ಮಹಾರಾಜ ಟ್ರೋಫಿ 4ನೇ ಆವೃತ್ತಿ: ಪಡಿಕ್ಕಲ್​, ಅಭಿನವ್​, ಮನೀಷ್​ ದುಬಾರಿ, ಆರು ತಂಡಗಳ ಬಲಾಬಲ ಹೀಗಿದೆ!

ಗುರುರಾಜ್​ ಬಿ.ಎಸ್​. ಬೆಂಗಳೂರು

ಭಾರತ ಟೆಸ್ಟ್​ ತಂಡ ಹಾಗೂ ಐಪಿಎಲ್​ 18ನೇ ಆವೃತ್ತಿಯ ಚಾಂಪಿಯನ್​ ಆರ್​ಸಿಬಿ ತಂಡದ ಎಡಗೈ ಬ್ಯಾಟರ್​ ದೇವದತ್​ ಪಡಿಕ್ಕಲ್​ 4ನೇ ಆವೃತ್ತಿಯ ಮಹಾರಾಜ ಟ್ರೋಫಿ ಕೆಎಸ್​ಸಿಎ ಟಿ20 ಟೂರ್ನಿ ಆಟಗಾರರ ಹರಾಜು ಪ್ರಕ್ರಿಯೆಯಲ್ಲಿ ಗರಿಷ್ಠ ₹13.20 ಲಕ್ಷ ರೂಪಾಯಿಗಳಿಗೆ ಸೇಲಾಗುವ ಮೂಲಕ ದುಬಾರಿ ಆಟಗಾರ ಎನಿಸಿದ್ದಾರೆ. ಕಳೆದ ಆವೃತ್ತಿಯಲ್ಲಿ ಗುಲ್ಬರ್ಗಾ ಮಿಸ್ಟಿಕ್ಸ್​ ಪರ ಆಡಿದ್ದ ಪಡಿಕ್ಕಲ್​ ಈ ಬಾರಿ ಹುಬ್ಬಳ್ಳಿ ಟೈಗರ್​ ತಂಡ ಸೇರಿದರು. ಸ್ಫೋಟಕ ಬ್ಯಾಟರ್​ ಅಭಿನವ್​ ಮನೋಹರ್​ ಹಾಗೂ ಅನುಭವಿ ಮನೀಷ್​ ಪಾಂಡೆ ತಲಾ ₹12.20 ಲಕ್ಷಕ್ಕೆ ಕ್ರಮವಾಗಿ ಹುಬ್ಬಳ್ಳಿ ಟೈಗರ್ಸ್​, ಹಾಲಿ ಚಾಂಪಿಯನ್​ ಮೈಸೂರು ವಾರಿಯರ್ಸ್​ ತಂಡ ಪಾಲಾದರು. ಟೀಮ್​ ಇಂಡಿಯಾ ಮಾಜಿ ಕೋಚ್​, ದಿಗ್ಗಜ ರಾಹುಲ್​ ದ್ರಾವಿಡ್​ ಪುತ್ರ ಸಮಿತ್​ ದ್ರಾವಿಡ್​ ಅನ್​ಸೋಲ್ಡ್​ ಆಗಿ ಉಳಿದರು.

ಆಗಸ್ಟ್​ 11ರಿಂದ 27ರವರೆಗೆ ಆಯೋಜನೆಗೊಂಡಿರುವ ಟೂರ್ನಿಗೆ ಪೂರ್ವಭಾವಿಯಾಗಿ ಮಂಗಳವಾರ ಖಾಸಗಿ ಹೋಟೆಲ್​ನಲ್ಲಿ ಆಟಗಾರರ ಹರಾಜು ಪ್ರಕ್ರಿಯೆ ನಡೆಯಿತು. ಅನುಭವಿ ಆಟಗಾರರ ಜತೆಗೆ ಬೌಲರ್ಸ್​ ಖರೀದಿಗೆ ಆರು ಫ್ರಾಂಚೈಸಿಗಳು ಆಸಕ್ತಿ ತೋರಿದವು. ವೇಗಿ ವಿದ್ವತ್​ ಕಾವೇರಪ್ಪ ₹10.80 ಲಕ್ಷಕ್ಕೆ ಶಿವಮೊಗ್ಗ ಲಯನ್ಸ್​ ತಂಡ ಸೇರಿ ಲಿಲಾವಿನ ದುಬಾರಿ ಬೌಲರ್​ ಎನಿಸಿದರು. ಕಳೆದ ಆವೃತ್ತಿಯ ಎರಡನೇ ಗರಿಷ್ಠ ವಿಕೆಟ್​ ಸರದಾರ ವಿದ್ಯಾಧರ್​ ಪಾಟೀಲ್​ ₹8.30 ಲಕ್ಷಕ್ಕೆ ಹಾಲಿ ರನ್ನರ್​ ಅಪ್​ ಬೆಂಗಳೂರು ಬ್ಲಾಸ್ಟರ್​ ಹಾಗೂ ಅನುಭವಿ ಲೆಗ್​ ಸ್ಪಿನ್ನರ್​ ಶ್ರೇಯಸ್​ ಗೋಪಾಲ್​ (₹8.60 ಲಕ್ಷ ರೂ.) ಮಂಗಳೂರು ಡ್ರ್ಯಾಗನ್ಸ್​ ತಂಡಕ್ಕೆ ಮತ್ತೆ ವಾಪಸ್​ ಆದರು.

ಐಪಿಎಲ್​ ಅನುಭವ ಹೊಂದಿರುವ ಆಲ್ರೌಂಡರ್​ ಕೆ. ಗೌತಮ್​ (₹4.40 ಲಕ್ಷ) ಮೈಸೂರು ಪಾಲಾದರೆ, ಸಿ ಕೆಟಗರಿಯಲ್ಲಿದ್ದ ಆಲ್ರೌಂಡರ್​ ಅನೀಶ್ವರ್​ ಗೌತಮ್​ (₹8.20 ಲಕ್ಷ) ಶಿವಮೊಗ್ಗ ತಂಡ ಸೇರಿದರು. ಈ ಬಾರಿಯೂ ನಿರೂಪಕ ಚಾರು ಶರ್ಮ ಹರಾಜು ಪ್ರಕ್ರಿಯೆ ನಡೆಸಿಕೊಟ್ಟರು. ಹರಾಜಿಗೆ ಹೆಸರು ನೋಂದಾಯಿಸಿದ್ದ ಆಟಗಾರರನ್ನು ಎ,ಬಿ,ಸಿ ಹಾಗೂ ಡಿ ಎಂಬ 4 ಕೆಟಗರಿಯಲ್ಲಿ ವಿಂಗಡಿಸಲಾಗಿತ್ತು.

ದ್ರಾವಿಡ್​ ಪುತ್ರ ಸಮಿತ್​ ಅನ್​ಸೋಲ್ಡ್​

ಸಿ ಕೆಟಗರಿಯಲ್ಲಿ ಸ್ಥಾನಪಡೆದಿದ್ದ ಟೀಮ್​ ಇಂಡಿಯಾ ಮಾಜಿ ಕೋಚ್​, ದಿಗ್ಗಜ ರಾಹುಲ್​ ದ್ರಾವಿಡ್​ ಪುತ್ರ ಸಮಿತ್​ ದ್ರಾವಿಡ್​ ಸೇರ್ಪಡೆಗೆ ಯಾವುದೇ ಫ್ರಾಂಚೈಸಿಗಳು ಆಸಕ್ತಿವಹಿಸಲಿಲ್ಲ. ಮೂಲಬೆಲೆ 50 ಸಾವಿರ ರೂ.ಹೊಂದಿದ್ದ 19 ವರ್ಷದ ಆಲ್ರೌಂಡರ್​ ಸಮಿತ್​, ಕಳೆದ ಆವೃತ್ತಿಯಲ್ಲಿ ಮೈಸೂರು ವಾರಿಯರ್ಸ್​ ಪರ ಆಡಿದ್ದ 7 ಪಂದ್ಯಗಳಲ್ಲಿ 11.71ರ ಸರಾಸರಿಯಲ್ಲಿ ಒಟ್ಟು 82 ರನ್​ಗಳಿಸಿದ್ದರು.

ಮೈಸೂರು ವಾರಿಯರ್ಸ್​

ರಿಟೇನ್​: ಕರುಣ್​ ನಾಯರ್​ (6.8 ಲಕ್ಷ ರೂ.), ಪ್ರಸಿದ್ಧ ಕೃಷ್ಣ (2 ಲಕ್ಷ ರೂ.), ಕಾರ್ತಿಕ್​ ಎಸ್​ಯು (50 ಸಾವಿರ ರೂ.), ಕಾರ್ತಿಕ್​ ಸಿಎ (4.2 ಲಕ್ಷ ರೂ.). ಖರೀದಿ: ಮನೀಷ್​ ಪಾಂಡೆ (12.20 ಲಕ್ಷ ರೂ.), ಕೆ.ಗೌತಮ್​ (4.40 ಲಕ್ಷ ರೂ.), ಯಶೋವರ್ಧನ್​ ಪರಂತಾಪ್​ (2.00 ಲಕ್ಷ ರೂ.), ವೆಂಕಟೇಶ್​ ಎಂ. (2 ಲಕ್ಷ ರೂ.), ಹರ್ಷಿಲ್​ ಧರ್ಮಾನಿ (3.20 ಲಕ್ಷ ರೂ.), ಲಂಕೇಶ್​ (50 ಸಾವಿರ ರೂ.), ಕುಮಾರ್​ ಎಲ್​ಆರ್​ (1.50 ಲಕ್ಷ ರೂ.), ಗೌತಮ್​ ಮಿಶ್ರಾ (2.25 ಲಕ್ಷ ರೂ.), ಶಿಖರ್​ ಶೆಟ್ಟಿ (4.70 ಲಕ್ಷ ರೂ.), ಸುಮಿತ್​ ಕುಮಾರ್​ (1 ಲಕ್ಷ ರೂ.), ಧನುಷ್​ ಗೌಡ (50 ಸಾವಿರ ರೂ.), ಕುಶಾಲ್​ ಎಂ ವಾಧ್ವನಿ (50 ಸಾವಿರ ರೂ.), ಶರತ್​ ಶ್ರೀನಿವಾಸ್​ (1 ಲಕ್ಷ ರೂ.), ಶಮಂತ್​ ಎಸ್​ಎಂ (50 ಸಾವಿರ ರೂ.). ಒಟ್ಟು ಆಟಗಾರರು: 18, ವೆಚ್ಚ: 49.75 ಲಕ್ಷ ರೂ., ಬಾಕಿ: 25 ಸಾವಿರ ರೂ.

ಬೆಂಗಳೂರು ಬ್ಲಾಸ್ಟರ್ಸ್​

ರಿಟೇನ್​:ಮಯಾಂಕ್​ ಅಗರ್ವಾಲ್​ (14 ಲಕ್ಷ ರೂ.), ಶುಭಾಂಗ್​ ಹೆಗ್ಡೆ (4.3 ಲಕ್ಷ ರೂ.), ಸೂರಜ್​ ಅಹುಜಾ (1 ಲಕ್ಷ ರೂ.), ನವೀನ್​ ಎಂಜಿ(2.3 ಲಕ್ಷ ರೂ.). ಖರೀದಿ: ವಿದ್ಯಾಧರ್​ ಪಾಟೀಲ್​ (8.30 ಲಕ್ಷ ರೂ.), ಚೇತನ್​ ಎಲ್​ಆರ್​ (5.10 ಲಕ್ಷ ರೂ.), ರೋಹನ್​ ನವೀನ್​ (4.25 ಲಕ್ಷ ರೂ.), ಮಾಧವ್​ ಪ್ರಕಾಶ್​ ಬಜಾಜ್​ (3.15 ಲಕ್ಷ ರೂ.), ರೋಹನ್​ ಪಾಟೀಲ್​ (2.70 ಲಕ್ಷ ರೂ.), ಪ್ರತಿಕ್​ ಜೈನ್​ (1 ಲಕ್ಷ ರೂ.), ಮೊಹ್ಸಿನ್​ ಖಾನ್​ (1 ಲಕ್ಷ ರೂ.), ಸಿದ್ದಾರ್ಥ್​ ಅಖಿಲ್​ (50 ಸಾವಿರ ರೂ.), ಕೃತಿಕ್​ ಕೃಷ್ಣನ್​ (50 ಸಾವಿರ ರೂ.), ಅದ್ವೆ$ೃತ್​ ಶೆಟ್ಟಿ (25 ಸಾವಿರ ರೂ.), ಭುವನ್​ ಮೋಹನ್​ ರಾಜ್​ (25 ಸಾವಿರ ರೂ.), ರೋಹನ್​ ರಾಜು (25 ಸಾವಿರ ರೂ.), ನಿರಂಜನ್​ ನಾಯ್ಕ್​ (25 ಸಾವಿರ ರೂ.), ಇಶಾನ್​ ಎಸ್​. (50 ಸಾವಿರ ರೂ.). ಒಟ್ಟು ಆಟಗಾರರು: 18, ವೆಚ್ಚ: <49.60 ಲಕ್ಷ, ಬಾಕಿ: 40 ಸಾವಿರ ರೂ.

ಹುಬ್ಬಳ್ಳಿ ಟೈಗರ್ಸ್​

ರಿಟೇನ್​:ಮನ್ವಂತ್​ ಕುಮಾರ್​ ಎಲ್​ (1 ಲಕ್ಷ ರೂ.), ಶ್ರೀಜಿತ್​ ಕೆಎಲ್​ (2.1 ಲಕ್ಷ ರೂ.), ಕಾರ್ಯಪ್ಪ ಕೆಸಿ (4.2 ಲಕ್ಷ ರೂ), ಕಾರ್ತಿಕೇಯ ಕೆಪಿ (1.2 ಲಕ್ಷ ರೂ.), ಖರೀದಿ: ಅಭಿನವ್​ ಮನೋಹರ್​ (12.20 ಲಕ್ಷ ರೂ.),ದೇವದತ್​ ಪಡಿಕ್ಕಲ್​ (13.20 ಲಕ್ಷ ರೂ.), ಮೊಹಮದ್​ ತಾಹ (4.60 ಲಕ್ಷ ರೂ.), ಸಮರ್ಥ್​ ನಾಗರಾಜ್​ (3.20 ಲಕ್ಷ ರೂ.),ಶ್ರೀಶ ಆಚಾರ್​ (1.05 ಲಕ್ಷ ರೂ.), ರಿತೇಶ್​ ಭಟ್ಕಳ್​ (1 ಲಕ್ಷ ರೂ.), ನಿಶ್ಚಿತ್​ ಪೈ (50 ಸಾವಿರ ರೂ.), ರತ್​ ಎಸ್​ (50 ಸಾವಿರ ರೂ.), ವಿಜಯ್​ ರಾಜ್​ (50 ಸಾವಿರ ರೂ.), ಪ್ರಖರ್​ ಚರ್ತುವೇದಿ (50 ಸಾವಿರ ರೂ.), ಸಂಕಲ್ಪ (50 ಸಾವಿರ ರೂ.), ನಿತಿನ್​ ನಾಗಾರಾಜ್​ (25 ಸಾವಿರ ರೂ), ಯಶ್​ ರಾಜ್​ ಪೂಂಜಾ (25 ಸಾವಿರ ರೂ.), ಒಟ್ಟು ಆಟಗಾರರು: 18, ವೆಚ್ಚ: <47 ಲಕ್ಷ , ಬಾಕಿ: 3 ಲಕ್ಷ ರೂ.

ಗುಲ್ಬರ್ಗಾ ಮಿಸ್ಟಿಕ್ಸ್​

ರಿಟೇನ್​:ವೈಶಾಕ್​ (8.8 ಲಕ್ಷ ರೂ.), ಲವನೀತ್​ ಸಿಸೋಡಿಯಾ (7.2 ಲಕ್ಷ ರೂ.), ಪ್ರವಿಣ್​ ದುಬೆ (6.8 ಲಕ್ಷ ರೂ.),ಸ್ಮರಣ್​ ಆರ್​. (3.15 ಲಕ್ಷ ರೂ.), ಖರೀದಿ: ಲವೀಶ್​ ಕೌಶಲ್​ (7.75 ಲಕ್ಷ ರೂ.), ಸಿದ್ದಾರ್ಥ್​ ಕೆವಿ (6.10 ಲಕ್ಷ ರೂ.), ಮೋನಿಷ್​ ರೆಡ್ಡಿ (4.65 ಲಕ್ಷ ರೂ.), ನಿಕಿನ್​ ಜೋಸ್​ (1 ಲಕ್ಷ ರೂ.), ಲಿಖಿತ್​ ಎಂ ಬನ್ನೂರು (80 ಸಾವಿರ ರೂ.), ಪೃಥ್ವಿರಾಜ್​ (69 ಸಾವಿರ ರೂ.), ಜಸ್ಪರ್​ ಇಜೆ (50 ಸಾವಿರ ರೂ.), ಮೋಹಿತ್​ ಬಿಎ (50 ಸಾವಿರ ರೂ.), ಪ್ರಜ್ವಲ್​ ಪವನ್​ (50 ಸಾವಿರ ರೂ.), ಯೂನುಸ್​ ಅಲಿ ಬೇಗ್​ (25 ಸಾವಿರ ರೂ.), ಸೌರಭ್​ ಎಂ ಮುತ್ತೂರು (25 ಸಾವಿರ ರೂ.), ಫೈಜನ್​ ರೈಜ್​ (25 ಸಾವಿರ ರೂ.), ಶೀತಲ್​ ಕುಮಾರ್​ (25 ಸಾವಿರ ರೂ.), ಹರ್ಷವರ್ಧನ್​ ಖೂಬಾ (25 ಸಾವಿರ ರೂ.). ಒಟ್ಟು ಆಟಗಾರರು: 18, ವೆಚ್ಚ: 49.69 ಲಕ್ಷ ರೂ., ಬಾಕಿ: 31 ಸಾವಿರ ರೂ.

ಮಂಗಳೂರು ಡ್ರ್ಯಾಗನ್ಸ್

ರಿಟೇನ್​:ಅಭಿಲಾಷ್​ ಶೆಟ್ಟಿ (6.3 ಲಕ್ಷ ರೂ.), ಮ್ಯಾಕ್ನೀಲ್​ ನೊರೊನ್ಹಾ (5 ಲಕ್ಷ ರೂ.), ಪಾರಸ್​ ಗುರ್ಬಕ್ಷ್​ ಆರ್ಯ (0.5 ಲಕ್ಷ ರೂ.), ಲೋಚನ್​ ಎಸ್​ ಗೌಡ (50 ಸಾವಿರ ರೂ.), ಖರೀದಿ: ಶ್ರೇಯಸ್​ ಗೋಪಾಲ್​ (8.60 ಲಕ್ಷ ರೂ.), ಶಿವರಾಜ್​ ಎಸ್​ (6.55 ಲಕ್ಷ ರೂ.), ಎಂ.ಕ್ರಾಂತಿ ಕುಮಾರ್​ (5.60 ಲಕ್ಷ ರೂ.), ರೋನಿತ್​ ಮೊರೆ (3.40 ಲಕ್ಷ ರೂ.), ಆದರ್ಶ್​ ಪ್ರಜ್ವಲ್​ (3.25 ಲಕ್ಷ ರೂ.), ಶರತ್​ ಬಿಆರ್​ (2.20 ಲಕ್ಷ ರೂ.), ಸಚಿನ್​ ಶಿಂಧೆ (1 ಲಕ್ಷ ರೂ.), ಅನೀಶ್​ ಕೆವಿ (1 ಲಕ್ಷ ರೂ.), ಆದಿತ್ಯ ನಾಯರ್​ (1.10 ಲಕ್ಷ ರೂ.), ಪಲ್ಲವ್​ ಕುಮಾರ್​ ದಾಸ್​ (1 ಲಕ್ಷ ರೂ.), ತಿಪ್ಪಾ ರೆಡ್ಡಿ (80 ಸಾವಿರ ರೂ.) ಒಟ್ಟು ಆಟಗಾರರು: 16, ವೆಚ್ಚ 49.92 ಲಕ್ಷ ರೂ., ಬಾಕಿ: 8 ಸಾವಿರ ರೂ.

ಶಿವಮೊಗ್ಗ ಲಯನ್ಸ್

​ರಿಟೇನ್​:  ಕೌಶಿಕ್​ ವಿ (5.9 ಲಕ್ಷ ರೂ.), ನಿಹಾಲ್​ ಉಳ್ಳಾಲ (2.1 ಲಕ್ಷ ರೂ.), ಹಾರ್ದಿಕ್​ ರಾಜ್​ (5.8 ಲಕ್ಷ ರೂ.), ಅವಿನಾಶ್​ ಡಿ(5.4 ಲಕ್ಷ ರೂ.), ಖರೀದಿ: ವಿದ್ವತ್​ ಕಾವೇರಪ್ಪ (10.80 ಲಕ್ಷ ರೂ.), ಅನೀಶ್ವರ್​ ಗೌತಮ್​ (8.20 ಲಕ್ಷ ರೂ.), ಅನಿರುದ್ಧ ಜೋಷಿ (3.60 ಲಕ್ಷ ರೂ.), ದೀಪಕ್​ ದೇವಾಡಿಗ (1.20 ಲಕ್ಷ ರೂ.), ದರ್ಶನ್​ ಎಂಬಿ (1.10 ಲಕ್ಷ ರೂ.), ತುಷಾರ್​ ಸಿಂಗ್​ (1.05 ಲಕ್ಷ ರೂ.), ಧ್ರುವ್​ ಪ್ರಭಾಕರ್​(50 ಸಾವಿರ ರೂ.), ಸಂಜಯ್​ ಸಿ (50 ಸಾವಿರ ರೂ.), ಆನಂದ ದೊಡ್ಡಮನಿ (50 ಸಾವಿರ ರೂ.), ಸಾಹಿಲ್​ ಶರ್ಮ (25 ಸಾವಿ ರೂ.), ಭರತ್​ ಧುರಿ (25 ಸಾವಿರ ರೂ.), ರೋಹಿತ್​ ಕುಮಾರ್​ ಕೆ. (25 ಸಾವಿರ ರೂ.), ಮರಿಬಸವ ಗೌಡ (25 ಸಾವಿರ ರೂ.), ಸಿರಿಶ್ ​ಬಲ್ಗಾರ್​ (25 ಸಾವಿರ ರೂ.). ಒಟ್ಟು ಆಟಗಾರರು: 18, ವೆಚ್ಚ: 47.90 ಲಕ್ಷ ರೂ., ಬಾಕಿ ಮೊತ್ತ: 2.10 ಲಕ್ಷ ರೂ.