ಲೈಫ್‌ಸ್ಟೈಲ್

ಈ 6 ಕಾರಣಗಳಿಂದಲೇ ಹೆಚ್ಚುತ್ತಿದೆ ವಿಚ್ಛೇದನ ಪ್ರಕರಣ!Divorce

ಸಾಂದರ್ಭಿಕ ಚಿತ್ರ
ಸಾಂದರ್ಭಿಕ ಚಿತ್ರ
ವಿನಾಯಕ ನಾಯಕ
Published on: 

ಪ್ರಮುಖ ಮುಖ್ಯಾಂಶಗಳು

  • ಮದುವೆ ಎನ್ನುವುದು ಕೇವಲ ಎರಡು ಜೀವಗಳ ಮಿಲನವಲ್ಲ
  • ಮದುವೆಯ ಪ್ರತಿಯೊಂದು ಶಾಸ್ತ್ರಕ್ಕೂ ತನ್ನದೇ ಆದ ಅರ್ಥ ಮತ್ತು ಮೌಲ್ಯವಿದೆ
  • ವಿಚ್ಚೇದನ ಪ್ರಕರಣಗಳು ದಿನೇ ದಿನೇ ಹೆಚ್ಚಾಗಲು ಅಸಲಿ ಕಾರಣವಾದರೂ ಏನು?
  • ಯಾಕೆ ಇತ್ತೀಚಿನ ದಿನಗಳಲ್ಲಿ ವಿಚ್ಛೇದನದ ಪ್ರಮಾಣ ಹೆಚ್ಚಾಗುತ್ತಿದೆ ?
Divorce : ಮದುವೆ ಎನ್ನುವುದು ಕೇವಲ ಎರಡು ಜೀವಗಳ ಮಿಲನವಲ್ಲ. ಮದುವೆ ಎನ್ನುವುದು ಕೇವಲ ಒಂದು ಕಾರ್ಯಕ್ರಮವಲ್ಲ. ಮದುವೆಯ ಪ್ರತಿಯೊಂದು ಶಾಸ್ತ್ರಕ್ಕೂ ತನ್ನದೇ ಆದ ಅರ್ಥ ಮತ್ತು ಮೌಲ್ಯವಿದೆ. ಒಬ್ಬ ತಂದೆಯ ಜೀವಮಾನದಲ್ಲಿ ದುಡಿದ ಹಣ ಮತ್ತು ಗಳಿಸಿದ ಗೌರವ ಸಹ ಮದುವೆಯಲ್ಲಿ ಮುಖ್ಯ ಭೂಮಿಕೆ ವಹಿಸುತ್ತದೆ.
ಇಷ್ಟೆಲ್ಲಾ ಖರ್ಚು-ವೆಚ್ಚ, ಹಿನ್ನಲೆ ವಿಚಾರಣೆ ಮೊದಲಾದವುಗಳನ್ನು ಕೈಗೊಂಡರು ಸಹ ವಿಚ್ಛೇದನ(Divorce) ಪ್ರಕರಣಗಳು ದಿನೇ-ದಿನೇ ಹೆಚ್ಚಾಗಲು ಅಸಲಿ ಕಾರಣವಾದರೂ ಏನು? ಯಾಕೆ ಇತ್ತೀಚಿನ ದಿನಗಳಲ್ಲಿ ವಿಚ್ಛೇದನದ ಪ್ರಮಾಣ ಹೆಚ್ಚಾಗುತ್ತಿದೆ ಎನ್ನುವುದನ್ನು ಇಂದು ತಿಳಿದುಕೊಳ್ಳೊಣ.

1. ಸಂವಹನದ ಕೊರತೆ (Lack of Communication)

ಸಂಬಂಧದಲ್ಲಿ ಮಾತೇ ಮಾಣಿಕ್ಯವಾಗಿರುತ್ತದೆ. ಆದರೆ ದಂಪತಿಗಳು ಪರಸ್ಪರ ಮಾತನ್ನೇ ಆಡುವುದಿಲ್ಲ ಎನ್ನುವುದು ವಿಚ್ಛೇದನಕ್ಕೆ ಪ್ರಮುಖ ಕಾರಣಗಳಲ್ಲೊಂದು. ತಮ್ಮ ಭಾವನೆ, ನೋವು, ಆಶೆ–ನಿರಾಶೆಗಳನ್ನು ಪರಸ್ಪರ ಹಂಚಿಕೊಳ್ಳದಿದ್ದಾಗ ಮನಸ್ತಾಪ ಶುರುವಾಗುತ್ತದೆ. ಸಮಸ್ಯೆಗಳನ್ನು ಚರ್ಚಿಸಲು ಆಗದೇ ಹೋದಾಗ ಕಾಲಕ್ರಮೇಣ , ಸಂಬಂಧ ದುರ್ಬಲಗೊಳ್ಳುತ್ತದೆ ಇದು ವಿಚ್ಛೇದನಕ್ಕೆ ದಾರಿ ಮಾಡಿಕೊಡುತ್ತದೆ.

2. ಆರ್ಥಿಕ ಸಮಸ್ಯೆ (Financial Problems)

ಸ್ಥಿರವಾದ ಆರ್ಥಿಕತೆ ದಾಂಪತ್ಯಕ್ಕೆ ದೊಡ್ಡ ಆಧಾರ ಕಂಬವಿದ್ದಂತೆ. ಆದರೆ ಜೀವನದಲ್ಲಿ ಮೀತಿಮಿರಿದ ಸಾಲ, ದುಂದು ವೆಚ್ಚ, ಆದಾಯದ ಕೊರತೆ ಮತ್ತು ಹಣದ ಹೂಡಕೆಯಲ್ಲಿ ಪರಸ್ಪರರಲ್ಲಿ ಮನಸ್ತಾಪ ಉಂಟಾದರೆ ಅದು ಖಂಡಿತವಾಗಿ ವಿಚ್ಛೇದನದಲ್ಲಿಯೇ ಈ ಸಂಬಂಧ ಕೊನೆಗೊಳ್ಳುತ್ತದೆ.

3. ನಂಬಿಕೆ ಕೊರತೆ (Lack of Trust)

ದಾಂಪತ್ಯ ಎಂಬ ಬಂಡಿ ಸರಾಗವಾಗಿ ಸಾಗಬೇಕೆಂದರೆ ಅಲ್ಲಿ ನಂಬಿಕೆ ಎನ್ನುವುದು ಬಹಮುಖ್ಯವಾಗಿರುತ್ತದೆ. ಪರಸ್ಪರರ ಮೇಲೆ ನಂಬಿಕೆಯೇ ಇಲ್ಲವಾದರೆ ಅಂತಹ ಸಂಬಂಧವನ್ನು ಸರಿಮಾಡಲು ಸಾಧ್ಯವಾಗುವುದಿಲ್ಲ. ಅತಿಯಾದ ಕಣ್ಗಾವಲು, ರಹಸ್ಯತೆ ಮತ್ತು ಮಾತು–ಕೃತ್ಯಗಳಲ್ಲಿನ ವ್ಯತ್ಯಾಸ ಇವು ನಂಬಿಕೆಯನ್ನು ನಿಧಾನವಾಗಿ ಹಾಳು ಮಾಡುತ್ತವೆ.

4. ಅನೈತಿಕ ಸಂಬಂಧ (Illicit Relations)

ಬಹುತೇಕ ದಾಂಪತ್ಯಗಳು ವಿಚ್ಛೇದನ ಪಡೆಯಲು ಮೂಲ ಕಾರಣವೇ ಈ ಅನೈತಿಕ ಸಂಬಂಧ. ಪ್ರಪಂಚದ ಯಾವ ಹೆಣ್ಣು ತನ್ನ ಗಂಡನನ್ನು ಇನ್ನೊಬ್ಬ ಹೆಣ್ಣಿನೊಂದಿಗೆ ಹಂಚಿಕೊಳ್ಳಲು ಒಪ್ಪುವುದಿಲ್ಲ. ಅಂತೆಯೇ ಯಾವ ಗಂಡನು ತನ್ನ ಹೆಂಡತಿ ವ್ಯಭಿಚಾರದಲ್ಲಿ ತೊಡಗಿರುವುದನ್ನು ಸಹಿಸಿಕೊಳ್ಳುವುದಿಲ್ಲ. 10 ನಿಮಿಷಗಳ ದೈಹಿಕ ಸುಖಕ್ಕಾಗಿ ತಮ್ಮ ವೈವಾಹಿಕ ಜೀವನವನ್ನೇ ಬಲಿಕೊಟ್ಟರೆ, ಆ ಸಂಬಂಧ ಖಂಡಿತವಾಗಿ ಸರಿಯಾಗುವುದಿಲ್ಲ.

5. ಕುಟುಂಬದ ಹಸ್ತಕ್ಷೇಪ (Family Interference)

ದಂಪತಿಗಳ ಪ್ರತಿಯೊಂದು ನಿರ್ಧಾರದ ಮೇಲೆ ಅತ್ತೆ-ಮಾವ, ಸಂಬಂಧಿಕರ ಅಥವಾ ಸ್ನೇಹಿತರ ಅತಿಯಾದ ಹಸ್ತಕ್ಷೇಪವು, ಬಾಳಿ ಬದುಕಬೇಕಾದ ದಂಪತಿಗಳ ಜೀವನವನ್ನು ಖಂಡಿತವಾಗಿ ಹಾಳುಗೆಡುವುತ್ತದೆ. ಅವರ ಜೀವನವನ್ನು ಅವರ ಪಾಡಿಗೆ ನಡೆಸಲು ಕೊಡದೆ, ತಮ್ಮ ಮಾನಸಿಕ ಒತ್ತಡವನ್ನು ಹೇರುವುದರಿಂದ ದಾಂಪತ್ಯ ಎಂಬ ನೌಕೆ ಮುಳುಗುವುದು ನಿಶ್ಚಿತವಾಗುತ್ತದೆ.

6. ಲೈಂಗಿಕ ಜೀವನದ ಅಸಮಾಧಾನ (Sexual Incompatibility)

ಶಾರೀರಿಕ ಆಪ್ತತೆ ದಾಂಪತ್ಯದ ಮಹತ್ವದ ಭಾಗ. ಆಸಕ್ತಿ ಕೊರತೆ, ಆರೋಗ್ಯ ಸಮಸ್ಯೆಗಳು, ಬಯಕೆಗಳಲ್ಲಿ ವ್ಯತ್ಯಾಸ ಇವು ಜೋಡಿಗಳ ನಡುವೆ ಭಾವನಾತ್ಮಕ ಅಂತರವನ್ನೂ ಹೆಚ್ಚಿಸುತ್ತವೆ. ಈ ವಿಷಯದ ಕುರಿತು ಪರಸ್ಪರ ಮಾತನಾಡಿ, ವೈದ್ಯರನ್ನು ಸಂಪರ್ಕಿಸಿ ಸರಿಪಡಿಸಬಹುದು. ಆದರೆ ಇದರ ಕುರಿತು ಅಸಡ್ಡೆ ಮಾಡಿದರೆ ಇದೇ ಮುಂದೆ ಅನೈತಿಕ ಸಂಬಂಧಕ್ಕೆ ದಾರಿಮಾಡಿಕೊಟ್ಟು ನಂತರ ಅದು ವಿಚ್ಛೇದನದಲ್ಲಿ ಅಂತ್ಯವಾಗುತ್ತದೆ.
ಗಮನಿಸಿ: ಈ ಮಾಹಿತಿಯನ್ನು ಅಂತರ್ಜಾಲದಿಂದ ಸಂಗ್ರಹಿಸಲಾಗಿದೆ ಮತ್ತು ಮಾಹಿತಿ ಉದ್ದೇಶಗಳಿಗಾಗಿ ಮಾತ್ರ ಪ್ರಸ್ತುತ ಪಡಿಸಲಾಗಿದೆ. ಇದನ್ನು “ವಿಜಯವಾಣಿ ಡಾಟ್ ನೆಟ್” ದೃಢಪಡಿಸುವುದಿಲ್ಲ.
Divorce
Couples
Kannada News
Vijayavani News
Married life
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net