ದೇಶದ ವಿವಿಧ ಪ್ರಾಂತ್ಯ, ವಿವಿಧ ಭಾಷೆ, ವಿವಿಧ ಜಾತಿ-ಜನಾಂಗದ ಜನ ಪ್ರಯಾಗ್ರಾಜ್ಗೆ ಬಂದು ಯಾವುದೇ ಭೇದ-ಭಾವ ವಿಲ್ಲದೆ ಪುಣ್ಯಸ್ನಾನದಲ್ಲಿ ಭಾಗಿಯಾಗಿದ್ದಾರೆ. ಸಂಗಮ ಎಂದರೆ ಸರ್ವರೂ ಒಂದಾಗುವುದು ಎಂದರ್ಥ ಎಂಬುದನ್ನು ಸನಾತನಿಗಳು ಜಗತ್ತಿಗೆ ಸಾರಿದ್ದಾರೆ. ಇಂತಹ ಬೃಹತ್ ಮೇಳದಲ್ಲಿ ಪಾಲ್ಗೊಳ್ಳುವುದರಿಂದ ಮನುಷ್ಯನಿಗೆ ಸಹನೆ, ಸಹಬಾಳ್ವೆ, ಸಾಮರಸ್ಯ, ಸಮನ್ವಯ ಗುಣಗಳು ಬರುತ್ತವೆ. ಈ ಗುಣಗಳನ್ನು ಕುಂಭಮೇಳದ ನಂತರವೂ ಜೀವನದಲ್ಲಿ ಅಳವಡಿಸಿಕೊಂಡಲ್ಲಿ ಆತನ ಬದುಕು ಸುಂದರವಾಗುವುದರ ಜೊತೆಗೆ ಕುಂಭಮೇಳದಲ್ಲಿ ಪಾಲ್ಗೊಂಡಿದ್ದು ಸಾರ್ಥಕವಾಗುತ್ತದೆ. ಪುಷ್ಯ ಪೌರ್ಣಿಮೆಯಿಂದ ಮಾಘ ಪೌರ್ಣಿಮೆಯ ಅವಧಿಯಲ್ಲಿ ಗಂಗಾ ತೀರದಲ್ಲಿ ವಾಸ ಮಾಡುವುದನ್ನು ಕಲ್ಪವಾಸ ಎನ್ನುತ್ತಾರೆ. ಕಲ್ಪವಾಸದಿಂದ ಪುಣ್ಯ ಲಭಿಸುತ್ತದೆ ಎಂಬುದು ಶಾಸ. ಅಂತೇಯೇ ದೇಶದ 50ಕೋಟಿಗೂ ಅಧಿಕ ಮಂದಿ ಸಂಗಮದಲ್ಲಿ ಮಿಂದು ಪುಣ್ಯ ಸಂಪಾದಿಸಿದ್ದಾರೆ ಎಂದು ಜಗದ್ಗುರುಗಳು ವಿವರಿಸಿದರು.
