ಲಂಡನ್: ಮೊದಲ ಬಾರಿಗೆ ಭಾರತೀಯ ಮೂಲದ ವ್ಯಕ್ತಿ ಬ್ರಿಟನ್ನ ಪ್ರಧಾನಿ ಆಗಿದ್ದಾರೆ. ಈ ಹಿಂದೆ ಲಿಝ್ ಟ್ರಸ್ ಎದುರು ಸೋತಿದ್ದ ರಿಷಿ ಸುನಕ್, ಈಗ ಗೆಲುವಿನ ನಗೆ ಬೀರಿದ್ದಾರೆ.
ಕೇವಲ 45 ದಿನ ಅಧಿಕಾರದಲ್ಲಿದ್ದ ಟ್ರಸ್, ನಿರ್ಗಮನ ಭಾಷಣದಲ್ಲಿ’ನಾವು ಯುಕ್ರೇನ್ ಬೆಂಬಲಕ್ಕೆ ನಿಲ್ಲಬೇಕು. ಆ ದೇಶ ಪುಟಿನ್ ವಿರುದ್ಧ ಗೆಲ್ಲಬೇಕು’ ಎಂದರು.
‘ನಾವು ಬ್ರೆಕ್ಸಿಟ್ ನೀಡುವ ಸವಲತ್ತುಗಳನ್ನು ಬಳಸಿಕೊಂಡು ತೆರಿಗೆಯನ್ನು ಕಮ್ಮಿ ಮಾಡಬೇಕು. ಇದು ನಮ್ಮ ನಾಗರಿಕರಿಗೆ ಮತ್ತು ಸಾಂವಿಧಾನಿಕ ಸಂಸ್ಥೆಗಳಿಗೆ ಹೆಚ್ಚಿನ ಸ್ವಾತಂತ್ರ್ಯವನ್ನು ನೀಡುತ್ತದೆ’ ಎಂದು ಅಭಿಪ್ರಾಯ ವ್ಯಕ್ತಪಡಿಸಿದರು. ಕಡೆಗೆ ಪ್ರಧಾನಿ ಪಟ್ಟವನ್ನು ಸುನಕ್ಗೆ ಹಸ್ತಾಂತರಿಸುವಾಗ ‘ನಿಮಗೆ ಎಲ್ಲಾ ರೀತಿಯ ಯಶಸ್ಸು ಸಿಗಲಿ’ ಎಂದು ಹಾರೈಸಿದ್ದಾರೆ.
ತಮ್ಮ ಅವಧಿಯ ಸಾಧನೆಯನ್ನು ಹೇಳಿಕೊಂಡ ಟ್ರಸ್, ‘ನಮ್ಮ ಸರ್ಕಾರ ಕಷ್ಟದಲ್ಲಿರುವ ಕುಟುಂಬಗಳಿಗೆ ನೆರವಾಗಲು ತ್ವರಿತ ನಿರ್ಧಾರಗಳನ್ನು ತೆಗೆದುಕೊಂಡಿತ್ತು. ಅದಷ್ಟೆ ಅಲ್ಲದೆ ಅನೇಕ ಸಂಸ್ಥೆಗಳನ್ನು ದಿವಾಳಿ ಆಗುವುದರಿಂದ ತಪ್ಪಿಸಿದ್ದೇವೆ’ ಎಂದು ಹೇಳಿದರು. (ಏಜೆನ್ಸೀಸ್)