ಮುಂಬೈ ಇಂಡಿಯನ್ಸ್​​​ಗೆ ಲಸಿತ್​ ಮಾಲಿಂಗ ಹೊಸ ಬೌಲಿಂಗ್​ ಕೋಚ್​?

ಮುಂಬೈ: ಶ್ರೀಲಂಕಾದ ಮಾಜಿ ವೇಗಿ ಲಸಿತ್​ ಮಾಲಿಂಗ ಮುಂದಿನ ವರ್ಷದ ಐಪಿಎಲ್​ ಟೂರ್ನಿಗೆ ಮುಂಬೈ ಇಂಡಿಯನ್ಸ್​ ತಂಡದ ಬೌಲಿಂಗ್​ ಕೋಚ್​ ಆಗಿ ನೇಮಕಗೊಳ್ಳಲಿದ್ದಾರೆ ಎಂದು ವರದಿಯಾಗಿದೆ. ಕಳೆದ 9 ಆವೃತ್ತಿಗಳಿಂದ ಈ ಹುದ್ದೆಯಲ್ಲಿದ್ದ ನ್ಯೂಜಿಲೆಂಡ್​ನ ಶೇನ್​ ಬಾಂಡ್​ ಅವರ ಉತ್ತರಾಧಿಕಾರಿಯಾಗಿ ಮಾಲಿಂಗ ಕಾರ್ಯನಿರ್ವಹಿಸಲಿದ್ದಾರೆ ಎನ್ನಲಾಗಿದೆ.

ಈ ಮುನ್ನ ಮುಂಬೈ ಇಂಡಿಯನ್ಸ್​ ತಂಡದ ಪರ ಪ್ರಮುಖ ವೇಗಿಯಾಗಿ ಆಡಿದ್ದ ಮಾಲಿಂಗ, ತಂಡದ 5 ಐಪಿಎಲ್​ ಪ್ರಶಸ್ತಿ ಗೆಲುವುಗಳ ಪೈಕಿ 4ರಲ್ಲಿ (2013, 2015, 2017, 2019) ತಂಡದಲ್ಲಿದ್ದರು. ಮುಂಬೈ ಪರ 139 ಪಂದ್ಯ ಆಡಿದ್ದ ಮಾಲಿಂಗ 195 ವಿಕೆಟ್​ ಕಬಳಿಸಿದ್ದರು.

ಈ ಮುನ್ನ 2018ರ ಆವೃತ್ತಿಯಲ್ಲಿ ಮುಂಬೈ ತಂಡದ ಮೆಂಟರ್​ ಆಗಿಯೂ ಕಾರ್ಯನಿರ್ವಹಿಸಿದ್ದರು. 2021ರಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ವಿದಾಯ ಹೇಳಿದ್ದ ಮಾಲಿಂಗ, ಕಳೆದೆರಡು ಐಪಿಎಲ್​ ಆವೃತ್ತಿಗಳಲ್ಲಿ ರಾಜಸ್ಥಾನ ರಾಯಲ್ಸ್​ ತಂಡದ ಬೌಲಿಂಗ್​ ಕೋಚ್​ ಆಗಿದ್ದರು.

https://www.vijayavani.net/icc-unveils-mascots-for-odi-world-cup-2023-launches-competition-for-names