ಇಂಡಿಯಾ ಟುಡೆ ಸುದ್ದಿವಾಹಿನಿ ಇತ್ತೀಚೆಗೆ ಹಮ್ಮಿಕೊಂಡಿದ್ದ 'ಅಜೆಂಡಾ 2022' ಕಾರ್ಯಕ್ರಮದಲ್ಲಿ ರಿಷಬ್ ಶೆಟ್ಟಿ ಭಾಗವಹಿಸಿದ್ದರು. ಆಗ ಅಲ್ಲಿನ ಆ್ಯಂಕರ್ ಬೇರೆ ಎಲ್ಲ ಮಾತುಕತೆ ಬಳಿಕ ಒಮ್ಮೆ 'ನಿಮ್ಮ ಅಜೆಂಡಾ ಏನು?' ಎಂದು ಕೇಳಿದ್ದರು. ಆಗ 'ನನಗೆ ಯಾವ ಅಜೆಂಡಾ ಕೂಡ ಇಲ್ಲ, ಸಮಯ ಹೇಗೆ ಬರುತ್ತದೋ ಹಾಗೆ ಹೋಗುತ್ತೇನೆ, ನಾನೊಬ್ಬ ಕೆಲಸಗಾರ, ಕೆಲಸ ಮಾಡುತ್ತ ಹೋಗುತ್ತೇನಷ್ಟೇ..' ಎಂದು ರಿಷಬ್ ಉತ್ತರಿಸಿದ್ದರು. ಅದಾಗ್ಯೂ ನಿಮ್ಮ ಮುಂದಿನ ಅಜೆಂಡಾ ಬಗ್ಗೆ ಬರೆಯಿರಿ ಎಂದಾಗ ಅವರು, 'ಕಾಯಕವೇ ಕೈಲಾಸ' ಎಂದು ಕನ್ನಡದಲ್ಲೇ ಬರೆದಿದ್ದರು. ಹಾಗೆ ಅವರು ಬರಹ ಡಿಜಿಟಲ್ ಸ್ಕ್ರೀನ್ನಲ್ಲಿ ಡಿಸ್ಪ್ಲೇ ಆಗಿದ್ದು, ಅದು ಈಗ ಎಲ್ಲೆಡೆ ವೈರಲ್ ಆಗುತ್ತಿರುವುದಷ್ಟೇ ಅಲ್ಲದೆ, ಕನ್ನಡಿಗರಿಂದ ಈ ಬರಹಕ್ಕೆ ಹಾಗೂ ರಿಷಬ್ಗೂ ಭಾರಿ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.
