ಜಗತ್ತಿನಾದ್ಯಂತ ಸುಮಾರು ಹದಿನೆಂಟು ಕೋಟಿಗೂ ಹೆಚ್ಚುಮಂದಿಗೆ ಕರೊನಾ ಸೋಂಕು ತಗುಲಿದೆ. ಮುಂದುವರಿದ ದೇಶಗಳೆಂದು ಹಣೆಪಟ್ಟಿ ಅಂಟಿಸಿಕೊಂಡಿ ರುವ ದೇಶಗಳಲ್ಲಿ ಭಾರತಕ್ಕಿಂತ ಐದಾರು ಪಟ್ಟು ಹೆಚ್ಚು ಜನರಲ್ಲಿ ಕಾಣಿಸಿಕೊಂಡಿದೆ. ಉದಾಹರಣೆಗೆ ಅಮೆರಿಕದಲ್ಲಿ ಜನಸಂಖ್ಯೆಯ ಪ್ರತಿಶತ ಹತ್ತು ಜನರು ಬಾಧಿತರಾದರೆ ಭಾರತದಲ್ಲಿ ನೂರಕ್ಕೆ ಎರಡು ಜನರಿಗೆ ಮಾತ್ರ ಬಂತು! ಇಂಗ್ಲೆಂಡ್ನಲ್ಲಿ ನೂರರಲ್ಲಿ ಏಳಕ್ಕೂ ಹೆಚ್ಚು ಮಂದಿಯಲ್ಲಿ ಕಾಣಿಸಿಕೊಂಡಿತು! ಮರಣ ಪ್ರಮಾಣವನ್ನು ನೋಡುವುದಾದರೆ ಅಂತರ ಇನ್ನೂ ಹೆಚ್ಚಿದೆ. ಅಮೆರಿಕ, ಇಂಗ್ಲೆಂಡ್, ಇಟಲಿಗಳ ಜನಸಂಖ್ಯೆಯಲ್ಲಿ ಸಾವಿರಕ್ಕೆ ಇಬ್ಬರು ಮರಣಿಸಿದರೆ ಭಾರತದಲ್ಲಿ ಪ್ರಾಣ ಕಳೆದುಕೊಂಡವರು ಹತ್ತುಸಾವಿರಕ್ಕೆ ಮೂವರು! ಕರೊನಾ ಪರೀೆಯನ್ನು ಭಾರತದಲ್ಲಿ ಇನ್ನೂ ಹೆಚ್ಚು ಜನರಲ್ಲಿ ಮಾಡಿದ್ದರೆ ಸೋಂಕಿಗೆ ಬಳಲಿದವರ ಸಂಖ್ಯೆ ಹೆಚ್ಚಿರುತ್ತಿತ್ತು ಎಂಬುದೇನೋ ನಿಜ. ಹಾಗಾದಲ್ಲಿ ಮರಣ ಪ್ರಮಾಣ ಇನ್ನೂ ಗಣನೀಯವಾಗಿ ತಗ್ಗುತ್ತಿತ್ತು! ಏಕೆಂದರೆ ಅಸುನೀಗಿದವರ ಸಂಖ್ಯೆಯಲ್ಲಿ ಹೆಚ್ಚೇನೂ ವ್ಯತ್ಯಾಸವಾಗುವುದಿಲ್ಲ, ತುಸು ಬದಲಾವಣೆ ಮಾತ್ರ ಸಾಧ್ಯ.
