'ಕಾಂಗ್ರೆಸ್‌ನ ಸುಳ್ಳಿನ ಬಲೂನ್ ಗಾಳಿಗೆ ತೂರಿದೆ, ಎಲ್ಲೆಡೆ ರಾಮಮಂದಿರದ ಚರ್ಚೆ ಮಾತ್ರ': ಮೋದಿ

ಮಧ್ಯಪ್ರದೇಶ: ಮಧ್ಯಪ್ರದೇಶ ವಿಧಾನಸಭೆ ಚುನಾವಣೆ 2023 ರ ಪ್ರಚಾರಕ್ಕಾಗಿ ಸತ್ನಾ ತಲುಪಿದ ಪ್ರಧಾನಿ ನರೇಂದ್ರ ಮೋದಿ ಅವರು ಸಾರ್ವಜನಿಕ ಸಭೆಯನ್ನುದ್ದೇಶಿಸಿ ಮಾತನಾಡುವಾಗ ಕಾಂಗ್ರೆಸ್ ವಿರುದ್ಧ ವಾಗ್ದಾಳಿ ನಡೆಸಿದರು. ಇಂದು ವಿಶ್ವದೆಲ್ಲೆಡೆ ಭಾರತದ ಧ್ವನಿ ಮೊಳಗುತ್ತಿದ್ದು, ಕಾಂಗ್ರೆಸ್‌ನ ಸುಳ್ಳಿನ ಬಲೂನ್‌ ಗಾಳಿಗೆ ತೂರಿದೆ ಎಂದರು.

ರಾಲಿಯನ್ನುದ್ದೇಶಿಸಿ ಮಾತನಾಡಿದ ಅವರು, ರಾಮಮಂದಿರ ನಿರ್ಮಾಣದ ಬಗ್ಗೆ ಇಡೀ ದೇಶದಲ್ಲಿ ಚರ್ಚೆ ನಡೆಯುತ್ತಿದೆ. ಈಗ ಎಲ್ಲರ ಅಭಿವೃದ್ಧಿಯ ಸಮಯ ಬಂದಿದೆ. ಮಧ್ಯಪ್ರದೇಶದಲ್ಲಿ ಬಡವರಿಗೆ ಲಕ್ಷ ಲಕ್ಷ ಮನೆಗಳನ್ನು ನಿರ್ಮಿಸಲಾಗಿದೆ. ಆದರೆ ಕಾಂಗ್ರೆಸ್ ಸರ್ಕಾರವು ಪ್ರತಿಯೊಂದು ಕೆಲಸಕ್ಕೂ ಅಡೆತಡೆಗಳನ್ನು ಸೃಷ್ಟಿಸಿತು ಮತ್ತು ರಾಜ್ಯವನ್ನು ಕತ್ತಲೆಯ ಬಾವಿಗೆ ತಳ್ಳಿತು ಎಂದು ದೂರಿದರು.

ಕಾಂಗ್ರೆಸ್ ವಿರುದ್ಧ ವಾಗ್ದಾಳಿ ನಡೆಸಿದ ಪ್ರಧಾನಿ ಮೋದಿ, ಇಂದು ಭಾರತದ ಧ್ವನಿ ಪ್ರಪಂಚದಾದ್ಯಂತ ಕೇಳಿಬರುತ್ತಿದೆ. ನಿಮ್ಮ ಮತದಿಂದ ದೇಶದ ಶತ್ರುವಿನ ಮನೋಸ್ಥೈರ್ಯ ಕುಗ್ಗಿದೆ. ಕಾಂಗ್ರೆಸ್ ನ ಸುಳ್ಳಿನ ಬಲೂನ್ ಹಾರಿಹೋಗಿದೆ. ಮಧ್ಯಪ್ರದೇಶ ಅಭಿವೃದ್ಧಿಗೆ ಕಾಂಗ್ರೆಸ್ ಬಳಿ ಯಾವುದೇ ಮಾರ್ಗಸೂಚಿ ಇಲ್ಲ. ಕಾಂಗ್ರೆಸ್‌ನ ಮುಖ ದಣಿದು ಸೋತಿದೆ. ಎಲ್ಲೆಲ್ಲಿ ಕಾಂಗ್ರೆಸ್ ಬಂದಿತೋ ಅಲ್ಲಿ ವಿನಾಶ ತಂದಿದೆ. ನೀವು ಕಾಂಗ್ರೆಸ್‌ಗೆ ಮತ ಹಾಕಿದರೆ ಕೇಂದ್ರದ ಎಲ್ಲ ನೆರವು ನಿಲ್ಲಿಸಲಾಗುವುದು ಎಂದು ತಿಳಿಸಿದರು. 

ಅಯೋಧ್ಯೆಯಲ್ಲಿ ರಾಮಮಂದಿರ ನಿರ್ಮಾಣವಾಗುತ್ತಿರುವುದನ್ನು ಉಲ್ಲೇಖಿಸಿದ ಪ್ರಧಾನಿ ಮೋದಿ, ಇತ್ತೀಚಿನ ದಿನಗಳಲ್ಲಿ ನಾನು ಎಲ್ಲಿಗೆ ಹೋದರೂ ಅಯೋಧ್ಯೆಯಲ್ಲಿ ರಾಮಮಂದಿರ ನಿರ್ಮಾಣದ ಬಗ್ಗೆ ಮಾತನಾಡಲಾಗುತ್ತದೆ. ಎಲ್ಲೆಡೆ ಸಂತೋಷದ ಅಲೆ ಇದೆ, ಈಗ ನಿಲ್ಲುವುದಿಲ್ಲ, ದಣಿವು ಇಲ್ಲ ಮತ್ತು ವಿಶ್ರಾಂತಿಯ ಪ್ರಶ್ನೆಯೇ ಉದ್ಭವಿಸುವುದಿಲ್ಲ ಎಂದು ತಿಳಿಸಿದರು.

https://www.vijayavani.net/national-ls-ethics-panel-to-meet-thursday-to-adopt-report-on-cash-for-query-allegation-against-mahua-moitra