ಈ ವಸ್ತುಗಳ ಸ್ವಚ್ಛತೆಗೆ ಬಿಸಿ ನೀರಿನ ಬಳಕೆ ಬೇಡ! ಹೀಗೆ ಮಾಡುವುದರಿಂದ ಹೆಚ್ಚು ಸಮಯ ಬಾಳಿಕೆ ಬರೋದಿಲ್ಲ ​

Hot Water: ಸಾಮಾನ್ಯವಾಗಿ ನಮ್ಮ ಮನೆಗಳಲ್ಲಿರುವ ಹಲವಾರು ವಸ್ತುಗಳಲ್ಲಿನ ಗ್ರೀಸ್ ಅಥವಾ ಸೂಕ್ಷ್ಮಜೀವಿಗಳನ್ನು ತೊಡೆದುಹಾಕಲು ನಾವು ಬಿಸಿನೀರನ್ನು ಉಪಯೋಗಿಸುತ್ತೇವೆ. ಇದರಿಂದ ಕೀಟಾಣುಗಳು ನಾಶವಾಗುತ್ತವೆ ಮತ್ತು ವಸ್ತುಗಳ ಬಾಳಿಕೆ ಕೂಡ ಹೆಚ್ಚುತ್ತವೆ. ಆದರೆ, ಎಲ್ಲ ವಸ್ತುಗಳನ್ನೂ ಬಿಸಿ ನೀರಿನಿಂದ ತೊಳೆಯುವುದರಿಂದ ಅವುಗಳ ಆಕಾರ ಮತ್ತು ಬಣ್ಣ ಕಳೆದು ಹೋಗಬಹುದು ಎಂಬುದು ನಿಮಗೆ ನೆನಪಿರಲಿ. ಯಾವ ವಸ್ತುಗಳನ್ನು ತಣ್ಣೀರಿನಿಂದ ಮತ್ತು ಬಿಸಿನೀರಿನಿಂದ ಸ್ವಚ್ಛಗೊಳಿಸಬೇಕು ಎಂಬುದನ್ನು ತಿಳಿದುಕೊಳ್ಳುವುದು ಬಹಳ ಮುಖ್ಯ.

ರೇಷ್ಮೆ ಮತ್ತು ಉಣ್ಣೆಯಂತಹ ಸೂಕ್ಷ್ಮವಾದ ಬಟ್ಟೆಗಳನ್ನು ಎಂದಿಗೂ ಬಿಸಿ ನೀರಿನಲ್ಲಿ ತೊಳೆಯಬಾರದು. ಬಿಸಿನೀರು ರೇಷ್ಮೆ ಉಡುಪುಗಳು ತಮ್ಮ ನೈಸರ್ಗಿಕ ಹೊಳಪು ಮತ್ತು ಸುಕ್ಕುಗಳನ್ನು ಕಳೆದುಕೊಳ್ಳಲು ಕಾರಣವಾಗಬಹುದು. ಕಾಟನ್​ ಡ್ರೆಸ್​ಗಳ ಬಣ್ಣ ಮಾಸಬಹುದು ಮತ್ತು ಒರಟಾಗಬಹುದು. ಹೀಗಾಗಿಯೇ, ಇಂತಹ ಉಡುಪುಗಳನ್ನು ಸದಾ ತಣ್ಣನೆಯ ಅಥವಾ ಉಗುರು ಬೆಚ್ಚಗಿನ ನೀರಿನಲ್ಲಿ ಮಾತ್ರ ತೊಳೆಯಿರಿ.

ಅಡುಗೆ ಮನೆಯಲ್ಲಿ ಮರದ ವಸ್ತುಗಳು, ಪೀಠೋಪಕರಣಗಳು ಅಥವಾ ಕತ್ತರಿಸುವ ಬೋರ್ಡ್‌ಗಳನ್ನು ಸ್ವಚ್ಛಗೊಳಿಸಲು ಬಿಸಿನೀರನ್ನು ಬಳಸುವುದನ್ನು ನಿಲ್ಲಿಸಿ. ಶಾಖವು ಮರವನ್ನು ಊದಿಕೊಳ್ಳುವಂತೆ ಮಾಡುವುದಲ್ಲದೆ, ಅದರ ಮೇಲಿನ ರಕ್ಷಣಾತ್ಮಕ ಪದರವನ್ನು ಹಾನಿಗೊಳಿಸುತ್ತದೆ. ಇದು ಬಿರುಕುಗಳು ಅಥವಾ ಕಾಲಾನಂತರದಲ್ಲಿ ಬಣ್ಣ ಕಳೆದುಕೊಳ್ಳಲು ಕಾರಣವಾಗಬಹುದು. ಅವುಗಳನ್ನು ಒದ್ದೆಯಾದ ಬಟ್ಟೆಯಿಂದ ಒರೆಸಿ ನಂತರ ಒಣ ಬಟ್ಟೆಯಿಂದ ಕ್ಲೀನ್​ ಮಾಡಿಕೊಳ್ಳುವುದು ಉತ್ತಮ.

ಬಟ್ಟೆಗಳ ಮೇಲೆ ಬಣ್ಣದ ಕಲೆಗಳು ಕಾಣಿಸಿಕೊಂಡಾಗ ಅನೇಕ ಜನರು ಬಿಸಿನೀರನ್ನು ಬಳಸುತ್ತಾರೆ. ಇದು ಕಲೆಗಳನ್ನು ಶಾಶ್ವತವಾಗಿ ಉಳಿಸುತ್ತದೆ. ತಣ್ಣೀರಿನಿಂದ ತೊಳೆಯುವ ಮೂಲಕ ಅವುಗಳನ್ನು ಸುಲಭವಾಗಿ ಹೋಗಲಾಡಿಸಬಹುದು. ಅಲ್ಲದೆ, ಲೆಧರ್​ ಸೋಫಾಗಳು ಅಥವಾ ಚೀಲಗಳನ್ನು ಬಿಸಿ ನೀರಿನಿಂದ ಒರೆಸಿದರೆ, ಅವು ಒಣಗಬಹುದು ಮತ್ತು ಬಿರುಕು ಬಿಡಬಹುದು.

ಬಣ್ಣ ಬಳಿದ ಗೋಡೆಗಳು, ಮೈಕ್ರೋಫೈಬರ್ ಬಟ್ಟೆಗಳು ಮತ್ತು ಕೆಲವು ರೀತಿಯ ಪ್ಲಾಸ್ಟಿಕ್‌ಗಳನ್ನು ಸಹ ಬಿಸಿ ನೀರಿನಿಂದ ದೂರವಿಡಬೇಕು. ಬಿಸಿನೀರು ಬಣ್ಣದ ಸಿಪ್ಪೆ ತೆಗೆಯಲು ಅಥವಾ ಪ್ಲಾಸ್ಟಿಕ್ ಕರಗಲು ಕಾರಣವಾಗಬಹುದು. ಇದರಿಂದ ವಿಷಕಾರಿ ರಾಸಾಯನಿಕಗಳನ್ನು ಬಿಡುಗಡೆಯಾಗುತ್ತದೆ. ಆದ್ದರಿಂದ, ಯಾವುದೇ ವಸ್ತುವನ್ನು ಸ್ವಚ್ಛಗೊಳಿಸುವ ಮೊದಲು ಅದರ ಮೇಲಿರುವ ಲೇಬಲ್ ಅನ್ನು ಓದುವುದು ಉತ್ತಮ. ಕಾರಣ, ಇದರಲ್ಲಿ ಆ ಮೆಟಿರಿಯಲ್​ ವಾಶ್​ ಬಗ್ಗೆ ಸರಿಯಾದ ಮಾಹಿತಿ ನೀಡಿರುತ್ತಾರೆ,(ಸಂಗ್ರಹ ಮಾಹಿತಿ).