ಮಾರುಕಟ್ಟೆಯಲ್ಲಿ ಉತ್ತಮ ಸೀಬೆಹಣ್ಣನ್ನು ಖರೀದಿಸುವುದೇಗೆ; ಈ ಸಿಂಪಲ್​ ವಿಧಾನ ನಿಮಗಾಗಿ.. | Tips

ಚಳಿಗಾಲದಲ್ಲಿ ಸೀಬೆಹಣ್ಣು ತಿನ್ನುವುದೇ ಒಂದು ರೀತಿ ಆನಂದದಾಯಕವಾಗಿರುತ್ತದೆ. ಕೆಲವರು ಇದರ ಚಟ್ನಿಯನ್ನು ಸವಿಯಲು ಇಷ್ಟಪಡುತ್ತಾರೆ. ಮತ್ತೆ ಕೆಲವರು ಚಿಲ್ಲಿ ಪೌಡರ್​ ಮತ್ತು ಉಪ್ಪು ಬೆರೆಸಿ ಸೀಬೆಹಣ್ಣು ಸೇವಿಸುತ್ತಾರೆ. ಸೀಬೆಹಣ್ಣು ಪೋಷಕಾಂಶಗಳಿಂದ ಸಮೃದ್ಧವಾಗಿದೆ. ಇದರಲ್ಲಿ ಫೈಬರ್ ಮತ್ತು ವಿಟಮಿನ್ ಸಿ ಕೂಡ ಇದೆ. ಇದು ಉತ್ತಮ ಜೀರ್ಣಕ್ರಿಯೆಗೂ ಸಹಾಯ ಮಾಡುತ್ತದೆ.(Tips)

ಇದನ್ನು ಓದಿ: Fact Check | ಶುಂಠಿ ಮತ್ತು ಉಪ್ಪು ತಲೆನೋವನ್ನು ನಿವಾರಿಸುತ್ತದೆಯೇ?; ಇಲ್ಲಿದೆ ತಜ್ಞರ ಅಭಿಪ್ರಾಯ

ಸೀಬೆಹಣ್ಣು ಅದರ ರುಚಿ ಮತ್ತು ಆರೋಗ್ಯ ಪ್ರಯೋಜನಗಳಿಂದಾಗಿ ಜನಪ್ರಿಯವಾಗಿದೆ. ಸೀಬೆಹಣ್ಣು ಖರೀದಿಸುವಾಗ ನಾವು ಆಗಾಗ್ಗೆ ಸಮಸ್ಯೆಗಳನ್ನು ಎದುರಿಸುತ್ತೇವೆ. ಮಾರುಕಟ್ಟೆಯಲ್ಲಿ ಸುಂದರವಾಗಿ ಕಾಣುವ ಸೀಬೆಹಣ್ಣು ಮನೆಗೆ ತಂದಾಗ ಹಾಳಾಗಿರುತ್ತದೆ ಅಥವಾ ಕೀಟಗಳಿರುತ್ತವೆ. ಸೀಬೆಹಣ್ಣನ್ನು ಹೇಗೆ ಖರೀದಿಸುವುದು ಹೇಗೆ ಎಂಬ ಗೊಂದಲದಲ್ಲಿರುವವರಿಗಾಗಿಯೇ ಈ ಟ್ರಿಕ್ಸ್​​.

ತಾಜಾವಾಗಿ ಕಾಣುವ ಸೀಬೆಹಣ್ಣು ಸಹ ಸಾಮಾನ್ಯವಾಗಿ ಕೀಟಗಳನ್ನು ಹೊಂದಿರುತ್ತವೆ. ಇದು ಹಣ್ಣಿನ ಗುಣಮಟ್ಟವನ್ನು ಕಡಿಮೆ ಮಾಡುತ್ತದೆ ಮತ್ತು ಆರೋಗ್ಯ ಸಮಸ್ಯೆಗಳನ್ನು ಉಂಟುಮಾಡುತ್ತದೆ. ಸೀಬೆಹಣ್ಣು ತರುವಾಗ ನೀವು ಯಾವ ವಿಷಯಗಳನ್ನು ನೆನಪಿನಲ್ಲಿಟ್ಟುಕೊಳ್ಳಬೇಕು ಎಂಬುದನ್ನು ಇಲ್ಲಿ ತಿಳಿಸಿದ್ದೇವೆ.

ಕೀಟಗಳಿಂದ ಮುತ್ತಿಕೊಂಡಿರುವ ಸೀಬೆಹಣ್ಣನ್ನು ಕತ್ತರಿಸದೆ ಗುರುತಿಸುವುದು ತುಂಬಾ ಕಷ್ಟವಲ್ಲ. ಮಾರುಕಟ್ಟೆಯಿಂದ ಸೀಬೆಹಣ್ಣು ಖರೀದಿಸುವ ಮೊದಲು ನೀವು ಅದರ ಮೇಲ್ಮೈಯನ್ನು ಎಚ್ಚರಿಕೆಯಿಂದ ಪರೀಕ್ಷಿಸಬೇಕು. ನೀವು ಯಾವುದೇ ಸಣ್ಣ ರಂಧ್ರಗಳು, ಗುರುತುಗಳು ಅಥವಾ ಅಸಮ ಬಣ್ಣವನ್ನು ನೋಡಿದರೆ ಆ ಸೀಬೆಹಣ್ಣಿನಲ್ಲಿ ಕೀಟಗಳು ಇರಬಹುದು ಎಂದು ತಿಳಿಯಬೇಕು. ಈ ರೀತಿಯಾಗಿ ಕೀಟಗಳಿಂದ ಸೀಬೆಹಣ್ಣಿನ ಬಣ್ಣವು ಬದಲಾಗುತ್ತದೆ.

ಸೀಬೆಹಣ್ಣನ್ನು ಖರೀದಿಸಲು ಹೋದಾಗ ಮೊದಲು ಅದನ್ನು ನಿಮ್ಮ ಅಂಗೈಯಿಂದ ಲಘುವಾಗಿ ಒತ್ತಿರಿ. ಸೀಬೆಹಣ್ಣನ್ನು ಒತ್ತಿದಾಗ ಅದು ತುಂಬಾ ಮೃದುವಾಗಿದ್ದರೆ ಅದನ್ನು ಖರೀದಿಸಬೇಡಿ. ಸೀಬೆಹಣ್ಣು ತುಂಬಾ ಗಟ್ಟಿಯಾಗಿ ಅಥವಾ ಮೃದುವಾಗಿರಬಾರದು. ತುಂಬಾ ಗಟ್ಟಿಯಾಗಿರುವ ಪೇರಲವು ಹಣ್ಣಾಗಿರುವುದಿಲ್ಲ ಮತ್ತು ಮೃದುವಾದ ಸೀಬೆಹಣ್ಣಿನಲ್ಲಿ ಹುಳುಗಳು ಇರುತ್ತವೆ.

ತಾಜಾ ಮತ್ತು ಸಿಹಿಯಾಗಿರುವ ಸೀಬೆಹಣ್ಣು ಖಂಡಿತವಾಗಿಯೂ ಆಹ್ಲಾದಕರ ಪರಿಮಳವನ್ನು ಹೊಂದಿರುತ್ತದೆ. ಉತ್ತಮ ಪರಿಮಳ ಹೊಂದದ್ದಿದ್ದರೆ ಅವು ಸಿಹಿಯಾಗಿರುವುದಿಲ್ಲ. ಮತ್ತೊಂದೆಡೆ ಕೀಟಗಳನ್ನು ಹೊಂದಿರುವ ಸೀಬೆಹಣ್ಣು ವಿಚಿತ್ರವಾದ ವಾಸನೆಯನ್ನು ಹೊಂದಿರಬಹುದು. ಅಂತಹ ಸೀಬೆಹಣ್ಣನ್ನು ಕತ್ತರಿಸಿದಾಗ ಸಣ್ಣ ಕೀಟಗಳು ಅಥವಾ ಕಪ್ಪು ಕಲೆಗಳು ಕಂಡುಬರಬಹುದು. ಸೀಬೆಹಣ್ಣನ್ನು ಖರೀದಿಸುವ ಮೊದಲು ಅದರ ವಾಸನೆಯನ್ನು ಖಚಿತಪಡಿಸಿಕೊಳ್ಳಿ.

ನೀವು ಸೀಬೆಹಣ್ಣು ಖರೀದಿಸುವ ಮೊದಲು ಅದರ ಸಿಪ್ಪೆ ಮತ್ತು ಬಣ್ಣವನ್ನು ಪರಿಶೀಲಿಸಿ. ಸೀಬೆಹಣ್ಣಿನ ಸಿಪ್ಪೆಯು ನಯವಾದ, ಹೊಂದಿಕೊಳ್ಳುವ ಮತ್ತು ಅದರ ಗಾತ್ರಕ್ಕೆ ಅನುಗುಣವಾಗಿ ಭಾರವಾಗಿದ್ದರೆ ಆ ಸೀಬೆಹಣ್ಣು ಒಳ್ಳೆಯದು. ಆದರೆ ಬಣ್ಣದ ಬಗ್ಗೆ ಹೇಳುವುದಾದರೆ ರುಚಿಕರವಾದ ಸೀಬೆಹಣ್ಣು ಪಡೆಯಲು ತಿಳಿ ಹಳದಿ ಸೀಬೆಹಣ್ಣನ್ನು ಖರೀದಿಸಬೇಕು. ನೀವು ಅಷ್ಟು ಸಿಹಿ ಬೇಡ ಎಂದುಕೊಂಡರೆ ಹಸಿರು ಸೀಬೆಹಣ್ಣು ಖರೀದಿಸಿ. ಸಂಪೂರ್ಣ ಹಳದಿ ಸೀಬೆಹಣ್ಣು ಒಳ್ಳೆಯದಲ್ಲ.

https://www.vijayavani.net/health-tips-avoid-consuming-citrus-fruits-in-this-health-conditons-because-you-should-know-risks