ಅಸಿಡಿಟಿ, ಪಿತ್ತ, ರಕ್ತಸ್ರಾವ, ದೇಹದ ಉಷ್ಣತೆ, ಕೂದಲು ಉದುರುವ ಸಮಸ್ಯೆಯುಳ್ಳವರು ಮೊಸರಿಗೆ ಬೆಲ್ಲವನ್ನು ಸೇರಿಸಿ ಸೇವಿಸುವುದು ಉತ್ತಮ. ಆಯಾಸ, ದೇಹದಲ್ಲಿ ನೋವು, ಗ್ಯಾಸ್ /ಹೊಟ್ಟೆಯುಬ್ಬರ, ಮಲಬದ್ಧತೆ ಸಮಸ್ಯೆಗಳಿರುವವರು ಮೊಸರಿಗೆ ಉಪ್ಪನ್ನು ಬೆರೆಸಿ ಸೇವಿಸಬೇಕು. ತಜ್ಞರ ಪ್ರಕಾರ ಮೊಸರನ್ನು ಆದಷ್ಟು ಸೂರ್ಯಾಸ್ತದ ಮುಂಚೆಯೇ ಸೇವಿಸಬೇಕು. ಸೂರ್ಯಾಸ್ತದ ನಂತರ ಮೊಸರು ಸೇವನೆ ಆರೋಗ್ಯಕರವಾದ ಪದ್ಧತಿಯಲ್ಲ. ಆಯುರ್ವೆದದ ಪ್ರಕಾರ ಸೂರ್ಯಾಸ್ತದ ನಂತರ ವಾತಾವರಣದಲ್ಲಿ ಹಾಗೂ ನಮ್ಮ ದೇಹದಲ್ಲಿ ಉಷ್ಣತೆಯ ಪ್ರಮಾಣ ಕಡಿಮೆಯಾಗುತ್ತದೆ. ಅಂತಹ ಸಮಯದಲ್ಲಿ ಮೊಸರನ್ನು ಸೇವಿಸಿದರೆ ಆರೋಗ್ಯ ಸಮಸ್ಯೆ ಹೆಚ್ಚಾಗುವುದು. ಶ್ವಾಸಕೋಶದಲ್ಲಿ ಅಡೆತಡೆ, ಸೈನಸ್, ಜ್ವರ, ಕೆಮ್ಮು, ಅಸ್ತಮಾದಂತಹ ಸಮಸ್ಯೆಗಳಿಗೆ ಅವಕಾಶ ನೀಡುತ್ತದೆ. ಅಂತಹ ಸಮಯದಲ್ಲಿ ಮೊಸರಿನ ಬದಲಾಗಿ ಕಡೆದ ಮಜ್ಜಿಗೆಯನ್ನು ಬಳಸುವುದು ಉಪಯುಕ್ತ.
