ಮರ್ಯಾದಾ ಪುರುಷೋತ್ತಮ ಶ್ರೀರಾಮ ವಿಷ್ಣುವಿನ ಅವತಾರವಾಗಿದ್ದರೂ ಅವನು ಮನುಷ್ಯ ರೂಪದಲ್ಲಿರುವಾಗ ಅನೇಕ ಕಂಟಕಗಳನ್ನು ಎದುರಿಸ ಬೇಕಾಯಿತು. ಷಡ್ಯಂತ್ರದ ಮೂಲಕ ರಾಜ್ಯಭಾರ ವಂಚಿತನಾಗಿ ವನವಾಸಕ್ಕೆ ಹೋಗಬೇಕಾಯಿತು. 14 ವರ್ಷಗಳ ಕಾಲ ಕಾಡಿನಲ್ಲೂ ಅನೇಕ ಕಷ್ಟಗಳನ್ನು ಅನುಭವಿಸಬೇಕಾಗಿ ಬಂತು. ಆ ನಂತರ ತನ್ನ ಪ್ರೀತಿಪಾತ್ರ ಮಡದಿ ಸೀತೆಯನ್ನು ರಾವಣ ಅಪಹರಿಸಿದ. ಮಡದಿಯನ್ನು ಹುಡುಕಿ ಹೊರಟ ಶ್ರೀರಾಮ ದಕ್ಷಿಣಕ್ಕೆ ಬಂದು ತಲುಪಿದ್ದ. ರಾವಣ ಲಂಕೆಯಲ್ಲಿಟ್ಟ ಸೀತೆಯನ್ನು ಬಿಡಿಸಿಕೊಂಡು ಬರಲು ವಾನರ ಸೇನೆಯ ಸಹಾಯ ಪಡೆದ. ಅಲ್ಲಿದ್ದ ರಾವಣನೊಡನೆ ಯುದ್ಧದಲ್ಲಿ ಶ್ರೀರಾಮ ಕಾದಾಡಿದ. ದಶಮುಖ ರಾವಣನಿಗೆ ಹತ್ತು ತಲೆ. ಪ್ರತಿಯೊಂದು ತಲೆಯನ್ನು ಶ್ರೀರಾಮ ಸಂಹಾರ ಮಾಡಿ, ಗೆದ್ದು ವಾಪಸ್ ಅಯೋಧ್ಯೆಯೆಡೆಗೆ ಪಯಣಿಸಿದ. ಆದರೆ ಆತನಿಗೆ ಅಯೋಧ್ಯೆಗೆ ಬರಲು ಮನಸ್ಸಿಲ್ಲ. ತಾನು ಹಿಮಾಲಯಕ್ಕೆ ಹೋಗಬೇಕು, ಕೆಲ ಕಾಲ ಅಗಸ್ಱ ಋಷಿಗಳ ಗುಹೆಯಲ್ಲಿದ್ದು ರಾವಣನ ಹತ್ಯೆಗೆ ಪ್ರಾಯಶ್ಚಿತ್ತ ಮಾಡಿಕೊಳ್ಳಬೇಕು, ತಾನು ಘೊರ ಅಪರಾಧ ಮಾಡಿದ್ದೇನೆ ಎಂಬ ಭಾವ ಕಾಡುತ್ತಿತ್ತು. ಏಕೆಂದರೆ ಶ್ರೀರಾಮನು ಸಂಹರಿಸಿದ ವ್ಯಕ್ತಿ ಸಾಮಾನ್ಯನಾಗಿರದೆ ರಾಜನಾಗಿದ್ದ ಮಾತ್ರವಲ್ಲ, ಸಾಕ್ಷಾತ್ ಶಿವಭಕ್ತನಾಗಿದ್ದ. ಅಣ್ಣನ ಮನೋಭಿಲಾಷೆ ಕೇಳಿದ ಲಕ್ಷ್ಮಣನಿಗೆ ದಿಗ್ಭ›ಮೆಯಾಗಿ, ‘ಆತ ಅತ್ತಿಗೆ ಸೀತೆಯನ್ನು ಅಪಹರಿಸಿದ್ದ ದುಷ್ಟ, ಪರಹೆಣ್ಣನ್ನು ಅಪಹರಿಸುವುದು ಅಪರಾಧ ಎಂದು ತಿಳಿದಿರಲಿಲ್ಲವೇ ಆತನಿಗೆ?’ ಎಂದ. ಆಗ-‘ನೋಡು ಲಕ್ಷ್ಮಣ ರಾವಣನ ಹತ್ತು ತಲೆಗಳಲ್ಲಿ ಒಂಬತ್ತರಲ್ಲಿ ಯಾರಿಗೂ ಬೇಡವಾದ, ಯಾರಿಗೂ ಇರಬಾರದ ದುಷ್ಟ ಸ್ವಭಾವಗಳಿದ್ದವು
