Snake video viral: ಬೆಕ್ಕು, ನಾಯಿ, ಹಸು ಹೀಗೆ ಸಾಕುಪ್ರಾಣಿಗಳಿಗೆ ಸ್ನಾನ ಮಾಡಿಸುವುದು ಸಾಮಾನ್ಯ. ಆದ್ರೆ ಇಲ್ಲೊಬ್ಬ ವ್ಯಕ್ತಿ ಬ್ಋಹತ್ ನಾಗರಹಾವಿಗೆ ಸ್ನಾ ಮಾಡಿಸಿದ್ದಾನೆ. ಈತ ಸ್ನಾನ ಮಾಡಿಸಿರೋದು ಎಲ್ಲಿ ಗೊತ್ತಾ ಮನೆಯ ವಾಶ್ರೂಮ್ನಲ್ಲಿ.
ಚಿಕ್ಕ ಮಕ್ಕಳನ್ನ ನಾವು ಯಾವ ರೀತಿ ಬಚ್ಚಲು ಮನೆಗೆ ಕರೆದುಕೊಂಡು ಹೋಗಿ ಸ್ನಾನ ಮಾಡಿಸುತ್ತೇವೆಯೋ ಅದೇ ರೀತಿಯಲ್ಲಿ ಈತ ಹಾವಿಗೆ ಸ್ನಾನ ಮಾಡಿಸುರುವ ವಿಡಿಯೋ ಇದೀಗ ತುಂಬಾನೆ ವೈರಲ್ ಆಗಿದೆ.
ಐಎಫ್ಎಸ್ ಅಧಿಕಾರಿ ಸುಶಾಂತ ನಂದ ಈ ವಿಡಿಯೋವನ್ನ ತಮ್ಮ ಎಕ್ಸ್(ಟ್ವಿಟ್ಟರ್) ಖಾತೆಯಲ್ಲಿ ಹಂಚಿಕೊಂಡಿದ್ದು ಈ ವಿಡಿಯೋ ನೋಡುಗರ ಹುಬ್ಬೇರಿಸಿದೆ. ಜತೆಗೆ ಈ ವಿಡಿಯೋಗೆ ನೆಟ್ಟಿಗರು ನಾನಾ ರಿತಿಯಲ್ಲಿ ಕಾಮೆಂಟ್ಗಳನ್ನೂ ಮಾಡಿದ್ದಾರೆ.
ಓರ್ವ ವ್ಯಕ್ತಿ ನಾನು ಪುಟ್ಟ ಮಗುವನ್ನ ಸ್ನಾನ ಮಾಡಿಸೋದನ್ನ ನೋಡಿದ್ದೆ. ಒಂದು ಬಾರಿ ಈ ವಿಡಿಯೋದಲ್ಲಿ ಹಾವನ್ನ ಕಂಡು ಶಾಕ್ ಆಯ್ತು ಎಂದಿದ್ದಾರೆ. ಮತ್ತೊಬ್ಬ ವ್ಯಕ್ತಿ ಹಾವಿಗೆ ಸ್ನಾನ ಮಾಡಿಸುತ್ತಿರುವ ವ್ಯಕ್ತಿಯ ಧೈರ್ಯವನ್ನ ಮೆಚ್ಚಲೇ ಬೇಕು ಎಂದಿದ್ದಾರೆ.
ವ್ಯಕ್ತಿ ಬಕೆಟ್ನಲ್ಲಿದ್ದ ನೀರನ್ನು ತೆಗೆದು ಹಾವಿನ ತಲೆಯ ಮೇಲೆ ಹಾಕಿದ್ದು, ಹಾವು ಕೂಡ ಪುಟ್ಟ ಮಗುವಿನಂತೆ ಸ್ನಾ ಮಾಡಿಸಿಕೊಂಡಿದೆ. ವಿಷಕಾರಿ ಹಾವಿಗೆ ಸ್ನಾನ ಮಾಡಿಸುವುದು ಎಷ್ಟು ಸುರಕ್ಷಿತ ಇಂತಹ ದುಸ್ಸಾಹಸ ಬೇಕಿತ್ತಾ ಎಂದು ಸಾಕಷ್ಟು ಮಂದಿ ಪ್ರಶ್ನಿಸಿದ್ದಾರೆ.
ಈ ವಿಡಿಯೋ ಶೇರ್ ಮಾಡಿದಾಗಿಂದಲೂ ಇಲ್ಲಿಯವರೆಗೆ 10 ಸಾವಿರಕ್ಕೂ ಹೆಚ್ಚು ವೀಕ್ಷಣೆಯನ್ನ ಗಳಿಸಿದ್ದು, ಹಾವುಗಳು ತಮಗೆ ಬೇಖಾದಾಗ ಪೊರೆ ಬಿಟ್ಟುಕೊಳ್ಳುತ್ತೆ ಹಾಗಾಗಿ ಅವುಗಳಿಗೆ ಸ್ನಾನವೇ ಬೇಡ ಎಂಬ ಅಭಿಪ್ರಾಯವನ್ನೂ ವ್ಯಕ್ತ ಪಡಿಸಲಾಗಿದೆ.