ಸಂಜೆಯ ಚಳಿಗೆ ಪರ್ಫೆಕ್ಟ್ ಕಾಂಬಿನೇಷನ್: ನಾಲಿಗೆ ಚಪ್ಪರಿಸುವಂತೆ ಮಾಡುವ ತಂದೂರಿ ಮೊಮೊಸ್ ರೆಸಿಪಿ ಈಗ ನಿಮ್ಮ ಮನೆಯಲ್ಲೇ! Tandoori Momos

* 10-12 ಮೊದಲೇ ಸಿದ್ಧಪಡಿಸಿ ಹಬೆಯಲ್ಲಿ ಬೇಯಿಸಿದ ಮೊಮೊಸ್ 

* 4 ಚಮಚ ಗಟ್ಟಿ ಮೊಸರು 

* 1 ಚಮಚ ಕಡಲೆಹಿಟ್ಟು

* 1 ಟೀಸ್ಪೂನ್ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ 

* 11/2 ಟೀಸ್ಪೂನ್ ಕಾಶ್ಮೀರಿ ಅಚ್ಚಕಾರದ ಪುಡಿ

* 1/2 ಟೀಸ್ಪೂನ್ ಗರಂ ಮಸಾಲಾ ಪುಡಿ 

* 1/2 ಟೀಸ್ಪೂನ್ ಚಾಟ್ ಮಸಾಲಾ 

* 1 ಚಮಚ ಕಸ್ತೂರಿ ಮೇತಿ 

* 1 ಚಮಚ ನಿಂಬೆ ರಸ 

* 2 ಚಮಚ ಎಣ್ಣೆ 

* ಉಪ್ಪು - ರುಚಿಗೆ ತಕ್ಕಷ್ಟು

* 1 ಇದ್ದಿಲು ತುಂಡು

* 1 ಟೀಸ್ಪೂನ್ ತುಪ್ಪ ಅಥವಾ ಬೆಣ್ಣೆ 

ಒಂದು ದೊಡ್ಡ ಬೌಲ್‌ನಲ್ಲಿ ಗಟ್ಟಿ ಮೊಸರು, ಹುರಿದ ಕಡಲೆಹಿಟ್ಟು, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಕಾಶ್ಮೀರಿ ಅಚ್ಚಕಾರದ ಪುಡಿ, ಗರಂ ಮಸಾಲಾ, ಚಾಟ್ ಮಸಾಲಾ, ಕಸ್ತೂರಿ ಮೇತಿ, ನಿಂಬೆ ರಸ, ಉಪ್ಪು ಮತ್ತು ಸಾಸಿವೆ ಎಣ್ಣೆಯನ್ನು ಹಾಕಿ ಗಂಟಿಲ್ಲದಂತೆ ಚೆನ್ನಾಗಿ ಮಿಶ್ರಣ ಮಾಡಿ.

ನಂತರ ಮೊದಲೇ ಹಬೆಯಲ್ಲಿ ಬೇಯಿಸಿ ಇಟ್ಟುಕೊಂಡಿರುವ (ಸ್ವಲ್ಪ ತಣ್ಣಗಾಗಿರಬೇಕು) ಮೊಮೊಸ್‌ಗಳನ್ನು ಈ ಮಸಾಲೆ ಮಿಶ್ರಣಕ್ಕೆ ಹಾಕಿ. ಮೊಮೊಸ್ ಒಡೆಯದಂತೆ ಹಗುರವಾಗಿ ಕೈಯಿಂದ ಮಸಾಲೆ ಎಲ್ಲ ಕಡೆ ತಾಗುವಂತೆ ಮಿಕ್ಸ್​ ಮಾಡಿ. 15 ರಿಂದ 20 ನಿಮಿಷಗಳ ಕಾಲ ಹಾಗೆಯೇ ಬಿಡಿ. 

ಮ್ಯಾರಿನೇಟ್ ಆದ ಮೊಮೊಸ್ ಬೌಲ್‌ನ ಮಧ್ಯದಲ್ಲಿ ಒಂದು ಸಣ್ಣ ಸ್ಟೀಲ್ ಬಟ್ಟಲು ಇಡಿ. ಇದ್ದಿಲಿನ ತುಂಡನ್ನು ಗ್ಯಾಸ್ ಉರಿಯಲ್ಲಿ ಕೆಂಪಗಾಗುವರೆಗೆ ಕಾಯಿಸಿ, ಆ ಬಟ್ಟಲಿನಲ್ಲಿ ಇಟ್ಟು, ಅದರ ಮೇಲೆ ಒಂದು ಚಮಚ ತುಪ್ಪ ಅಥವಾ ಬೆಣ್ಣೆ ಹಾಕಿ. ತಕ್ಷಣ ಬೌಲ್‌ಗೆ ಗಟ್ಟಿಯಾದ ಮುಚ್ಚಳವನ್ನು ಮುಚ್ಚಿ 5 ನಿಮಿಷ ಬಿಡಿ. ಇದ್ದಿಲಿನ ಹೊಗೆಯಿಂದಾಗಿ ಮೊಮೊಸ್‌ಗೆ ಅಪ್ಪಟ ತಂದೂರಿ ಸುವಾಸನೆ ಸಿಗುತ್ತದೆ.

ನಾನ್-ಸ್ಟಿಕ್ ತವಾಕ್ಕೆ ಸ್ವಲ್ಪ ಬೆಣ್ಣೆ ಅಥವಾ ಎಣ್ಣೆ ಹಾಕಿ ಬಿಸಿ ಮಾಡಿ. ಮ್ಯಾರಿನೇಟ್ ಮಾಡಿದ ಮೊಮೊಸ್‌ಗಳನ್ನು ಇಟ್ಟು, ಮಧ್ಯಮ ಉರಿಯಲ್ಲಿ ಎಲ್ಲಾ ಕಡೆ ತಿರುಗಿಸುತ್ತಾ, ಮಸಾಲೆ ಕಂದು ಬಣ್ಣಕ್ಕೆ ತಿರುಗಿ ಸ್ವಲ್ಪ ಸೀದಂತಾಗುವ ತನಕ ಫ್ರೈ ಮಾಡಿ.

ಈಗ ಬಿಸಿಬಿಸಿಯಾದ ತಂದೂರಿ ಮೊಮೊಸ್ ಸವಿಯಲು ಸಿದ್ಧ! ಇದರ ಮೇಲೆ ಸ್ವಲ್ಪ ಚಾಟ್ ಮಸಾಲಾ ಮತ್ತು ಕೊತ್ತಂಬರಿ ಸೊಪ್ಪು ಉದುರಿಸಿ, ಹಸಿರು ಪುದೀನಾ ಚಟ್ನಿ ಹಾಗೂ ಈರುಳ್ಳಿ ಲಚ್ಚಾ ಜೊತೆ ಸವಿಯಲು ನೀಡಿ (ಏಜೆನ್ಸೀಸ್​).