ಆಸನಗಳಲ್ಲಿ ಪಾದಹಸ್ತಾಸನ, ಅರ್ಧಚಕ್ರಾಸನ, ಭರದ್ವಾಜಾಸನ, ನೌಕಾಸನ, ಪಾಶ್ವೋತ್ಥಾನಾಸನ, ಬದ್ಧಕೋಣಾಸನ, ಜಾನುಶೀರ್ಷಾಸನ, ಸುಪ್ತ ಬದ್ಧಕೋಣಾಸನ, ವಜ್ರಾಸನ, ವಕ್ರಾಸನ, ಮಂಡೂಕಾಸನ, ಸುಪ್ತ ವೀರಾಸನ, ಸೇತುಬಂದಾಸನ, ಉತ್ಥಿತಪಾದಾಸನ, ಭುಜಂಗಾಸನ, ಅಧೋಮುಖ ಶ್ವಾನಾಸನ, ಶವಾಸನ ಮಾಡಿ. ಆರಂಭದಲ್ಲಿ ತೋಳಿನ ಚಲನೆಗಳು, ಕಾಲು ಮತ್ತು ಮೊಣಕಾಲು ಚಲನೆಯ ವ್ಯಾಯಾಮಗಳನ್ನು ಮಾಡಿ. ಕೆಲವು ಆಸನಗಳಿಂದ ಕಿಬ್ಬೊಟ್ಟೆಯ ಭಾಗಕ್ಕೆ ಮಸಾಜ್ ದೊರಕುತ್ತದೆ. ಅತಿಯಾದ ರಕ್ತಸ್ರಾವ, ಸೆಳೆತ ನಿಯಂತ್ರಣವಾಗುತ್ತದೆ. ಮನಸ್ಸಿಗೆ ಶಾಂತತೆ ದೊರಕುತ್ತದೆ. ಸೌಮ್ಯವಾದ (ತಿರುಚುವಿಕೆಯ) ಆಸನಗಳಿಂದ ಸೊಂಟನೋವು, ಹೊಟ್ಟೆನೋವು ನಿಯಂತ್ರಣವಾಗುತ್ತದೆ. ಮುದ್ರೆಗಳಲ್ಲಿ ಯೋನಿಮುದ್ರೆ, ವರುಣಮುದ್ರೆ, ಜಲೋದರನಾಶಕ ಮುದ್ರೆ, ವಾಯುಶೂನ್ಯ ಮುದ್ರೆ, ಪ್ರಾಣಮುದ್ರೆ. ಯೋಗ ಮತ್ತು ಮುದ್ರೆಗಳನ್ನು ಗುರುಗಳ ಮಾರ್ಗದರ್ಶನದಲ್ಲಿಯೇ ಅಭ್ಯಾಸ ಮಾಡಿ.
