ಪುಣೆ ಸಗಟು ಮಾರುಕಟ್ಟೆಯಲ್ಲಿ ಟೊಮ್ಯಾಟೊ ಧಾರಣೆ ಕೆಜಿಗೆ ಐದು ರೂಪಾಯಿಗೆ ಕುಸಿದಿದೆ. ಮೂರು ಪ್ರಮುಖ ಸಗಟು ಮಾರುಕಟ್ಟೆಗಳಾದ ಪಿಂಪಲ್ಗಾಂವ್, ನಾಸಿಕ್ ಮತ್ತು ಲಸಲ್ಗಾಂವ್ನಲ್ಲಿ 20 ಕೆಜಿಯ ಕ್ರೇಟ್ ದರ 90 ರೂಪಾಯಿಗೆ ಕುಸಿದಿದೆ. ಕಳೆದ ಆರು ವಾರಗಳಲ್ಲಿ ಅದು 2,000 ರೂಪಾಯಿ ಆಗಿತ್ತು. ಕೊಲ್ಲಾಪುರದ ಚಿಲ್ಲರೆ ಮಾರ್ಕೆಟ್ನಲ್ಲಿ ಕೆಜಿಗೆ 2ರಿಂದ 3 ರೂಪಾಯಿಯಂತೆ ಮಾರಾಟವಾಗುತ್ತಿದೆ. ಒಂದು ತಿಂಗಳ ಹಿಂದೆ ಕೆಜಿ ಟೊಮಾಟೋ ದರ ಸುಮಾರು 220 ರೂಪಾಯಿ ಆಗಿತ್ತು. ಕಳೆದ ಕೆಲವು ವಾರಗಳಿಂದ ಸಗಟು ಮಾರ್ಕೆಟ್ಗಳಲ್ಲಿ ಬೆಲೆ ಪಾತಾಳಕ್ಕೆ ಹೋಗಿರುವುದರಿಂದ ಪುಣೆ ಜಿಲ್ಲೆಯ ಜುನ್ನಾರ್ ಮತ್ತು ಅಂಬೆಗಾಂವ್ ತಹಸೀಲ್ಗಳ ರೈತರು ಟೊಮಾಟೋ ಬೆಳೆಯುವುದನ್ನೇ ನಿಲ್ಲಿಸಿದ್ದಾರೆ.
