ವಿರಾಟ್​​ ಕೊಹ್ಲಿ ಪುತ್ರಿಗೆ ರೇಪ್​ ಬೆದರಿಕೆ ಹಾಕಿದ್ದವ ಪೊಲೀಸ್​ ವಶಕ್ಕೆ

ಹೈದರಾಬಾದ್​​/ಮುಂಬೈ: ಕ್ರಿಕೆಟಿಗ ವಿರಾಟ್​ ಕೊಹ್ಲಿ ಮತ್ತು ನಟಿ ಅನುಷ್ಕಾ ಶರ್ಮ ಅವರ ಒಂದು ವರ್ಷವೂ ತುಂಬಿಲ್ಲದ ಹೆಣ್ಣು ಮಗುವಿಗೆ ಟ್ವಿಟರ್​ ಮೂಲಕ ಅತ್ಯಾಚಾರದ ಬೆದರಿಕೆ ಹಾಕಿದ್ದ ವ್ಯಕ್ತಿಯನ್ನು ಮುಂಬೈ ಪೊಲೀಸರು ಬಂಧಿಸಿದ್ದಾರೆ. ಮುಂಬೈ ಸೈಬರ್​ ಸೆಲ್​​ ಪೊಲೀಸರ ಕಾರ್ಯಾಚರಣೆಯಲ್ಲಿ 23 ವರ್ಷ ವಯಸ್ಸಿನ ರಾಮ್​ನಾಗೇಶ್​ ಶ್ರೀನಿವಾಸನ್​​​ ಅಕುಬತಿನಿ ಎಂಬಾತ ಈ ವಿಕೃತ ಬೆದರಿಕೆ ಹಾಕಿದ್ದ ಎಂಬುದು ಬೆಳಕಿಗೆ ಬಂದಿದೆ.

ಕ್ರಿಕೆಟ್​ ಟಿ20 ವರ್ಲ್ಡ್​ ಕಪ್​ ಪಂದ್ಯಾವಳಿಯಲ್ಲಿ ಭಾರತ ತಂಡ ಪಾಕಿಸ್ತಾನ ತಂಡದ ವಿರುದ್ಧ ಸೋತಾಗ ದೇಶದ ಲಕ್ಷಾಂತರ ಕ್ರಿಕೆಟ್ ಪ್ರೇಮಿಗಳು ಅಸಮಾಧಾನ ಹೊರಹಾಕಿದ್ದರು. ಕೆಲವರು ಸಾಮಾಜಿಕ ಮಾಧ್ಯಮವನ್ನು ಬಳಸಿಕೊಂಡು ತಂಡದ ಆಟಗಾರರ ಮೇಲೆ ವೈಯಕ್ತಿಕ ವಾಗ್ದಾಳಿಯನ್ನೂ ನಡೆಸಿದರು. ಇದೇ ಸಂದರ್ಭದಲ್ಲಿ ಟ್ವಿಟರ್​ನಲ್ಲಿ ವಿರಾಟ್​ ಕೊಹ್ಲಿ ಪುತ್ರಿಯನ್ನು ಅತ್ಯಾಚಾರ ಮಾಡುವುದಾಗಿ ಒಂದು ವಿಕೃತ ಬೆದರಿಕೆ ಬಂದಿತ್ತು.

ಇದನ್ನೂ ಓದಿ: ಸಂಭಾವನೆ ಪಡೆಯದೇ ಅಪ್ಪು ಅನೇಕ ಕೆಲಸ ಮಾಡ್ತಿದ್ರು.. ಪುನೀತ್​ರ ಆ ಜಾಗಕ್ಕೆ ಶಿವಣ್ಣ ಆಗ್ತಾರಾ ರಾಯಭಾರಿ?

ಈ ಬಗ್ಗೆ ನೆಟ್ಟಿಗರು ಆಕ್ರೋಶ ವ್ಯಕ್ತಪಡಿಸಿದ್ದರಲ್ಲದೆ, ದೆಹಲಿ ಮಹಿಳಾ ಆಯೋಗವು ದೆಹಲಿ ಪೊಲೀಸರಿಂದ ಈ ಬಗ್ಗೆ ಪ್ರತಿಕ್ರಿಯೆ ಕೇಳಿತ್ತು. ಇಂಥ ಕೃತ್ಯವು ನಾಚಿಕೆಗೇಡು ಎಂದು ಶೀಘ್ರವೇ ಆರೋಪಿಯನ್ನು ಬಂಧಿಸಲು ಕಾನೂನು ಕ್ರಮ ಜರುಗಿಸಬೇಕೆಂದು ಆಗ್ರಹಿಸಿತ್ತು.

ರಾಮ್​ನಾಗೇಶ್​ ಶ್ರೀನಿವಾಸನ್​ ಅಕುಬತಿನಿ ಎಂಬುವನನ್ನು ಟ್ರೇಸ್​ ಮಾಡಿರುವ ಮುಂಬೈ ಪೊಲೀಸರು, ಬುಧವಾರದಂದು ಅವನನ್ನು ಹೈದರಾಬಾದಿನಲ್ಲಿ ವಶಕ್ಕೆ ಪಡೆದಿದ್ದಾರೆ. ಬಂಧಿತನು ಬಿ.ಟೆಕ್​. ಪದವೀಧರನಾಗಿದ್ದು ಫುಡ್​ ಡೆಲಿವರಿ ಕಂಪೆನಿಯೊಂದರಲ್ಲಿ ಸಾಫ್ಟ್​ವೇರ್​ ವಿಭಾಗದಲ್ಲಿ ಕೆಲಸ ಮಾಡುತ್ತಿದ್ದಾನೆ. ಈತನನ್ನು ಮುಂಬೈಗೆ ಕರೆತಂದು ನ್ಯಾಯಾಲಯದಲ್ಲಿ ಪೊಲೀಸ್​​ ಕಸ್ಟಡಿ ಪಡೆಯಲಾಗುವುದು ಎನ್ನಲಾಗಿದೆ. (ಏಜೆನ್ಸೀಸ್)

https://www.vijayavani.net/accused-in-8-firs-employees-association-president-arrested/

https://www.vijayavani.net/about-24-lakh-rs-stolen-gold-and-silver-recovered/