ಪುರುಷರು ಕುಳಿತು or ನಿಂತುಕೊಂಡು ಮೂತ್ರ ವಿಸರ್ಜನೆ ಮಾಡ್ಬೇಕಾ? ಇಲ್ಲಿದೆ ಉಪಯುಕ್ತ ಮಾಹಿತಿ… Urinate Position

ಸಾಮಾನ್ಯವಾಗಿ ಪುರುಷರು ನಿಂತುಕೊಂಡೇ ಮೂತ್ರ ವಿಸರ್ಜನೆ ( Urinate Position ) ಮಾಡುತ್ತಾರೆ. ಆದರೆ, ಈ ಕ್ರಮ ಸರಿಯೇ ಎಂಬ ಪ್ರಶ್ನೆ ಆಗಾಗ ಕೇಳಿಬರುತ್ತಲೇ ಇರುತ್ತದೆ. ಆರೋಗ್ಯ ಮತ್ತು ನೈರ್ಮಲ್ಯವನ್ನು ಗಮನದಲ್ಲಿಟ್ಟುಕೊಂಡು ಪುರುಷರು ತಮ್ಮ ಅಭ್ಯಾಸಗಳನ್ನು ಬದಲಾಯಿಸಿಕೊಳ್ಳಬೇಕು ಎಂದು ಕೆಲ ಆರೋಗ್ಯ ತಜ್ಞರು ಸಲಹೆ ನೀಡುತ್ತಾರೆ.

ಕುಳಿತುಕೊಳ್ಳುವ ಶೌಚಾಲಯಗಳಿಗೆ ಹೆಚ್ಚಿನ ಸ್ಥಳಾವಕಾಶ ಬೇಕಾಗುತ್ತದೆ. ಆದರೆ, ನಿಂತುಕೊಳ್ಳುವುದಕ್ಕೆ ಕಡಿಮೆ ಸ್ಥಳ ಇದ್ದರೆ ಸಾಕು. ಆದರೆ, ಮೂತ್ರ ವಿಸರ್ಜನೆಯ ಸಮಯದಲ್ಲಿ ದೇಹದ ಭಂಗಿಯು ( Urinate Position ) ಕೂಡ ಮೂತ್ರನಾಳದಲ್ಲಿ ಮೂತ್ರದ ಹರಿವಿನ ಮೇಲೆ ಪರಿಣಾಮ ಬೀರುತ್ತದೆ ಎಂದು ಆರೋಗ್ಯ ತಜ್ಞರು ಹೇಳುತ್ತಾರೆ.

ಅಂದಹಾಗೆ ಮೂತ್ರಪಿಂಡಗಳು ನಿರಂತರವಾಗಿ ರಕ್ತವನ್ನು ಶುದ್ಧೀಕರಿಸುತ್ತವೆ. ಈ ಪ್ರಕ್ರಿಯೆಯಲ್ಲಿ ಬಿಡುಗಡೆಯಾಗುವ ತ್ಯಾಜ್ಯವೇ ಮೂತ್ರವಾಗಿದೆ. ಮೂತ್ರಕೋಶದಲ್ಲಿ ಮೂತ್ರವೂ ಸಂಗ್ರಹವಾಗುತ್ತದೆ. ಇದರ ಸಾಮರ್ಥ್ಯವು 300ml ನಿಂದ 600ml ವರೆಗೆ ಇರುತ್ತದೆ. ಆದರೆ, ಬಹುತೇಕ ಬಾರಿ ನಾವು ಖಾಲಿ ಮಾಡುವುದು ಮೂರನೇ ಎರಡರಷ್ಟು ತುಂಬಿದಾಗ ಮಾತ್ರ. ಮೂತ್ರಕೋಶವನ್ನು ಸಂಪೂರ್ಣವಾಗಿ ಖಾಲಿ ಮಾಡಲು, ನಮ್ಮ ನರಮಂಡಲವು ಸರಿಯಾಗಿ ಕೆಲಸ ಮಾಡಬೇಕಾಗುತ್ತದೆ. ಆಗ ಮಾತ್ರ ಯಾವಾಗ ಶೌಚಾಲಯಕ್ಕೆ ಹೋಗಬೇಕೆಂದು ನಮಗೆ ತಿಳಿಯುತ್ತದೆ.

ಇದನ್ನೂ ಓದಿ: ರಾತ್ರಿ ಭಿಕ್ಷುಕರ ಜತೆ ನಿದ್ರೆ… IPS​ ಅಧಿಕಾರಿಯಾಗಲು ಈ ಆಟೋ ಚಾಲಕ ಪಟ್ಟ ಕಷ್ಟ ಅಷ್ಟಿಷ್ಟಲ್ಲ!

ಮೂತ್ರಕೋಶವು ತುಂಬಿದಾಗ ನರಗಳ ಮೂಲಕ ಮೆದುಳಿಗೆ ಸೂಚನೆ ನೀಡುತ್ತದೆ. ಆಗ ನಮಗೆ ಶೌಚಾಲಯಕ್ಕೆ ಹೋಗಬೇಕೆಂದು ಅನಿಸುತ್ತದೆ. ನಾವು ಮೂತ್ರ ವಿಸರ್ಜನೆಗೆ ಶೌಚಾಲಯಕ್ಕೆ ಹೋದಾಗ ಮೂತ್ರಕೋಶದ ಸ್ನಾಯುಗಳು ಸಂಕುಚಿತಗೊಳ್ಳುತ್ತವೆ. ನಂತರ ಮೂತ್ರವು ಮೂತ್ರನಾಳದ ಮೂಲಕ ಹೊರಬರುತ್ತದೆ. ಆರೋಗ್ಯವಂತ ವ್ಯಕ್ತಿಯು ಸುಲಭವಾಗಿ ಮೂತ್ರ ವಿಸರ್ಜಿಸುತ್ತಾನೆ.

ಆದರೆ, ಕೆಲವೊಮ್ಮೆ ಕೆಲವರು ಮೂತ್ರ ವಿಸರ್ಜಿಸಲು ಕೆಲವು ತೊಂದರೆಗಳನ್ನು ಎದುರಿಸುತ್ತಾರೆ. ವಿಶೇಷವಾಗಿ ಪ್ರಾಸ್ಟೇಟ್ ಗ್ರಂಥಿಯ ಊತದಿಂದ ಬಳಲುತ್ತಿರುವವರು ಮೂತ್ರ ವಿಸರ್ಜನೆಯ ಸಮಯದಲ್ಲಿ ಕಷ್ಟಪಡುತ್ತಾರೆ. ಅಂತಹವರು ಕುಳಿತುಕೊಂಡು ಮೂತ್ರ ವಿಸರ್ಜನೆ ಮಾಡಿದರೆ ಸಮಾಧಾನವಾಗುತ್ತದೆ ಎಂದು ಪ್ಲಾಸ್ ಒನ್ ( Plos One ) ಹೆಸರಿನ ವಿಜ್ಞಾನ ಪತ್ರಿಕೆ ನಡೆಸಿದ ಅಧ್ಯಯನದಿಂದ ತಿಳಿದುಬಂದಿದೆ.

ಈ ಅಧ್ಯಯನದಲ್ಲಿ ಆರೋಗ್ಯವಂತ ಪುರುಷರ ಜತೆಗೆ, ಪ್ರಾಸ್ಟೇಟ್ ಸಿಂಡ್ರೋಮ್ ಹೊಂದಿರುವ ಪುರುಷರು (ಕಡಿಮೆ ಮೂತ್ರದ ಲಕ್ಷಣಗಳು) ಭಾಗವಹಿಸಿದ್ದರು. ಪ್ರಾಸ್ಟೇಟ್ ಸಮಸ್ಯೆಯಿಂದ ಬಳಲುತ್ತಿರುವ ಪುರುಷರು ನಿಂತಿರುವಾಗ ಮೂತ್ರ ವಿಸರ್ಜಿಸಲು ಕಷ್ಟಪಡುತ್ತಾರೆ. ಆದರೆ, ಕುಳಿತಾಗ ಮೂತ್ರನಾಳದಲ್ಲಿನ ಒತ್ತಡವು ಕಡಿಮೆಯಾಗಿ, ಆರಾಮವಾಗಿ ಮತ್ತು ತ್ವರಿತವಾಗಿ ಮೂತ್ರ ವಿಸರ್ಜಿಸಲು ಸಾಧ್ಯವಾಗುತ್ತದೆ ಎಂದು ಅಧ್ಯಯನದಿಂದ ತಿಳಿದುಬಂದಿದೆ.

ಹಕ್ಕು ನಿರಾಕರಣೆ: ಲೇಖನದಲ್ಲಿ ಉಲ್ಲೇಖಿಸಲಾದ ಸಲಹೆಗಳು ಸಾಮಾನ್ಯ ಮಾಹಿತಿಗಾಗಿ ಮಾತ್ರ. ನೀವು ಯಾವುದೇ ಪ್ರಶ್ನೆಗಳನ್ನು ಹೊಂದಿದ್ದರೆ ಯಾವಾಗಲೂ ನಿಮ್ಮ ವೈದ್ಯರನ್ನು ಸಂಪರ್ಕಿಸಿ.

https://www.vijayavani.net/dubai-millionaire-buys-private-island-for-50-million-so-wife-can-feel-safe-in-a-bikini

https://www.vijayavani.net/yuvraj-singh-reveals-he-wear-bollywood-actress-girlfriends-pink-slip-ons