕೊಟ್ಟು, ತನ್ನ ಪ್ಲಾಟ್​ನಲ್ಲಿ ಸ್ವಲ್ಪ ಹಣ ಮತ್ತು ಬೈಕ್ ನಲ್ಲಿ ಪರಿಚಿತರೊಬ್ಬರ ಬಳಿ ಹೋಗಿ 9 ಲಕ್ಷ ರೂ. ನೀಡಿ ಹೊರಟಿದ್ದಾನೆ. ಆದರೆ ಈತ ಯಾರಿಗೂ ಗುರುತು ಸಿಗದಿರಲೆಂದು ಗಡ್ಡ, ಮೀಸೆ ತೆಗಿಸಿ ಮುಂದೆ ಮಂಡಪೇಟ ಬಳಿ ಬೈಕ್ ನಲ್ಲಿ ತೆರಳುತ್ತಿದ್ದಾಗ ಪೊಲೀಸರು ತಡೆದು ಪರಿಶೀಲಿಸಿದ್ದಾರೆ. ಆಗ ಅವನ ಬಳಿ 1 ಲಕ್ಷ ರೂ.ಸಿಕ್ಕಿದ್ದು, ಅನುಮಾನಗೊಂಡು ತಪಾಸಣೆ ನಡೆಸಿದಾಗ ಬ್ಯಾಂಕ್​ ಹಣ ಕಳವು ಮಾಡಿರುವುದು ಬೆಳಕಿಗೆ ಬಂದಿದೆ.

ಕೂಡಲೇ ಅಶೋಕ್​ನನ್ನು ಬಂಧಿಸಲಾಯಿತು. ಐಷಾರಾಮಿ ಜೀವನ ನಡೆಸಲು ಕಳ್ಳತನ ಮಾಡಿರುವುದಾಗಿ ಆರೋಪಿ ತನಿಖೆ ವೇಳೆ ತಿಳಿಸಿರುವುದಾಗಿ ಎಸ್ಪಿ ನರಸಿಂಹಕಿಶೋರ್​ ತಿಳಿಸಿದ್ದಾರೆ.

https://www.vijayavani.net/fraud-of-rs-crores-by-giving-partnership-in-pawars-companies