‘ಮಗು, ಬಾ ಇಲ್ಲಿ. ಗೋ ಶಾಲೆಗೆ ಹೋಗಿ ಇಂದು ಸಂಜೆಯ ಪೂಜೆಗೆ ಹಾಲನ್ನು ತರುವ ಜವಾಬ್ದಾರಿ ನಿನ್ನದು. ನೋಡು, ಆ ಮೂಲೆಯಲ್ಲಿ ಪಾತ್ರೆಯಿದೆ. ಅದನ್ನು ತೆಗೆದುಕೊಂಡು ಹೋಗಿ ಆದಷ್ಟೂ ಬೇಗ ಹಾಲನ್ನು ತರಬೇಕು ಆಯಿತಾ?’ ಎಂದು ಆದೇಶಿಸಿದರು. ಖುಶಿಯಿಂದಲೇ ಪಾತ್ರೆಯನ್ನು ಕೈಗೆತ್ತಿಕೊಂಡ. ನೋಡುತ್ತಾನೆ ಪಾತ್ರೆಯ ತುಂಬ ಕಸಕಡ್ಡಿ, ಮಣ್ಣು, ಕಲ್ಲುಗಳೇ ತುಂಬಿಕೊಂಡಿವೆ! ಅವನಿಗೆ ಅಸಹ್ಯವೆನಿಸಿತು, ಛೇ ಈ ಪಾತ್ರೆಯಲ್ಲೇನಾದರೂ ಹಾಲನ್ನು ತರಲಾದೀತೇ? ತಂದರೂ ಅದನ್ನು ಉಪಯೋಗಿಸಲಾದೀತೇ? ಸಾಧ್ಯವೇ ಇಲ್ಲ, ಏನು ಮಾಡುವುದು? ಸರಿ, ಮೊದಲು ಪಾತ್ರೆಯನ್ನು ತೊಳೆದು ಶುದ್ಧಗೊಳಿಸಿದ. ಗೋಶಾಲೆಗೆ ಹೋಗಿ ಪಾತ್ರೆಯಲ್ಲಿ ಹಾಲನ್ನು ತುಂಬಿಸಿ ತಂದು ಗುರುಗಳ ಎದುರಿಗಿಟ್ಟು ನಮಸ್ಕರಿಸಿ, ಈಗ ಗುರುಗಳಿಗೆ ಸಂತುಷ್ಟಿಯಾಗಿದೆ, ತನಗೆ ಜ್ಞಾನೋಪದೇಶ ಮಾಡುತ್ತಾರೆ ಎಂದು ನಿರೀಕ್ಷಿಸಿದ. ಆದರೆ ಗುರುಗಳು ಏನನ್ನೂ ಹೇಳಲಿಲ್ಲ. ಹಾಲಿನ ಪಾತ್ರೆಯನ್ನು ಹಿಡಿದು ಪೂಜೆಗೆ ಹೊರಟೇಬಿಟ್ಟರು. ಅವನಿಗೆ ಬಹಳವೇ ನಿರಾಸೆಯಾಯಿತು.
