ಕೆಲವು ವೈರಲ್ ಸೋಂಕುಗಳು ಒಳಗಿನ ಕಿವಿಯ ರಚನೆಗಳನ್ನು ನೇರವಾಗಿ ಹಾನಿಗೊಳಿಸುತ್ತವೆ. ಇನ್ನೂ ಕೆಲವು ಸೂಕ್ಷ್ಮತೆ ಅಥವಾ ಬ್ಯಾಕ್ಟೀರಿಯಾ ಅಥವಾ ಶಿಲೀಂದ್ರಗಳ ಸೋಂಕನ್ನು ಹೆಚ್ಚಿಸಬಹುದು. ಇದು ಶ್ರವಣನಷ್ಟಕ್ಕೆ ಕಾರಣವಾಗುತ್ತದೆ. ಯೋಗವು ದೈಹಿಕ, ಮಾನಸಿಕ, ಆಧ್ಯಾತ್ಮಿಕ ಮತ್ತು ಭಾವನಾತ್ಮಕ ಆಯಾಮಗಳ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಸಹಕಾರಿಯಾಗುತ್ತದೆ. ಯೋಗದ ಅಭ್ಯಾಸವು ಕಿವಿ ಮತ್ತು ಮಿದುಳಿನಲ್ಲಿ ರಕ್ತಸಂಚಲನೆಯನ್ನು ಹೆಚ್ಚಿಸುವುದು. ಏಕೆಂದರೆ ಹೆಚ್ಚಿದ ರಕ್ತ ಸಂಚಲನೆಯು ನರಗಳ ಕಾರ್ಯಗಳನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ತ್ಯಾಜ್ಯ ಜೀವಾಣುಗಳನ್ನು ತೆಗೆದುಹಾಕಲು ಸಹಕಾರಿಯಾಗುತ್ತದೆ. ವೃಕ್ಷಾಸನ, ಪಾದಹಸ್ತಾಸನ, ಪದ್ಮಾಸನ, ತ್ರಿಕೋಣಾಸನ, ಶಶಾಂಕಾಸನ, ಕರ್ಣಪೀಡಾಸನ, ಭುಜಂಗಾಸನ, ಶವಾಸನ ಮಾಡಬಹುದು. ಭ್ರಾಮರಿ, ಉಜ್ಜಾಯಿ, ನಾಡೀಶುದ್ಧಿ, ತಲಾ ಹತ್ತು ನಿಮಿಷ ಅಭ್ಯಾಸ ಮಾಡಿ. ಮುಂಜಾನೆ ಹಾಗೂ ಸಂಜೆ ಸುಮಾರು 15 ನಿಮಿಷ ಸಾಮಾನ್ಯ ಉಸಿರನ್ನು ಗಮನಿಸುವ ಧ್ಯಾನ ಮಾಡಿ. ಶೂನ್ಯಮುದ್ರೆ 30 ನಿಮಿಷ, ಆಕಾಶಮುದ್ರೆಯಲ್ಲಿ ಓಂ ನಮೋ ನಮೋ ಭಗವತೇ ವಾಸುದೇವಾಯ ಎಂದು 108 ಬಾರಿ ಪಠಿಸಿ.
