ಮುಂಬೈ: ವಂದೇ ಭಾರತ್ ರೈಲಿನಲ್ಲಿ ಪ್ರಯಾಣಿಕರಿಗೆ ನೀಡಿದ್ದ ಆಹಾರದಲ್ಲಿ ಜೀವಂತ ಜಿರಳೆ ಪತ್ತೆಯಾಗಿರುವ ಘಟನೆ ಇತ್ತೀಚೆಗೆ ಬೆಳಕಿಗೆ ಬಂದಿದೆ. ಕುಟುಂಬ ಸದಸ್ಯರೊಬ್ಬರು ಈ ವಿಚಾರವನ್ನು ಐಆರ್ಸಿಟಿಸಿ ಅಧಿಕಾರಿಗಳಿಗೆ ಪ್ರಶ್ನಿಸುತ್ತಿರುವ ವಿಡಿಯೋ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.
ಇದನ್ನು ಓದಿ: ಪ್ರಭಾಸ್ ಜೋಕರ್ನಂತೆ ಕಾಣ್ತಾರೆ ಎಂದ ಅರ್ಷದ್ಗೆ ಕ್ಲಾಸ್; ಸುಧೀರ್ ಬಾಬು ಹೇಳಿದಿಷ್ಟು
ಮುಂಬೈ ಮೂಲಕ ಉದ್ಯಮಿ ಕುಟುಂಬ ಶಿರಡಿಯಿಂದ ತಮ್ಮ ನಿವಾಸಕ್ಕೆ ಮರಳುತ್ತಿದ್ದಾಗ ಈ ಘಟನೆ ನಡೆದಿದೆ. ಉದ್ಯಮಿ ರಿಕಿ ಜೆಸ್ವಾನಿ ಅವರು ತಮ್ಮ ಕುಟುಂಬದೊಂದಿಗೆ ವಂದೇ ಭಾರತ್ ಎಕ್ಸ್ಪ್ರೆಸ್ನಲ್ಲಿ ಮುಂಬೈ ಬರುತ್ತಿದ್ದರು. ಅವರು ಮತ್ತು ಅವರ ಸಹೋದರಿ ರೈಲಿನಲ್ಲಿ ಬಡಿಸಿದ ದಾಲ್ನಲ್ಲಿ ಜಿರಳೆಯನ್ನು ಕಂಡು ಶಾಕ್ ಆಗಿದ್ದಾರೆ. ಏಕೆಂದರೆ ಅಷ್ಟರಲ್ಲಾಗಲೆ ಎಲ್ಲರೂ ಊಟವನ್ನು ಮುಗಿಸುವ ಹಂತಕ್ಕೆ ಬಂದಿದ್ದರು.
ನನ್ನ ಇಡೀ ಕುಟುಂಬ ಜಿರಳೆ ಇರುವ ದಾಲ್ ಅನ್ನು ಸೇವಿಸಲಾಗಿದಎ. ನಾವು ದೂರು ನೀಡಲು ಪ್ಯಾಂಟ್ರಿ ಬಳಿ ಹೋದಾಗ ಡಸ್ಟ್ಬಿನ್ ಪಕ್ಕದಲ್ಲಿಯೇ ಆಹಾರ ತಯಾರಿಸುತ್ತಿರುವುದನ್ನು ನೋಡಿದೆವು. ಅಲ್ಲಿ ಜೀವಂತ ಜಿರಳೆಗಳು ಹರಿದಾಡುತ್ತಿದ್ದದ್ದನ್ನು ಗಮನಿಸಿದ್ದೇವೆ. ಇದಲ್ಲದೆ ನೀಡಲಾದ ಮೊಸರು ಕೂಡ ತುಂಬಾ ಹುಳಿಯಾಗಿದ್ದು ಅದು ಕೂಡ ಹಾಳಾಗಿರಬಹುದು ಎಂದು ಹೇಳಿದರು. ಈ ಎಲ್ಲಾ ವಿಚಾರವನ್ನು ಐಆರ್ಸಿಟಿಸಿ ಅಧಿಕಾರಿಗಳಿಗೆ ಜೆಸ್ವಾನಿ ಅವರ ಮಗ ಆರ್ಯನ್ ಕೇಳುತ್ತಿರುವುದನ್ನು ವಿಡಿಯೋದಲ್ಲಿ ಕಾಣಬಹುದಾಗಿದೆ.
ವಂದೇ ಭಾರತ್ ರೈಲಿನಲ್ಲಿ ಇಂತಹ ಘಟನೆಗಳು ನಡೆಯುತ್ತಿರುವುದು ಇದೇ ಮೊದಲನೆಲ್ಲ. ಈ ಹಿಂದೆಯೂ ಹಲವು ಬಾರಿ ಆಹಾರದಲ್ಲಿ ಕೀಟಗಳು ಸಿಕ್ಕಿರುವ ಘಟನೆಗಳು ಬೆಳಕಿಗೆ ಬಂದಿದೆ. ಫೆಬ್ರವರಿ 2024 ಹಾಗೂ 2024 ಜೂನ್ 24 ರಂದು ವಂದೇ ಭಾರತ್ ಎಕ್ಸ್ಪ್ರೆಸ್ನಲ್ಲಿ ಪ್ರಯಾಣಿಸಿದ ಪ್ಯಾಸೆಂಜರ್ ಊಟದಲ್ಲಿ ಹಾಗೂ ಮತ್ತೊಬ್ಬರ ಬ್ರೆಡ್ನಲ್ಲಿ ಜಿರಳೆ ಸಿಕ್ಕಿದ ಘಟನೆಗಳು ಸುದ್ದಿಯಾಗಿತ್ತು.(ಏಜೆನ್ಸೀಸ್)
ಅಪ್ರಾಪ್ತ ಬಾಲಕಿಯರ ಮೇಲಿನ ಲೈಂಗಿಕ ದೌರ್ಜನ್ಯ; ತನಿಖೆಯನ್ನು ಎಸ್ಐಟಿಗೆ ವಹಿಸಿದ ಏಕನಾಥ್ ಶಿಂಧೆ ಸರ್ಕಾರ
