ನೀಲಿ, ಹಳದಿ, ಕೆಂಪು... ಗ್ಯಾಸ್​ ಸ್ಟೌವ್​ನಲ್ಲಿ ಈ ಬಣ್ಣಗಳ ಜ್ವಾಲೆ ಕಾಣಿಸಿಕೊಂಡ್ರೆ ಏನರ್ಥ? ಇಲ್ಲಿದೆ ಉಪಯುಕ್ತ ಮಾಹಿತಿ | Flame Colour

ಜ್ವಾಲೆಯ ಬಣ್ಣಗಳ ಸೂಚನೆ

• ನೀಲಿ ಬಣ್ಣ: ಜ್ವಾಲೆಯು ಸಂಪೂರ್ಣ ನೀಲಿ ಬಣ್ಣದಲ್ಲಿದ್ದರೆ, ಅದು ಗ್ಯಾಸ್​ ಸಾಕಷ್ಟು ಆಮ್ಲಜನಕವನ್ನು ಹೊಂದಿದೆ ಮತ್ತು ಸರಿಯಾಗಿ ಉರಿಯುತ್ತಿದೆ ಎಂದರ್ಥ. ಇದು ಗರಿಷ್ಠ ಶಾಖವನ್ನು ಕೊಡುವುದಲ್ಲದೆ, ಇಂಗಾಲದ ಡೈಆಕ್ಸೈಡ್ ಮತ್ತು ನೀರಾವಿಯಂತಹ ಸುರಕ್ಷಿತ ಉದ್ಗಾರಗಳನ್ನು ಮಾತ್ರ ಹೊರಸೂಸುತ್ತದೆ. ಗ್ಯಾಸ್​ ಫುಲ್​ ಇದ್ದಾಗ ಈ ಬಣ್ಣ ತೀರ ಸಾಮಾನ್ಯ.
• ಹಳದಿ ಅಥವಾ ಕಿತ್ತಳೆ ಬಣ್ಣ: ಅನಿಲ ಉರಿಯಲು ಸರಿಯಾದ ಗಾಳಿ ಸಿಗದಿದ್ದಾಗ ಈ ಬಣ್ಣಕ್ಕೆ ತಿರುಗುತ್ತದೆ. ಇದು ಗ್ಯಾಸ್ ಪೋಲಾಗುವುದರ ಜತೆಗೆ, ಪಾತ್ರೆಗಳು ಕಪ್ಪು ಬಣ್ಣಕ್ಕೆ ತಿರುಗಲು ಕಾರಣವಾಗುತ್ತದೆ. ಮುಖ್ಯವಾಗಿ ಇದು ಅತ್ಯಂತ ಆಪಾಯಕಾರಿ ಇಂಗಾಲ ಮೊನಾಕ್ಸೈಡ್ ಅನಿಲವನ್ನು ಉತ್ಪಾದಿಸುತ್ತದೆ.
• ಕೆಂಪು ಬಣ್ಣ: ಅತ್ಯಂತ ಕಡಿಮೆ ಆಮ್ಲಜನಕ ಅಥವಾ ಗ್ಯಾಸ್ ಒತ್ತಡವಿದ್ದಾಗ ಜ್ವಾಲೆ ಕೆಂಪು ಬಣ್ಣಕ್ಕೆ ತಿರುಗುತ್ತದೆ. ಇದು ಬರ್ನರ್​ನಲ್ಲಿ ಕಸ ಕಟ್ಟಿರುವುದು ಅಥವಾ ಧೂಳು ಮುಚ್ಚಿ ಹೋದಾಗ ಹೀಗಾಗುತ್ತದೆ.
• ಹಸಿರು ಬಣ್ಣ: ಗ್ಯಾಸ್ ಬರ್ನರ್‌ನಲ್ಲಿ ತಾಮ್ರ, ಬೋರಾನ್ ಅಥವಾ ಇತರ ರಾಸಾಯನಿಕ ಲೋಹದ ಅಂಶಗಳು ಸುಡುತ್ತಿದ್ದರೆ, ಉರಿಯುವ ಜ್ವಾಲೆಯು ಹಸಿರು ಬಣ್ಣಕ್ಕೆ ತಿರುಗುತ್ತದೆ,(ಮಾಹಿತಿ ಸಂಗ್ರಹ)