ಮೂರನೆಯ ರಾಣಿಯನ್ನು ಕರೆದು, ಇದೇ ಪ್ರಶ್ನೆ ಕೇಳಿದ. ಅವಳ ಉತ್ತರವೂ ನಕಾರಾತ್ಮಕವಾಗಿತ್ತು. ಇದೇ ಪ್ರಶ್ನೆಯನ್ನು ಎರಡನೆಯ ರಾಣಿಗೆ ಕೇಳಲಾಗಿ ಆಕೆ ಹೇಳಿದಳು, ‘ರಾಜನೇ, ಈ ನಿನ್ನ ಯಾವ ರಾಣಿಯರಿಂದಲೂ ಆಗದ ಮಕ್ಕಳು ನಿನಗೆ ನನ್ನಿಂದ ಆಗಿವೆ. ನಾನೇನಾದರೂ ನಿನ್ನ ಜೊತೆ ಬಂದರೆ, ಈ ನಮ್ಮ ರಾಜಕುಮಾರರನ್ನು, ಬಂಧುಬಳಗದವರನ್ನು ನೋಡಿಕೊಳ್ಳುವವರು ಯಾರು?’ ರಾಜ, ಕೊನೆಗೆ, ಬಡವರ ಮನೆಯಿಂದ ತಂದ ತನ್ನ ಮೊದಲನೆಯ ಪತ್ನಿಯನ್ನು, ‘ನೀನಾದರೂ ನನ್ನ ಜೊತೆ ಬರುವಿಯಾ’ ಎಂದು ಕೇಳಿದ. ಆಕೆ, ‘ಖಂಡಿತಾ ನಾನು ನಿಮ್ಮ ಜೊತೆ ಬರುತ್ತೇನೆ’ ಎಂದಳು. ಸಂತಸ ಪಟ್ಟ ರಾಜ ಕಾರಣ ಕೇಳಲಾಗಿ, ಆಕೆ ಹೇಳಿದಳು, ‘ಸಲಹಿದಿರಿ ನನ್ನ ಬಂಧುಬಳಗದವರಿಗೆ ಕಷ್ಟಕಾಲದಲ್ಲಿ ನೆರವಾದಿರಿ, ಅವರ ಕಣ್ಣೀರನ್ನು ಒರೆಸಿದಿರಿ. ನಿಮ್ಮಂಥವರ ಕೈ ಬಿಡೋಕಾಗುತ್ತದೆಯೇ?’ ಆಕೆ ಇಷ್ಟು ಹೇಳುವಷ್ಟರಲ್ಲಿ ರಾಜನ ಪ್ರಾಣಪಕ್ಷಿ ಹಾರಿ ಹೋಯಿತು.
