ನರಿಯ ಗುಂಪಿನಲ್ಲಿ ಬೆಳೆದ ಸಿಂಹದ ಮರಿ ಗರ್ಜಿಸುತ್ತಿರಲಿಲ್ಲ. ಎರಡು ಗಿಳಿಗಳಲ್ಲಿ ಕಟುಕನ ವಶವಾದ ಗಿಳಿ ಕೊಲ್ಲಲು ಹೇಳಿದರೆ, ಋಷಿಯ ಬಳಿ ಬೆಳೆದ ಮರಿ ಅತಿಥಿ ಸತ್ಕಾರ ಮಾಡುತ್ತಿತ್ತು. ಅದಕ್ಕೆ ಬಾಲ್ಯದಲ್ಲಿ ಉತ್ತಮ ಮಾರ್ಗದರ್ಶನ, ಸಂಸ್ಕಾರ, ಜೀವನಮೌಲ್ಯ ಸಿಕ್ಕರೆ ಸಜ್ಜನರಾಗುತ್ತಾರೆ, ಸಾತ್ವಿಕರಾಗುತ್ತಾರೆ. ಶ್ರೇಯಸ್ಸು ಪಡೆದು ಲೋಕೋಪಕಾರಿಯಾಗುತ್ತಾರೆ. ಅದೇ ವ್ಯತಿರಿಕ್ತವಾದರೆ, ಸಂಸ್ಕಾರಹೀನರಾದರೆ ನರಕನಂತೆ ಶ್ರೇಷ್ಠರಲ್ಲಿ ಜನಿಸಿದರೂ ದುರ್ಜನರ ಸಹವಾಸದಿಂದ ದುರಾಚಾರಿ, ದುಷ್ಟರಾಗಿ, ಲೋಕಕಂಟಕರಾಗುತ್ತಾರೆ. ಎಳೆಯರನ್ನು ಭಯೋತ್ಪಾದಕರನ್ನಾಗಿ ಮಾಡುವ, ಮಾದಕವಸ್ತುಗಳ ಬಲೆಯಲ್ಲಿ ಬಂಧಿಸುವ ಲೋಕಕಂಟಕ ಕ್ರೌರ್ಯ ಮುಂದುವರಿಯುತ್ತಿರುವುದು ಮಹಾದುರಂತ. ಇದನ್ನರಿತು ಪಾಲಕರೂ ಶಿಕ್ಷಕರೂ ವೈಯಕ್ತಿಕ ಪ್ರತಿಷ್ಠೆ, ಸ್ವಾರ್ಥ ಬದಿಗಿಟ್ಟು ಎಳೆಯರನ್ನು ಸದ್ಗುಣಿಗಳನ್ನಾಗಿ, ಸದಾಚಾರಿಗಳನ್ನಾಗಿ ಬೆಳೆಸಬೇಕಾದದ್ದು ಆದ್ಯಕರ್ತವ್ಯ. ಮತ್ತು ಸಮಾಜಕ್ಕೆ ನೀಡುವ ಮಹತ್ವದ ಕೊಡುಗೆ. ಒಳ್ಳೆಯ ವ್ಯಕ್ತಿತ್ವ ನಿರ್ವಣದಿಂದಲೇ ಮಾತ್ರ ಸಮಾಜದ ಸಮಸ್ಯೆಗಳಿಗೆ ಪರಿಹಾರ ಕಂಡುಕೊಳ್ಳಲು ಸಾಧ್ಯ ಎಂಬುದನ್ನು ಮರೆಯದಿರೋಣ. ಹಾಗಾಗಾಗಿಯೇ, ಬಾಲ್ಯದಲ್ಲೇ ಸದ್ಗುಣಗಳನ್ನು ಬಿತ್ತಿ, ಪೋಷಿಸುವ ಕೆಲಸ ಆಗಬೇಕು.
