ಬೋವಿಕ್ಕಾನದಿಂದ ಮಲ್ಲ ದೇವಸ್ಥಾನಕ್ಕೆ ಸಂಚರಿಸುವ ರಸ್ತೆ ಮಧ್ಯೆ ಅಪಾಯ ಕೈಬೀಸಿ ಕರೆಯುತ್ತಿದೆ. ರಸ್ತೆ ಅಭಿವೃದ್ಧಿ ಕಾರ್ಯ ನಡೆಸುವ ಸಂದರ್ಭ ಒಂದು ಪಾರ್ಶ್ವ ಕುಸಿಯುತ್ತಿದ್ದರೂ, ಇದನ್ನು ಪರಿಗಣಿಸದೆ ರಸ್ತೆ ಅಭಿವೃದ್ಧಿ ಕಾರ್ಯ ನಡೆಸಲಾಗಿದೆ. ಇದರಿಂದ ರಸ್ತೆ ಭಾರಿ ಅಪಾಯದಂಚಿಗೆ ಸಾಗಿದೆ. ಬೋವಿಕ್ಕಾನ ಎಂಟನೇ ಮೈಲಿಗಲ್ಲಿನಿಂದ ಮಲ್ಲ ಬೀಟಿಯಡ್ಕ ರಸ್ತೆಯನ್ನು ಜಿ.ಪಂ ಹಾಗೂ ಕೇಂದ್ರ ಮೊತ್ತ ಬಳಸಿ 5.25ಕೋಟಿ ರೂ. ವೆಚ್ಚದಲ್ಲಿ ನವೀಕರಿಸಲಾಗಿದ್ದರೂ, ಕುಸಿದ ಪ್ರದೇಶವನ್ನು ದುರಸ್ತಿ ನಡೆಸದೆ ಹಾಗೇ ಬಿಡಲಾಗಿದೆ. ಕುಸಿತಕ್ಕೀಡಾಗಿರುವ ರಸ್ತೆ ಅಂಚಿಗೆ ಸೂಕ್ತ ತಡೆಗೋಡೆ ನಿರ್ಮಿಸುವಂತೆ ಸ್ಥಳೀಯರು ಮಾಡಿಕೊಂಡ ಮನವಿಗೂ ಯಾವುದೇ ಬೆಲೆಯಿಲ್ಲದಾಗಿದೆ.
