ಕಹಿ ರುಚಿ ಇದ್ದರೂ ಜನರು 'ಮದ್ಯ'ದ ಚಟಕ್ಕೆ ಒಳಗಾಗೋದ್ಯಾಕೆ.? ಇಲ್ಲಿದೆ ನೋಡಿ ಆಸಕ್ತಿಕರ ಮಾಹಿತಿ|Alcohol

Alcohol; ಮದ್ಯ ಸೇವನೆಯಿಂದ ಮಾನಸಿಕ ಮತ್ತು ದೈಹಿಕ ಆರೋಗ್ಯದ ಮೇಲೆ ಹಲವು ಪರಿಣಾಮಗಳು ಉಂಟಾಗುತ್ತವೆ. ಮದ್ಯ ಸೇವಿಸುವುದು ಕೆಲವರಿಗೆ ಚಟವಾದರೆ ಇನ್ನೂ ಕೆಲವರಿಗೆ ಅಭ್ಯಾಸ, ಮತ್ತೆ ಕೆಲವರಿಗೆ ಪ್ರತಿಷ್ಠೆಯ ಸಂಗತಿಯಾಗಿದೆ. ಹೀಗೆ ಹಲವು ಕಾರಣಗಳಿಗಾಗಿ ಜನರು ಮದ್ಯ ವ್ಯಸನಿಗಳಾಗಿದ್ದಾರೆ. ಮದ್ಯವು ಕಹಿ ರುಚಿಯನ್ನು ಹೊಂದಿರುತ್ತದೆ, ಆದರೆ ಜನರು ಅದರ ರುಚಿ ಕಹಿಯಿದ್ದರೂ ಸಹ ಮದ್ಯಕ್ಕೆ ವ್ಯಸನಿಗಳಾಗುತ್ತಾರೆ. ಮದ್ಯಪಾನ ಕೆಟ್ಟದ್ದು ಎಂದು ಗೊತ್ತಿದ್ದರೂ, ಕೆಲವರು ಅದನ್ನು ಬಿಡಲು ತಯಾರಿರುವುದಿಲ್ಲ. ಹಾಗಿದ್ರೆ ಇದರ ಹಿಂದಿನ ವೈಜ್ಞಾನಿಕ ಮತ್ತು ಮಾನಸಿಕ ಕಾರಣಗಳನ್ನು ತಿಳಿಯೋಣ.

ಇದನ್ನೂ ಓದಿ: ದರ್ಶನ್ ಕೇಸ್ ವಿಚಾರಣೆ ವೇಳೆ ಎಂಟ್ರಿ ಕೊಟ್ಟ ಅನಾಮಿಕ!? ಈತ ಹೇಳಿದ್ದು ಕೇಳಿ ಶಾಕ್ ಆದ Judge!

ಕಹಿಯು ಆಲ್ಕೋಹಾಲ್‌ನಲ್ಲಿರುವ ಎಥೆನಾಲ್ ಮತ್ತು ಇತರ ಸಂಯುಕ್ತಗಳಿಂದ ಉಂಟಾಗುತ್ತದೆ. ಆರಂಭದಲ್ಲಿ, ಈ ರುಚಿ ಇಷ್ಟವಾಗುವುದಿಲ್ಲ. ಆದರೆ ಕ್ರಮೇಣ ಜನರು ಇದೇ ರುಚಿಗೆ ದಾಸರಾಗಿಬಿಡುತ್ತಾರೆ. ಮದ್ಯಪಾನ ಮಾಡುವುದರಿಂದ ಮೆದುಳಿನಲ್ಲಿ ಡೋಪಮೈನ್ ಬಿಡುಗಡೆಯಾಗುತ್ತದೆ. ಈ ಆನಂದದಾಯಕ ಭಾವನೆಯು ವ್ಯಸನಕ್ಕೆ ಕಾರಣವಾಗುತ್ತದೆ. ಪದೇ ಪದೇ ಕುಡಿಯುವುದರಿಂದ, ನಾಲಿಗೆ ಮತ್ತು ಮೆದುಳು ಕಹಿ ರುಚಿಯನ್ನು ಸಹಿಸಿಕೊಳ್ಳಲು ಪ್ರಾರಂಭಿಸುತ್ತದೆ. ಹಾಗಾಗಿ ಜನರು ರುಚಿಗಿಂತ ಮಾದಕತೆಯ ಪರಿಣಾಮಗಳನ್ನು ಇಷ್ಟಪಡಲು ಪ್ರಾರಂಭಿಸುತ್ತಾರೆ.

ಮಾನಸಿಕ ಮತ್ತು ಭಾವನಾತ್ಮಕ ಪರಿಣಾಮ:

ಮದ್ಯವು ಒತ್ತಡ, ಆತಂಕ, ಅಥವಾ ಖಿನ್ನತೆಯಿಂದ ತಾತ್ಕಾಲಿಕ ರಿಲೀಫ್ ನೀಡಬಹುದು. ಇದು ಮೆದುಳಿನಲ್ಲಿ ಡೋಪಮೈನ್ ಬಿಡುಗಡೆ ಮಾಡಿ ಆನಂದದ ಭಾವನೆಯನ್ನುಂಟುಮಾಡುತ್ತದೆ, ಇದರಿಂದ ಜನರು ಮತ್ತೆ ಮತ್ತೆ ಸೇವಿಸಲು ಪ್ರೇರಿತರಾಗುತ್ತಾರೆ.

ಸಾಮಾಜಿಕ ಪ್ರಭಾವ:

ಸಾಮಾಜಿಕ ಕೂಟಗಳು, ಪಾರ್ಟಿಗಳು, ಅಥವಾ ಸಂಭ್ರಮಾಚರಣೆಗಳಲ್ಲಿ ಮದ್ಯ ಸೇವನೆ ಸಾಮಾನ್ಯವಾಗಿರುತ್ತದೆ. ಇದು ಸಾಮಾಜಿಕ ಸಂಬಂಧಗಳನ್ನು ಬಲಪಡಿಸುವ ಅಥವಾ ಒಗ್ಗಿಕೊಳ್ಳುವ ಒಂದು ಮಾರ್ಗವೆಂದು ಕೆಲವರು ಭಾವಿಸುತ್ತಾರೆ.

ಅಭ್ಯಾಸ :

ಮೊದಲಿಗೆ ಕಹಿಯಾದ ರುಚಿಯು ತೊಂದರೆಯಾದರೂ, ಪದೇ ಪದೇ ಸೇವನೆಯಿಂದ ದೇಹ ಮತ್ತು ಮನಸ್ಸು ಇದಕ್ಕೆ ಒಗ್ಗಿಕೊಳ್ಳುತ್ತದೆ. ಕಾಲಕ್ರಮೇಣ ರುಚಿಯ ಬದಲು ಮದ್ಯದಿಂದ ಉಂಟಾಗುವ ಭಾವನೆಗೆ ಜನರು ಒಲವು ತೋರುತ್ತಾರೆ.

ಇದನ್ನೂ ಓದಿ: ನಿಮ್ಮ ಪಕ್ಷದಲ್ಲಿ ಪ್ರಜಾಪ್ರಭುತ್ವ ಬಲಪಡಿಸಿ..; ಸಾಂವಿಧಾನಿಕ ಸಂಸ್ಥೆಗಳನ್ನು ಟೀಕಿಸಿದ ರಾಹುಲ್​ಗೆ ಮಾಜಿ ಕಾಂಗ್ರೆಸ್ಸಿಗ ಮಿಲಿಂದ್​ ತಿರುಗೇಟು! .| MP Milind Deora

ಸಾಂಸ್ಕೃತಿಕ ಅಂಶಗಳು:

ವಿಶೇಷ ಸೂಚನೆ: ಈ ಮೇಲೆ ಉಲ್ಲೇಖಿಸಲಾದ ಎಲ್ಲ ಮಾಹಿತಿಯನ್ನು ವಿವಿಧ ಮಾಧ್ಯಮಗಳು ಹಾಗೂ ವಿವಿಧ ಪಠ್ಯಗಳಿಂದ ಸಂಗ್ರಹಿಸಲಾಗಿದೆ.

(ಗಮನಿಸಿ: ಮದ್ಯಪಾನ ಆರೋಗ್ಯಕ್ಕೆ ಹಾನಿಕಾರಕ)

ಮದ್ಯದ ಕಹಿ ರುಚಿ ವ್ಯಸನಕ್ಕೆ ಕಾರಣವಲ್ಲ, ಆದರೆ ಮೆದುಳು ಮತ್ತು ಮಾನಸಿಕ ಪರಿಣಾಮಗಳು ವ್ಯಸನಕ್ಕೆ ಕಾರಣವಾಗುತ್ತವೆ. ಸರಿಯಾದ ಅರಿವನ್ನು ಹೊಂದುವ ಮೂಲಕ ಇದನ್ನು ತಡೆಯಬಹುದು. (ಏಜೆನ್ಸೀಸ್)

ಕೆಲವು ಸಂಸ್ಕೃತಿಗಳಲ್ಲಿ ಮದ್ಯವು ಜೀವನಶೈಲಿಯ ಭಾಗವಾಗಿರುತ್ತದೆ. ಕೆಲವರಿಗೆ ಇದು ಸ್ವಾತಂತ್ರ್ಯ, ರಿಲ್ಯಾಕ್ಸೇಶನ್, ಅಥವಾ ಸೃಜನಶೀಲತೆಯ ಸಂಕೇತವಾಗಿರುತ್ತದೆ.

https://www.vijayavani.net/do-you-use-an-earphone-in-one-ear-if-so-know-this-firstheadphones