ವಿಶ್ವಾವಸು ಸಂವತ್ಸರ ಆರಂಭವಾಗಿದ್ದು, ಸಕಲ ಸಂಪತ್ತು ಕೈಗೂಡುವ ಕಾಲ ಇದಾಗಿದೆ. ಯಾವ ದುರಿತಗಳಿದ್ದರೂ ಪರಿಹಾರಗೊಂಡು ಸಮೃದ್ಧಿ ಬಲಗೊಳ್ಳುವ ಸದಾಶಯ ನಮ್ಮ ಅಂತರಂಗದಲ್ಲಿರಲಿ. ಮಧೂರಲ್ಲಿ ನಡೆಯುತ್ತಿರುವುದು ಕುಂಭಮೇಳ ಸಮಾನ ಭಕ್ತಿಯ ಔನ್ನತ್ಯವಾಗಿದೆ ಎಂದು ಶ್ರೀಸಂಸ್ಥಾನ ಗೋಕರ್ಣ, ಹೊಸನಗರ ಶ್ರೀ ರಾಮಚಂದ್ರಾಪುರ ಮಠದ ಶ್ರೀ ರಾಘವೇಶ್ವರ ಭಾರತೀ ಸ್ವಾಮೀಜಿ ಹೇಳಿದರು. ಬ್ರಹ್ಮಕಲಶ-ಮೂಡಪ್ಪ ಸೇವೆ ಹಿನ್ನೆಲೆಯಲ್ಲಿ ದೇವಾಲಯಕ್ಕೆ ಬುಟ್ಟಿ ತಯಾರಿಸಿ ನೀಡುವಲ್ಲಿ ನೇತೃತ್ವ ವಹಿಸಿದ್ದ ಕೊರಗ ಸಮುದಾಯದ ಹಿರಿಯರಾದ ಚೋಮು, ಅಂಗಾರೆ ಮೊದಲಾದವರನ್ನು ರಾಘವೇಶ್ವರ ಶ್ರೀಗಳು ಅನುಗ್ರಹ ಮಂತ್ರಾಕ್ಷತೆ, ಸ್ಮರಣಿಕೆ ನೀಡಿ ಹರಸಿದರು. ಮಾಣಿಲ ಶ್ರೀಧಾಮದ ಶ್ರೀ ಮೋಹನದಾಸ ಸ್ವಾಮೀಜಿ ಬ್ರಹ್ಮಕಲಶೋತ್ಸವ ನಡೆದುಬಂದ ಹಾದಿಯ ಬಗ್ಗೆ ಮಾಹಿತಿ ನೀಡಿದರು.
