Angry: ಅತಿಯಾದ ಕೋಪ ಹಾರ್ಟ್ ಅಟ್ಯಾಕ್‌ಗೆ ಆಹ್ವಾನ: ಇಲ್ಲಿದೆ ಶಾಕಿಂಗ್ ವೈಜ್ಞಾನಿಕ ಸತ್ಯ!

ಹಾಗಾದರೆ, ಕೆಲವರಿಗೆ ಮಾತ್ರ ಏಕೆ ಇಷ್ಟೊಂದು ಕೋಪ ಬರುತ್ತದೆ? ಕೋಪ ಬಂದಾಗ ದೇಹದೊಳಗೆ ಏನಾಗುತ್ತದೆ? ಇದು ಯಾವುದಾದರೂ ಕಾಯಿಲೆಯ ಲಕ್ಷಣವೇ? ಈ ಎಲ್ಲ ಪ್ರಶ್ನೆಗಳಿಗೆ ವಿಜ್ಞಾನದ ಉತ್ತರ ಇಲ್ಲಿದೆ.

ನಮ್ಮ ಮೆದುಳಿನಲ್ಲಿ 'ಅಮಿಗ್ದಾಲಾ' ಎಂಬ ಸಣ್ಣ ಭಾಗವಿರುತ್ತದೆ. ಇದನ್ನು ನಮ್ಮ ದೇಹದ 'ಅಪಾಯದ ಅಲಾರಾಂ' ಎಂದು ಕರೆಯಬಹುದು. ನಮಗೆ ಯಾರಾದರೂ ಅಪಮಾನ ಮಾಡಿದಾಗ ಅಥವಾ ಇಷ್ಟವಿಲ್ಲದ ಘಟನೆ ನಡೆದಾಗ ಈ ಅಲಾರಾಂ ತಕ್ಷಣವೇ ಮೊಳಗುತ್ತದೆ. ಯಾರಿಗೆ ಕೋಪ ಜಾಸ್ತಿ ಇರುತ್ತದೆಯೋ, ಅವರಲ್ಲಿ ಈ ಅಮಿಗ್ದಾಲಾ ಭಾಗವು ಅತಿಯಾಗಿ ಸಕ್ರಿಯವಾಗಿರುತ್ತದೆ. ಇದು ಮೆದುಳಿನ ಯೋಚಿಸುವ ಮತ್ತು ನಿರ್ಧಾರ ತೆಗೆದುಕೊಳ್ಳುವ ಶಕ್ತಿಯನ್ನು ತಾತ್ಕಾಲಿಕವಾಗಿ ಲಾಕ್ ಮಾಡಿಬಿಡುತ್ತದೆ. ಪರಿಣಾಮವಾಗಿ, ಮನುಷ್ಯ ಒಳ್ಳೆಯದು-ಕೆಟ್ಟದ್ದನ್ನು ಯೋಚಿಸದೆ ಆವೇಶದಲ್ಲಿ ವರ್ತಿಸುತ್ತಾನೆ.

ಮೆದುಳಿನಲ್ಲಿ ಅಮಿಗ್ದಾಲಾ ಅಲಾರಾಂ ಜಾಗೃತಗೊಂಡ ತಕ್ಷಣ, ಅದು ದೇಹದಲ್ಲಿ ಅಡ್ರಿನಾಲಿನ್ (Adrenaline) ಮತ್ತು ಕಾರ್ಟಿಸೋಲ್ (Cortisol) ಎಂಬ 'ಸ್ಟ್ರೆಸ್ ಹಾರ್ಮೋನ್'ಗಳನ್ನು (ಒತ್ತಡದ ಹಾರ್ಮೋನ್‌ಗಳು) ಬಿಡುಗಡೆ ಮಾಡುತ್ತದೆ. ಈ ಹಾರ್ಮೋನ್‌ಗಳು ರಕ್ತಕ್ಕೆ ಸೇರಿದ ತಕ್ಷಣ ದೇಹದಲ್ಲಿ ಈ ಕೆಳಗಿನ ಪ್ರಮುಖ ಬದಲಾವಣೆಗಳಾಗುತ್ತವೆ.

ಹೃದಯ ಬಡಿತದ ಏರಿಕೆ: ಹೃದಯವು ಅತ್ಯಂತ ವೇಗವಾಗಿ ಬಡಿದುಕೊಳ್ಳಲು ಆರಂಭಿಸುತ್ತದೆ.

ರಕ್ತದೊತ್ತಡ (BP) ಹೆಚ್ಚಳ: ಬಿಪಿ ದಿಢೀರನೆ ಹೆಚ್ಚಾಗುವುದರಿಂದ ದೇಹ ಬಿಸಿಯಾಗುತ್ತದೆ.

ಸ್ನಾಯುಗಳ ಬಿಗಿತ: ಕೈ-ಕಾಲುಗಳ ಸ್ನಾಯುಗಳು ತಮಗೇ ತಿಳಿಯದಂತೆ ಬಿಗಿಗೊಳ್ಳುತ್ತವೆ.

ವೇಗದ ಉಸಿರಾಟ: ಉಸಿರಾಟದ ವೇಗ ಹೆಚ್ಚಿ, ಮೇದುಸಿರು ಬರಲಾರಂಭಿಸುತ್ತದೆ.

ಮುಖ ಕೆಂಪಾಗುವುದು: ಮುಖ ಮತ್ತು ಕೈಗಳಿಗೆ ರಕ್ತದ ಹರಿವು ವೇಗವಾಗಿ ಹರಿಯುವುದರಿಂದ ಮುಖ ಕೆಂಪಗಾಗುತ್ತದೆ.

ಹೌದು, ಪದೇ ಪದೇ ಮತ್ತು ಅತಿಯಾಗಿ ಕೋಪ ಮಾಡಿಕೊಳ್ಳುವುದು ಆರೋಗ್ಯಕ್ಕೆ ತೀರಾ ಅಪಾಯಕಾರಿ. ಸದಾ ಕೋಪದಲ್ಲಿರುವ ವ್ಯಕ್ತಿಯ ದೇಹವು ಯಾವಾಗಲೂ ಒತ್ತಡದಲ್ಲೇ ಇರುತ್ತದೆ. ಇದರಿಂದಾಗಿ ಭವಿಷ್ಯದಲ್ಲಿ ಹೃದಯಾಘಾತ (Heart Attack), ಬ್ರೈನ್ ಸ್ಟ್ರೋಕ್, ಅಧಿಕ ರಕ್ತದೊತ್ತಡ ಮತ್ತು ಅನಿದ್ರಾಹೀನತೆ (ನಿದ್ದೆ ಬಾರದಿರುವುದು) ಯಂತಹ ಗಂಭೀರ ಕಾಯಿಲೆಗಳು ಆವರಿಸಿಕೊಳ್ಳಬಹುದು. ಕೆಲವು ಸಂದರ್ಭಗಳಲ್ಲಿ ಮಾನಸಿಕ ಒತ್ತಡ, ಖಿನ್ನತೆ (Depression) ಅಥವಾ ಸರಿಯಾಗಿ ನಿದ್ದೆ ಮಾಡದಿರುವುದು ಕೂಡ ಅತಿಯಾದ ಕೋಪಕ್ಕೆ ಮುಖ್ಯ ಕಾರಣವಾಗಿರುತ್ತದೆ.

ದೀರ್ಘ ಉಸಿರಾಟ: ಕೋಪ ಬಂದ ತಕ್ಷಣ ಕಣ್ಣು ಮುಚ್ಚಿ 5 ರಿಂದ 10 ಬಾರಿ ದೀರ್ಘವಾಗಿ ಉಸಿರು ತೆಗೆದುಕೊಂಡು ಬಿಡಿ.

ಉಲ್ಟಾ ಎಣಿಕೆ: ಮನಸ್ಸಿನಲ್ಲೇ 1 ರಿಂದ 10 ರವರೆಗೆ ಉಲ್ಟಾ ಎಣಿಸಲು (10, 9, 8...) ಆರಂಭಿಸಿ. ಇದು ಮೆದುಳನ್ನು ಡೈವರ್ಟ್ ಮಾಡುತ್ತದೆ.

ಜಾಗ ಬದಲಿಸಿ: ಯಾವ ಸ್ಥಳದಲ್ಲಿ ಕೋಪ ಬಂದಿದೆಯೋ, ಅಲ್ಲಿಂದ ಸ್ವಲ್ಪ ದೂರ ನಡೆದುಕೊಂಡು ಹೋಗಿ, ತಣ್ಣೀರು ಕುಡಿಯಿರಿ.

ಯೋಗ ಮತ್ತು ಧ್ಯಾನ: ಪ್ರತಿದಿನ ಯೋಗ ಹಾಗೂ ಪ್ರಾಣಾಯಾಮ ಮಾಡುವುದರಿಂದ ಮೆದುಳು ಶಾಂತವಾಗಿರುತ್ತದೆ ಮತ್ತು ಅಮಿಗ್ದಾಲಾ ನಿಯಂತ್ರಣಕ್ಕೆ ಬರುತ್ತದೆ.

ಕೋಪ ಎಂಬುದು ಕ್ಷಣಿಕ ಹುಚ್ಚು ಇದ್ದಂತೆ. ಅದು ಹೋದ ಮೇಲೆ ಉಳಿಯುವುದು ಪಶ್ಚಾತ್ತಾಪ ಮಾತ್ರ. ಹಾಗಾಗಿ, ಆರೋಗ್ಯಕರ ಜೀವನಕ್ಕಾಗಿ ಇಂದಿನಿಂದಲೇ ಕೋಪವನ್ನು ಹತೋಟಿಯಲ್ಲಿಡಲು ಕಲಿಯೋಣ,(ಏಜೆನ್ಸೀಸ್​).