ಕಂತೆ.. ಕಂತೆ ಹಣವಿರುವ ನೋಟುಗಳ ಕಟ್ಟನ್ನು ಬೆಂಕಿಗೆ ಹಾಕಿ ಚಳಿ ಕಾಯಿಸಿದ! Man Burned Money

Man Burned Money:  ವಾತಾವರಣ ಬದಲಾಗಿದೆ.. ಜನರು ಬೆಚ್ಚಗಿರಲು  ಬಿಸಿ ಬಿಸಿಯಾದ ಆಹಾರ ಸೇವನೆ ಮಾಡುವುದು ಹಾಗೂ ಕಟ್ಟಿಗೆಗಳನ್ನು ಒಟ್ಟಿಗೆ ಹಾಕಿ ಬೆಂಕಿ ಹಾಕಿ ಚಳಿ ಕಾಯಿಸುತ್ತಾರೆ. ಆದರೆ ಇಲ್ಲೊಬ್ಬ ವ್ಯಕ್ತಿ ಬೆಂಕಿ ಹಚ್ಚಲು ತನ್ನ ಮನೆಯ ಚಿಮಣಿಗೆ ಕರೆನ್ಸಿ ನೋಟುಗಳ ಬಂಡಲ್‌ಗಳನ್ನು ಎಸೆಯುತ್ತಿರುವುದು ಕಂಡುಬಂದಿದೆ. ವ್ಯಕ್ತಿಯ ಈ ಕ್ರಮ ನೋಡಿ ಸಾಮಾಜಿಕ ಜಾಲತಾಣಿಗರು ಬೆಚ್ಚಿಬಿದ್ದಿದ್ದಾರೆ. ಈ ಕುರಿತಾದ ವಿಡಿಯೋ ಸೋಶಿಯಲ್​​ ಮೀಡಿಯಾದಲ್ಲಿ ಸಖತ್​ ವೈರಲ್​​ ಆಗಿದೆ.

ವಿಡಿಯೋದಲ್ಲಿ ಏನಿದೆ?:  ವೀಡಿಯೊದಲ್ಲಿ, ವ್ಯಕ್ತಿ ತನ್ನ ಮನೆಯ ಒಲೆಯ ಮುಂಭಾಗದ ಮೇಜಿನ ಮೇಲೆ ಕರೆನ್ಸಿ ನೋಟುಗಳ ಬಂಡಲ್‌ಗಳನ್ನು ಇಡುತ್ತಿರುವುದನ್ನು ಕಾಣಬಹುದು. ವ್ಯಕ್ತಿ ಆ ನೋಟುಗಳ ಬಂಡಲ್‌ಗಳನ್ನು ಒಂದೊಂದಾಗಿ  ಒಲೆಗೆ ಎಸೆಯುವುದನ್ನು ಕಾಣಬಹುದು. ಕಪ್ಪು ಕೋಟು, ಟೋಪಿ, ಸನ್ ಗ್ಲಾಸ್ ಧರಿಸಿದ್ದ ವ್ಯಕ್ತಿಯೊಬ್ಬ ಹಣಕ್ಕೆ ಬೆಂಕಿ ಹಚ್ಚುತ್ತಿರುವುದನ್ನು ನೋಡಿದರೆ ಆತ ಅತ್ಯಂತ ಶ್ರೀಮಂತನಾಗಿರಬೇಕು ಎಂದು ಕಾಣಿಸುತ್ತದೆ.

ವೀಡಿಯೋದಲ್ಲಿ ಕಾಣಿಸಿಕೊಂಡಿರುವ ವ್ಯಕ್ತಿ ಅಮೆರಿಕದ ನಿವಾಸಿಯಾಗಿದ್ದು, ಆತನ ಹೆಸರು ಫೆಡರ್ ಬಾಲವನೋವಿಚ್. ವ್ಯಕ್ತಿ ಇಂತಹ ಇನ್ನೂ ಹಲವು ವೀಡಿಯೋಗಳನ್ನು ಮಾಡಿ ತಮ್ಮ ಇನ್ಸ್ಟಾಗ್ರಾಮ್ ನಲ್ಲಿ ಹಂಚಿಕೊಂಡಿದ್ದಾರೆ. ನೋಟುಗಳನ್ನು ಸುಟ್ಟು ಸ್ಫೋಟಿಸುವ ಮೂಲಕ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ಫೇಮಸ್ ಆಗಿದ್ದಾರೆ. ವೀಡಿಯೊವನ್ನು ಫೆಡರ್ ಬಾಲವನೋವಿಚ್ ಅವರು ತಮ್ಮ Instagram ಖಾತೆ @mr.good.luck_ ನಿಂದ ಹಂಚಿಕೊಂಡಿದ್ದಾರೆ.

ವೀಡಿಯೋ ವೈರಲ್ ಆದ ನಂತರ ಜನರಿಂದ ಕಾಮೆಂಟ್‌ಗಳ ಮಹಾಪೂರವೇ ಹರಿದು ಬಂದಿತ್ತು. ಅಲ್ಲಿ ಜನರು ಹಣಕಾಸಿನ ಸಹಾಯಕ್ಕಾಗಿ ಅವರ ಮನವಿಯನ್ನು ಮತ್ತು ಹಣದ ಮೌಲ್ಯವನ್ನು ಕಡೆಗಣಿಸುವುದನ್ನು ಕಟುವಾಗಿ ಟೀಕಿಸಿದರು. ನೀವು ಸುಟ್ಟ ಹಣವು ನನ್ನ ಇಡೀ ಜೀವನವನ್ನು ಬದಲಾಯಿಸುತ್ತದೆ. ಸಹೋದರ, ಹಣವನ್ನು ಸುಡಬೇಡ. ಈ ನೋಟುಗಳು ನಕಲಿ, ಅದು ನಿಜವಾಗಿದ್ದರೆ, ನಿಮಗೆ ಯಾವುದಾದರೂ ಕಾಯಿಲೆ ಇದೆಯೇ? ಎಂದು ಕಾಮೆಂಟ್​​ ಮಾಡಿದ್ದಾರೆ.

https://www.vijayavani.net/is-your-smartphone-making-you-age-faster

https://www.vijayavani.net/teacher-suspended-for-spreading-religious-propaganda-in-school