ಕೊಪ್ಪಳ: ಕೊಪ್ಪಳ ತಾಲೂಕಿನ ಭಾಗ್ಯನಗರದ ಉದ್ಯಮಿ ಶ್ರೀನಿವಾಸ್ ಗುಪ್ತಾ ಮಡಿದ ಪತ್ನಿಯ ಮೇಲಿನ ಪ್ರೀತಿಯನ್ನು ವಿಶಿಷ್ಟವಾಗಿ ಅಭಿವ್ಯಕ್ತಿಗೊಳಿಸಿದ್ದು, ಪತ್ನಿ ಪುತ್ಥಳಿಯೊಂದಿಗೆ ಮನೆ ಗೃಹಪ್ರವೇಶ ನೆರವೇರಿಸಿದ್ದಾರೆ. ಮೂರು ವರ್ಷಗಳ ಹಿಂದೆ ಅಪಘಾತದಲ್ಲಿ ಇವರ ಪತ್ನಿ ವೆಂಕಟನಾಗ ಮಾಧವಿ ಮೃತಪಟ್ಟಿದ್ದರು.
ಗುಪ್ತಾ ಅಪಾರ್ಟ್ವೆುಂಟ್ನಲ್ಲಿ ಇಷ್ಟದ ಮನೆ ಕಟ್ಟಬೇಕೆಂಬುದು ಪತ್ನಿಯ ಬಯಕೆ ಆಗಿತ್ತು. ಹೀಗಾಗಿ ಅವರ ಇಷ್ಟದಂತೆ ಪತಿ ಮನೆ ಕಟ್ಟಿದ್ದಾರೆ. ಪತ್ನಿ ಉಪಸ್ಥಿತಿಯಲ್ಲೇ ಗೃಹ ಪ್ರವೇಶ ಮಾಡಿಕೊಳ್ಳಬೇಕೆಂದು ನಿರ್ಧರಿಸಿದ ಗುಪ್ತಾ, ಸೋಫಾ ಮೇಲೆ ಕುಳಿತ ಭಂಗಿಯಲ್ಲಿ ಇರುವಂತೆ ಪತ್ನಿಯ ಪುತ್ಥಳಿ ಮಾಡಿಸಿದ್ದಾರೆ. ನೋಡಲು ಇದು ನಿಜಮನುಷ್ಯರಂತೆ ಕಾಣುವುದು ವಿಶೇಷ.
ವರ್ಷದ ಹಿಂದೆ ಬೆಂಗಳೂರಿನಲ್ಲಿ ಮೂರ್ತಿ ಮಾಡಿಸಿದ್ದು, ಸಿಲಿಕಾನ್ನಿಂದ ತಯಾರಿಸಲಾಗಿದೆ. 3-4 ಅಡಿ ಎತ್ತರ ಹಾಗೂ 15 ಕೆಜಿ ತೂಕ ಹೊಂದಿದೆ. ಪತ್ನಿ ಮೇಲೆ ಗುಪ್ತಾ ಇಟ್ಟಿರುವ ಪ್ರೀತಿಗೆ ಎಲ್ಲರೂ ತಲೆದೂಗಿದ್ದಾರೆ.