Mahesh Babu : ನಟಿ ದಿವಿ ವದ್ಯ ತೆಲುಗು ಬಿಗ್ಬಾಸ್ನಲ್ಲಿ ಭಾಗವಹಿಸಿ ಜನಪ್ರಿಯತೆ ಪಡೆದವರು. ಅಲ್ಲದೆ, ಸಿನಿಮಾಗಳಲ್ಲಿ ಸಣ್ಣ ಪಾತ್ರಗಳನ್ನು ಮಾಡುವ ಮೂಲಕ ಖ್ಯಾತಿ ಗಳಿಸಿದರು. ಇತ್ತೀಚೆಗೆ, ಯೂಟ್ಯೂಬ್ ಚಾನೆಲ್ ಒಂದಕ್ಕೆ ಸಂದರ್ಶನ ನೀಡಿರುವ ದಿವಿ, ಅನೇಕ ಆಸಕ್ತಿಕರ ವಿಷಯಗಳನ್ನು ಬಹಿರಂಗಪಡಿಸಿದ್ದಾರೆ.
ಬಿಗ್ಬಾಸ್ ರಿಯಾಲಿಟಿ ಶೋನಲ್ಲಿ ಭಾಗವಹಿಸುವ ಮುನ್ನ ದಿವಿ, ಮಹೇಶ್ ಬಾಬು ನಟನೆಯ ಮಹರ್ಷಿ ಚಿತ್ರದಲ್ಲಿ ನಟಿಸಿದರು. ಆ ಸಿನಿಮಾ ಮತ್ತು ಮಹೇಶ್ ಬಾಬು ಬಗ್ಗೆ ದಿವಿ ಆಡಿರುವ ಮಾತುಗಳು ವೈರಲ್ ಆಗುತ್ತಿವೆ. ಅಷ್ಟಕ್ಕೂ ದಿವಿ ಏನು ಹೇಳಿದರು ಎಂಬುದನ್ನು ನಾವೀಗ ತಿಳಿಯೋಣ.
.
ಮಹೇಶ್ ಬಾಬು ಅವರು ಹ್ಯಾಂಡ್ಸಮ್. ಮಹರ್ಷಿ ಚಿತ್ರೀಕರಣದ ಸಮಯದಲ್ಲಿ ಎಲ್ಲ ಹುಡುಗಿಯರು ಮಹೇಶ್ ಮತ್ತು ಅವರ ಅಂದದ ಬಗ್ಗೆಯೇ ಮಾತನಾಡುತ್ತಿದ್ದರು. ಇಡೀ ಸಿನಿಮಾ ಸೆಟ್ನಲ್ಲಿ ಮಹೇಶ್ ಅವರು ಮಾತ್ರ ಮಿರ ಮಿರ ಮಿಂಚುತ್ತಿದ್ದರು. ಅವರೊಂದಿಗೆ ಹಲವು ಸೀನ್ಗಳಲ್ಲಿ ನಟಿಸಿದ್ದೇನೆ. ಆ ಚಿತ್ರದಲ್ಲಿ ನನ್ನದು ದೊಡ್ಡ ಪಾತ್ರ. ಆದರೆ, ಎಡಿಟಿಂಗ್‌ನಲ್ಲಿ ಹಲವು ದೃಶ್ಯಗಳಿಗೆ ಕತ್ತರಿ ಹಾಕಲಾಗಿದೆ ಎಂದು ದಿವಿ ತಿಳಿಸಿದರು.
ಮಾತು ಮುಂದುವರಿಸಿದ ದಿವಿ, ಮಹೇಶ್ ಬಾಬು ಅವರ ಹಣೆಯ ಮೇಲೆ ಮಚ್ಚೆ ಇದೆ. ನಮ್ಮ ನಡುವಿನ ದೃಶ್ಯದ ಶೂಟಿಂಗ್ ನಡೆಯುತ್ತಿರುವಾಗ, ಗಾಳಿಯಲ್ಲಿ ಮಹೇಶ್ ಬಾಬು ಅವರ ಕೂದಲು ಹಾರಾಡುತ್ತದೆ. ಆ ಸಮಯದಲ್ಲಿ ನಾನು ಆ ಮಚ್ಚೆಯನ್ನು ನೋಡಿದೆ. ಒಂದು ದೃಶ್ಯದಲ್ಲಿ ಮಹೇಶ್ ಬಾಬು ಜತೆ ಮಾತನಾಡುತ್ತಿರುವಂತೆ ನಟಿಸಬೇಕಾಗಿತ್ತು. ಈ ವೇಳೆ ನಿಮ್ಮ ಹಣೆಯ ಮೇಲಿನ ಮಚ್ಚೆ ತುಂಬಾ ಚೆನ್ನಾಗಿದೆ ಸರ್ ಎಂದು ಹೇಳಿದೆ. ಈ ವೇಳೆ ನನಗೆ ನಗು ತಡೆಯಲಾಗದೇ ನಕ್ಕಿದ್ದೆ. ಅಲ್ಲದೆ, ಇದರಿಂದ ಶೂಟಿಂಗ್ ಕೂಡ ಕೆಲ ಕಾಲ ಸ್ಥಗಿತವಾಗಿತ್ತು. ಮಹರ್ಷಿ ಚಿತ್ರದ ಹಲವು ನೆನಪುಗಳಿವೆ ಎಂದು ದಿವಿ ವದ್ಯ ಹೇಳಿದ್ದಾರೆ. ಮಹೇಶ್ ಬಾಬು ಅವರ ಮಚ್ಚೆಯ ಬಗ್ಗೆ ದಿವಿ ಮಾಡಿರುವ ಕಾಮೆಂಟ್‌ಗಳು ಇದೀಗ ವೈರಲ್ ಆಗಿವೆ.
ನನಗೆ ಮಹೇಶ್ ಬಾಬು ಹಾವು ರಾಜಮೌಳಿ ಚಿತ್ರದಲ್ಲಿ ನಟಿಸಬೇಕು ಅಂತ ಆಸೆ ಇದೆ. ರಾಜಮೌಳಿ ಚಿತ್ರದಲ್ಲಿ ನಟಿಸಬೇಕು ಅಂತ ನನಗೆ ಮೊದಲಿನಿಂದಲೂ ಆಸೆ ಇತ್ತು. ಈ ಚಿತ್ರಕ್ಕಾಗಿ ನಾನು ತುಂಬಾ ಪ್ರಯತ್ನಿಸುತ್ತಿದ್ದೇನೆ. ರಾಜಮೌಳಿ ತಂಡದಲ್ಲಿ ನನಗೆ ತಿಳಿದಿರುವ ಎಲ್ಲರನ್ನೂ ನಾನು ಒಂದು ಪಾತ್ರಕ್ಕಾಗಿ ಕೇಳುತ್ತಿದ್ದೇನೆ. ಅವಕಾಶ ಸಿಕ್ಕರೆ ಆಡಿಷನ್ ಕೂಡ ಮಾಡುತ್ತೇನೆ. ಆ ಚಿತ್ರದಲ್ಲಿ ನಾನು ನಟಿಸಬೇಕು ಅಂತ ದಿವಿ ಇದೇ ಸಂದರ್ಭದಲ್ಲಿ ಹೇಳಿದ್ದಾರೆ. (ಏಜೆನ್ಸೀಸ್)
ಬೇರೆ ದೇಶಗಳ ಪರ ಆಡಿ ಸಖತ್ ಹೆಸರು ಮಾಡಿದ ಭಾರತೀಯ ಮೂಲದ ಟಾಪ್ 10 ಕ್ರಿಕೆಟಿಗರಿವರು… Indian Origin Cricketers
