ಪ್ರಿಯಕರನ ಒತ್ತಡ: ಮೂರು ವರ್ಷದ ಮಗುವನ್ನು ಸರೋವರಕ್ಕೆ ತಳ್ಳಿದ ಮಹಿಳೆ! | Rajasthan

Rajasthan : ಮೂರು ವರ್ಷದ ಮಗುವನ್ನು ಆಕೆಯ ತಾಯಿ ಸರೋವರದ ಬಳಿ ಕರೆದುಕೊಂಡು ಹೋಗಿ ನೀರಿನೊಳಗೆ ತಳ್ಳಿ ಹತ್ಯೆಗೈದಿರುವ ಘಟನೆ (ಸೆಪ್ಟೆಂಬರ್​ 17)ರಾಜಸ್ಥಾನದ ಅಜ್ಮೀರ್​ನಲ್ಲಿ ಬುಧವಾರ ಬೆಳಕಿಗೆ ಬಂದಿದೆ.

ಆರೋಪಿಯನ್ನು ಅಂಜಲಿ ಎಂದು ಗುರುತಿಸಲಾಗಿದೆ. ಈಕೆ ಮೂಲತಃ ಉತ್ತರ ಪ್ರದೇಶದ ಬನಾರಸ್​ ಜಿಲ್ಲೆಯ ಸಕುಲ್ಪುರದವಳಾಗಿದ್ದು, ಪತಿಯಿಂದ ಬೇರ್ಪಟ್ಟ ನಂತರ, ಅಜ್ಮೀರ್​ನ ದತನಗರದಲ್ಲಿ ಅಕ್ಲೇಷ್​ ಗುಪ್ತಾನೊಂದಿಗೆ ಲೀವ್​ ಇನ್​ ಸಂಬಂಧ ಹೊಂದಿದ್ದಳು. ಆದರೆ, ಈತನಿಗೆ ಇವಳ ಮಗುವಿನ ಮೇಲೆ ಆಸೆ ಇಲ್ಲದ ಕಾರಣ ಮಹಿಳೆಯು ಈ ಕೃತ್ಯ ಮಾಡಿದ್ದಾಳೆ ಎಂದು ತಿಳಿದುಬಂದಿದೆ.

ಇದನ್ನೂ ಓದಿ: ಭಾರತ ಮಾತೆ ಸೇವೆಗೆ ಅರ್ಪಿಸಿಕೊಂಡು ದುಡಿಯುತ್ತಿರುವ ಮೋದಿ

ಪೊಲೀಸರು ಹೇಳಿದ್ದೇನು?

ಪೊಲೀಸ್​ ಅಧಿಕಾರಿ ರುದ್ರಪ್ರಕಾಶ್​ ಶರ್ಮಾ ಅವರು ಬೆಳಗಿನ ಜಾವ 4 ಗಂಟೆ ಸುಮಾರಿಗೆ ಬಜರಂಗ್ ಘರ್ ಛೇದಕ ಬಳಿ ಅಂಜಲಿ ಮತ್ತು ಅಕ್ಲೇಶ್ ಅವರನ್ನು ನೋಡಿದಾಗ ಅವರಿಬ್ಬರನ್ನು ಪ್ರಶ್ನೆ ಮಾಡಿದ್ದಾರೆ. ಈ ವೇಲೆ ಮಹಿಳೆಯು ತನ್ನ ಮಗಳು ಕಾಣೆಯಾಗಿದ್ದಾಳೆ. ಅವಳನ್ನು ಹುಡುಕುತ್ತಿದ್ದೇವೆ ಎಂದು ಸುಳ್ಳು ಹೇಳಿದ್ದಾಳೆ.

ಈ ವಿಚಾರವಾಗಿ ತನಿಖೆ ನಡೆಸಿದ ಪೊಲೀಸರು, ಆ ಪ್ರದೇಶದ ಸಿಸಿಟಿವಿ ದೃಶ್ಯವನ್ನು ವೀಕ್ಷಿಸಿದಾಗ ಬೆಳಗಿನ ಜಾವ ಸುಮಾರು 1:30 ಸಮಯದ ನಡುವೆ ಮಗು ಅಂಜಲಿ ಜೊತೆ ಇರುವುದು ಕಂಡುಬಂದಿದೆ. ಹೆಚ್ಚಿನ ದೃಶ್ಯಗಳಲ್ಲಿ ಆಕೆಯು ಮಗಳನ್ನು ಸರೋವರದ ಬಳಿ ಇರುವ ಮೇಜಿನ ಮೇಲೆ ಮಲಗಿಸಿರುವುದನ್ನು ಕಾಣಬಹುದಾಗಿದೆ.

ಇದನ್ನೂ ಓದಿ: ಅಮಾವಾಸ್ಯೆಯಂದೇ ಸಂಭವಿಸಲಿದೆ ಸೂರ್ಯಗ್ರಹಣ; ಪೂರ್ವಜರಿಗೆ ಸಲ್ಲಿಸುವ ಪೂಜೆಯಲ್ಲಿ ಬದಲಾವಣೆಯಾಗುತ್ತಾ| solar eclipse

ಇದಾದ ಬಳಿಕ ಪೊಲೀಸರು ವಿಚಾರಣೆ ನಡೆಸಿದ್ದು, ಅಂಜಲಿ ತನ್ನ ಮಗಳನ್ನುಆತನ ಪ್ರಿಯಕರ ಒಪ್ಪದಿದ್ದಕ್ಕೆ ಸರೋವರಕ್ಕೆ ತಳ್ಳಿದ್ದಾಗಿ ಹೇಳಿದ್ದಾಳೆ. ನಂತರ, ಪೊಲೀಸರು ಅನಾ ಸಾಗರ್ ಸರೋವರದಿಂದ ಮಗುವಿನ ಶವವನ್ನು ವಶಪಡಿಸಿಕೊಂಡಿದ್ದಾರೆ. (ಏಜೆನ್ಸೀಸ್​)

https://www.vijayavani.net/actress-deepika-padukone-walks-out-of-kalki-2898-ad-seque