ಮನೆಯಲ್ಲಿದ್ದ ಕೆಲಸದಾಕೆಗೆ ಐಫೋನ್ ಗಿಫ್ಟ್ ನೀಡಿದ ದಂಪತಿ! Video Viral

ಮಲೇಷಿಯಾ:  ಅನೇಕ ಜನರು ಯಾವುದೇ ಹಬ್ಬ ಅಥವಾ ವಿಶೇಷ ದಿನದಂದು ಮನೆಯಲ್ಲಿ ಕೆಲಸ ಮಾಡುವವರಿಗೆ ಬಟ್ಟೆ ಮತ್ತು ಉಡುಗೊರೆಗಳನ್ನು ನೀಡುತ್ತಾರೆ. ಅನೇಕರು ಸಿಹಿತಿಂಡಿಗಳು, ಆಹಾರ, ಬಟ್ಟೆ ಅಥವಾ ಸ್ವಲ್ಪ ಹಣವನ್ನು ಉಡುಗೊರೆಯಾಗಿ ನೀಡುತ್ತಾರೆ. ಆದರೆ, ಈ ದಂಪತಿ ತಮ್ಮ ಸೇವಕಿಗೆ ದುಬಾರಿ, ಅನಿರೀಕ್ಷಿತ ಉಡುಗೊರೆ ನೀಡುವ ಮೂಲಕವಾಗಿ ಸುದ್ದಿಯಾಗಿದ್ದಾರೆ. ( Video Viral )

.ಮಲೇಷಿಯಾದ ದಂಪತಿ, ಜೆಫ್ ಲಿಯಾಂಗ್ ಮತ್ತು ಅವರ ಪತ್ನಿ ಇಂತಿರಾ ಕಲಾಂಗಿಯಂ ತಮ್ಮ ಯೂಟ್ಯೂಬ್ ಚಾನೆಲ್ ಜೆಫ್ ಮತ್ತು ಇಂತಿರಾದಲ್ಲಿ ವ್ಲಾಗ್‌ಗಳನ್ನು ಹಂಚಿಕೊಂಡಿದ್ದಾರೆ. ದಂಪತಿ ತಮ್ಮ ಮನೆಯಲ್ಲಿ ಕೆಲಸ ಮಾಡುವ ಇಬ್ಬರು ದಾಸಿಯರಿಗೆ ಐಫೋನ್ ಉಡುಗೊರೆಯಾಗಿ ನೀಡಿದ್ದಾರೆ. ಇಬ್ಬರೂ ತಮ್ಮ ದಾಸಿಯರಿಗೆ ಐಫೋನ್ ತಂದುಕೊಟ್ಟು ಯಾವುದೇ ಮಾಹಿತಿಯಿಲ್ಲದೆ ಅಚ್ಚರಿ ಮೂಡಿಸಿದರು.

ದಂಪತಿ ತಮ್ಮ ಮಗಳ ಕೈಯಲ್ಲಿ ಉಡುಗೊರೆಯನ್ನು ನೀಡಿದರು. ಐಫೋನ್ ಕೊಟ್ಟದ್ದನ್ನು ನೋಡಿ ಇಬ್ಬರಿಗೂ ನಂಬಲಾಗಲಿಲ್ಲ. ದುಬಾರಿ ಉಡುಗೊರೆಯನ್ನು ನೋಡಿದ ಅವರ ಕಣ್ಣಲ್ಲಿ ನೀರು ಬಂತು. ಇದೆಲ್ಲವನ್ನೂ ದಂಪತಿ ವಿಡಿಯೋ ರೆಕಾರ್ಡ್ ಮಾಡಿದ್ದಾರೆ. ನಂತರ ಅವರು ತಮ್ಮ ಯೂಟ್ಯೂಬ್ ಚಾನೆಲ್‌ನಲ್ಲಿ ವೀಡಿಯೊವನ್ನು ಸಹ ಹಂಚಿಕೊಂಡಿದ್ದಾರೆ. 

ಈ ಮಲೇಷಿಯಾದ ದಂಪತಿ ತಮ್ಮೊಂದಿಗೆ ಎರಡು ವರ್ಷಗಳಿಂದ ವಾಸಿಸುತ್ತಿರುವ ಶ್ರೀ ಮತ್ತು ನೆನೆಂಗ್ ಎಂಬ ಇಬ್ಬರು ಇಂಡೋನೇಷಿಯಾದ ದಾಸಿಯರನ್ನು ನೇಮಿಸಿಕೊಂಡರು. ಇಬ್ಬರೂ ಮನೆಗೆಲಸ, ಅಡುಗೆ ಮತ್ತು ಸಣ್ಣ ಮಕ್ಕಳನ್ನು ನೋಡಿಕೊಳ್ಳುತ್ತಿದ್ದಾರೆ. ವೀಡಿಯೊದಲ್ಲಿ, ಇಬ್ಬರು ಸೇವಕಿಯರಿಗೆ ಫೋನ್ ನೀಡಲಾಯಿತು ಮತ್ತು "ಇದು ನಂಬಲಾಗದಂತಿದೆ" ಎಂದು ಸಂತೋಷದಿಂದ ಕಿರುಚಿದರು. ತಕ್ಷಣ ದಂಪತಿಗಳು..ಈಗ ನೀನು ಕೇವಲ ಮನೆಗೆಲಸದವರಲ್ಲ..ನಮ್ಮ ಸಂಸಾರದ ಭಾಗವಾಗಿದ್ದೀರಿ ಎಂದು ಧೈರ್ಯ ತುಂಬಿದರು. ಈ ವಿಡಿಯೋ ವೈರಲ್​​ ಆಗಿದೆ.