ಸ್ನಾಯುಗಳ ಬಲಕ್ಕೆ ಯೋಗಾಭ್ಯಾಸ

• ಎಡೆತೊಡೆಯಲ್ಲಿ ಹರ್ನಿಯಾ ಬಾಧೆ ಇದೆ. ವೈದ್ಯರು ಆಪರೇಷನ್ ಆಗಬೇಕು ಎಂದು ತಿಳಿಸಿದ್ದಾರೆ.ಯೋಗದ ಮೂಲಕ ಏನು ಪರಿಹಾರವಿದೆ?ಯಾವ ಆಸನ ಮಾಡಬೇಕು?

| ಕೆ. ಶಿವಪುತ್ರ ವಿಜಯಪುರ (23 ವರ್ಷ)

• ನನಗೆ ಬಹುಮೂತ್ರ ರೋಗವಿದೆ. ವೈದ್ಯರಲ್ಲಿ ಸ್ಕ್ಯಾನ್ ಮಾಡಿಸಿದೆ. ಪೋ›ಸ್ಟೇಟ್ ಎನ್​ಲಾರ್ಜ್ ಆಗಿದೆ ಎಂದರು. ಔಷಧ ಕೊಟ್ಟರು. ಗುಣ ಆಗಿಲ್ಲ. ಈಗ ಆಪರೇಷನ್ ಮಾಡಿಸಿ ಎಂದಿದ್ದಾರೆ. ನನಗೆ ಅದು ಭಯ. ಯೋಗದ ಪರಿಹಾರ ತಿಳಿಸಿ.

| ಮಾನು ಹುಬ್ಬಳ್ಳಿ 

ಮನುಷ್ಯ ವಯಸ್ಸಾದಂತೆ ಹಾಮೋನ್ ಮಟ್ಟದಲ್ಲಿನ ಬದಲಾವಣೆಗಳಿಂದ ಉಂಟಾಗುತ್ತದೆ. ಹಾಗಿದ್ದರೂ ಪ್ರಾಸ್ಟೇಟ್ ಸಮಸ್ಯೆಗಳು ಕಿರಿಕಿರಿಯನ್ನುಂಟುಮಾಡುತ್ತವೆ. ಅನೇಕ ಪುರುಷರು ರೋಗ ಲಕ್ಷಣಗಳನ್ನು ಸುಧಾರಿಸುವ ಮಾರ್ಗಗಳನ್ನು ಹುಡುಕುತ್ತಾರೆ. ಪ್ರಾಸ್ಟೇಟ್ ದೊಡ್ಡದಾದಾಗ ಇದು ಮೂತ್ರನಾಳದ ಮೇಲೆ ಒತ್ತಡವನ್ನು ಬೀರುತ್ತದೆ. ಇದರಿಂದ ಮೂತ್ರವಿಸರ್ಜನೆ ಕಷ್ಟವಾಗಬಹುದು. ಯೋಗ ಮಾಡುವುದರಿಂದ ಪರಿಸ್ಥಿತಿಯನ್ನು ತಡೆಯಲು ಸಹಾಯ ಮಾಡುತ್ತದೆ. ಸ್ನಾಯುಗಳನ್ನು ಬಲಪಡಿಸಲು ಯೋಗ ಸಹಾಯವಾಗುತ್ತದೆ.

ಸೂಚಿತ ಆಸನಗಳು: ತಾಡಾಸನ, ಅರ್ಧಕಟಿ ಚಕ್ರಾಸನ, ವೀರಭದ್ರಾಸನ, ಬದ್ಧಕೋಣಾಸನ, ಜಾನು ಶೀರ್ಷಾಸನ, ವಜ್ರಾಸನ, ಶಶಾಂಕಾಸನ, ಮಂಡೂಕಾಸನ, ಸೇತುಬಂಧ ಮಾಲಾಸನ, ವಿಪರೀತಕರಣೀ, ಧನುರಾಸನ, ಸುಪ್ತವೀರಾಸನ, ಶವಾಸನ ಗುರುಮುಖೇನ ಕಲಿತು ಆರಂಭದಲ್ಲಿ ಸಾಧ್ಯವಾಗುವಷ್ಟೇ ಮಾಡಿ. ಕೆಲವು ಆಸನಗಳಿಂದ ಚಲನೆ, ನ್ಯೂನತೆ ಮತ್ತು ಬಲವನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಜೀವನದ ಗುಣಮಟ್ಟವನ್ನು ಸುಧಾರಿಸಬಹುದು.

ಆರೋಗ್ಯಕರ ಮತ್ತು ನೈರ್ಮಲ್ಯದ ಆಹಾರವನ್ನು ಸೇವಿಸಿ. ಬದ್ಧಕೋಣಾಸನ ಆಸನವನ್ನು ದಿನಕ್ಕೆ ಮೂರು-ನಾಲ್ಕು ಬಾರಿ ಮಾಡಿ. ಮೂತ್ರದೋಷ ನಿಯಂತ್ರಣಕ್ಕೆ ಸಹಕಾರಿಯಾಗುತ್ತದೆ. ಬಹುಮೂತ್ರ ರೋಗ ನಿಯಂತ್ರಣಕ್ಕೆ ಹತ್ತರಿಂದ ಇಪ್ಪತ್ತು ನಿಮಿಷ ಜಲೋದರನಾಶಕ ಮುದ್ರೆ ಅಭ್ಯಾಸ ಮಾಡಿ. ಯೋಗ, ಮುದ್ರೆಗಳನ್ನು ಗುರುಮುಖೇನವೇ ಕಲಿತು ಅಭ್ಯಾಸ ನಡೆಸಿ. ಒಮ್ಮೆ ತಾವು ತಜ್ಞ ವೈದ್ಯರೊಂದಿಗೆ ಸಮಾಲೋಚಿಸಿ.