ಹೊಸ ಶೂ ಕಚ್ಚುತ್ತಿದೆಯೇ? ಸಮಸ್ಯೆಯಿಂದ ಪಾರಾಗಲು ಈ ಸಲಹೆಗಳನ್ನು ಪ್ರಯತ್ನಿಸಿ

ಬೆಂಗಳೂರು:  ಅನೇಕ ಜನರು ವಿವಿಧ ರೀತಿಯ ಸ್ಯಾಂಡಲ್ ಮತ್ತು ಶೂಗಳನ್ನು ಧರಿಸಿ ಸ್ಟೈಲಿಶ್ ಆಗಿ ಕಾಣಲು ಬಯಸುತ್ತಾರೆ. ಈ ಉದ್ದೇಶಕ್ಕಾಗಿ ದುಬಾರಿ ಶೂಗಳನ್ನು ಖರೀದಿಸಲಾಗುತ್ತದೆ. ಆದರೆ ಶೂ ನಮ್ಮ ಪಾದಗಳಿಗೆ ಸರಿ ಹೊಂದಲಿಲ್ಲ ಎಂದಾದರೆ ಪಾದಗಳ ಮೇಲೆ ಗುಳ್ಳೆಗಳಿಗೆ ಕಾರಣವಾಗಬಹುದು. ಇಂತಹ ಸಮಸ್ಯೆಗಳಿಂದಾಗಿ ಅನೇಕರು ತಾವು ಖರ್ಚು ಮಾಡಿ ಖರೀದಿಸಿದ ಪಾದರಕ್ಷೆಗಳನ್ನು ನಿರುಪಯುಕ್ತವೆಂದು ಬದಿಗೆ ಎಸೆಯುತ್ತಾರೆ. ಆದರೆ ಇಂತಹ ಸಮಸ್ಯೆ ಎದುರಾದಾಗ ಕೆಲವೊಂದು ಟಿಪ್ಸ್ ಮೂಲಕ ಅದರಿಂದ ಹೊರಬರಬಹುದು.  

ಸಾಮಾನ್ಯವಾಗಿ ಹೊಸ ಪಾದರಕ್ಷೆ ನಮ್ಮ ಪಾದಗಳಲ್ಲಿ ಹೊಂದಿಕೊಳ್ಳುವವರೆಗೂ ಎಲ್ಲಾದರೊಂದು ಕಡೆ ಉಜ್ಜುವ ಕಾರಣ ಚಿಕ್ಕದಾದ ಗಾಯ ಅಥವಾ ತರಚುಗಾಯವಾಗುತ್ತದೆ. ಇದನ್ನೇ ಚಪ್ಪಲಿ ಕಚ್ಚುವುದು ಎನ್ನುತ್ತಾರೆ.

ಪಾದರಕ್ಷೆ ಕೊಳ್ಳಲು ಅಂಗಡಿಗಳಿಗೆ ಹೋದಾಗ ಒಮ್ಮೆ ಹಾಕಿಕೊಂಡು ಅತ್ತಿಂದಿತ್ತ ನಡೆಯಿರಿ. ಪಾದಗಳು ಎಲ್ಲಿಯಾದರೂ ಬಾಗುತ್ತದೆ ಎಂದು ಅನಿಸಿದರೆ, ಆದರೆ ಘರ್ಷಣೆ ಇದ್ದರೆ, ಅವುಗಳಿಂದ ಸಮಸ್ಯೆ ಉಂಟಾಗುತ್ತದೆ ಎಂಬ ತೀರ್ಮಾನಕ್ಕೆ ಬರಬೇಕು. ಅಂತಹ ವಸ್ತುಗಳನ್ನು ಖರೀದಿಸದಿರುವುದು ಉತ್ತಮ. 

ಬೂಟುಗಳನ್ನು ಖರೀದಿಸಿದ ನಂತರ ಪಾದದ ತೊಂದರೆಗಳು ಕಾಣಿಸಿಕೊಂಡರೆ, ಅವುಗಳನ್ನು ಧರಿಸದೆ ಪಕ್ಕಕ್ಕೆ ಎಸೆಯುವುದು ಉತ್ತಮ. ಏಕೆಂದರೆ ಸಮಸ್ಯೆ ಉಲ್ಬಣಗೊಳ್ಳುವ ಅಪಾಯವಿದೆ.

ಗಾಯಗಳು ಬೇಗ ವಾಸಿಯಾಗಲು ತೆರೆದ ಬೂಟುಗಳನ್ನು ಧರಿಸುವುದು ಉತ್ತಮ ಎಂದು ವೈದ್ಯಕೀಯ ತಜ್ಞರು ಸಲಹೆ ನೀಡುತ್ತಾರೆ. ಚರ್ಮವು ಘರ್ಷಣೆಗೆ ಒಳಗಾಗುವ ಪ್ರದೇಶದಲ್ಲಿ ಬ್ಯಾಕ್ಟೀರಿಯಾಗಳು ಸಂಗ್ರಹಗೊಳ್ಳಬಹುದು. ಇದು ಅಂತಿಮವಾಗಿ ಸೋಂಕಿಗೆ ಕಾರಣವಾಗಬಹುದು.

ಸದಾ ಚಪ್ಪಲಿ ಮತ್ತು ಶೂಗಳನ್ನು ಕೊಳ್ಳುವ ಮುನ್ನ ಧರಿಸಿ ನಿಮ್ಮ ಪಾದಕ್ಕೆ ಅತಿ ಸೂಕ್ತವಾಗಿವೆ ಎಂದು ಖಚಿತಪಡಿಸಿದ ಬಳಿಕವೇ ಕೊಳ್ಳಿ.
ಸದಾ ಶೂವನ್ನು ಕಾಲುಚೀಲ ಧರಿಸಿಯೇ ತೊಟ್ಟುಕೊಳ್ಳಿ.

ಚಪ್ಪಲಿ ಅಥವಾ ಶೂ ಹೊಸದಿದ್ದಾಗ ಒಳಭಾಗದಲ್ಲಿ ಕೊಬ್ಬರಿ ಎಣ್ಣೆ ಅಥವಾ ವ್ಯಾಸೆಲಿನ್ ಹಚ್ಚಿದ ಬಳಿಕ ಧರಿಸಿ. ಪ್ರಾರಂಭದ ಒಂದೆರಡು ದಿನ ಮಾಡಿದರೆ ಸಾಕು. ವಿಶೇಷವಾಗಿ ಚರ್ಮದ ಚಪ್ಪಲಿ ಶೂಗಳಿಗೆ ಈ ಕ್ರಮವನ್ನು ಅನುಸರಿಸುವ ಮೂಲಕ ಇವು ಮೃದುವಾಗಿ ಕಚ್ಚದೇ ಇರಲು ಸಾಧ್ಯವಾಗುತ್ತದೆ. 

ಗಮನಿಸಿ: ವಿಷಯಗಳು ಮಾಹಿತಿ ಉದ್ದೇಶಗಳಿಗಾಗಿ ಮಾತ್ರ. ಇದನ್ನು ಆರೋಗ್ಯ ವೃತ್ತಿಪರರ ಸಲಹೆಯ ಮೇರೆಗೆ ಒದಗಿಸಲಾಗಿದೆ. ನಿಮಗೆ ಯಾವುದೇ ಸಂದೇಹಗಳಿದ್ದರೆ ವೈದ್ಯಕೀಯ ವೃತ್ತಿಪರರನ್ನು ಸಂಪರ್ಕಿಸಿ.

https://www.vijayavani.net/do-you-know-why-people-wear-tiger-claw