ಜಾಣಮೀನು, ‘ಈ ಮುತ್ತನ್ನು ನನಗೆ ಕೊಡು. ನಂತರ ಎರಡು ಮುತ್ತನ್ನೂ ತಂದು ಒಪ್ಪಿಸುವೆ’ ಎಂದಿತು. ಬೇಟೆಗಾರ ಮುತ್ತನ್ನು ತಂದು ಬಂಡೆಯ ಮೇಲಿಟ್ಟು, ‘ಬೇಗ ಹೋಗಿ ಇನ್ನೊಂದು ಮುತ್ತನ್ನು ತಂದು ಕೊಡು’ ಎಂದ. ಮೀನು ಚಂಗನೆ ಮೇಲೆ ಬಂದು ಆ ಮುತ್ತನ್ನು ಕಚ್ಚಿಕೊಂಡು ನದಿಯಲ್ಲಿ ಮುಳುಗಿತು. ಅಲ್ಲಿಂದಲೇ ತಲೆಎತ್ತಿ, ‘ನೀನು ಮತ್ತೊಂದು ಮುತ್ತಿನ ಆಸೆಯಿಂದ ಬರುವೆ ಎಂದು ಗೊತ್ತಿತ್ತು. ಹಾಗಾಗಿ ನನ್ನ ಗೆಳೆಯ ನೆನ್ನೆಯೇ ಬಹಳ ದೂರ ಹೋಗಿಬಿಟ್ಟ. ನೀವು ಮನುಷ್ಯರೇ ಹೀಗೆ ನಿಮಗೆ ತೃಪ್ತಿ ಎಂಬುದಿಲ್ಲ. ನಿಮ್ಮ ಆಸೆಗಳನ್ನು ತೀರಿಸಿಕೊಳ್ಳುವುದಾಗಿ ಏನನ್ನೂ ಬೇಕಾದರೂ ಮಾಡಲು ಸಿದ್ಧರಿರುತ್ತೀರಿ. ಒಂದು ಸಿಕ್ಕಿದರೆ ಇನ್ನೊಂದು, ಇನ್ನೊಂದು ಸಿಕ್ಕಿದರೆ ಮತ್ತೊಂದು. ಹೀಗೆ ನಿಮ್ಮ ಆಸೆಗಳಿಗೆ ಮಿತಿಯೇ ಇರುವುದಿಲ್ಲ. ಆದ್ದರಿಂದಲೇ ನೀವು ದುಃಖಿಗಳು. ಇನ್ನೆಂದೂ ಇತ್ತ ಮುಖ ಮಾಡಬೇಡ. ಹೋಗು, ಹೊರಟು ಹೋಗು’ಎಂದು ಹೇಳಿ ನೀರಿನಲ್ಲಿ ಮಾಯವಾಗಿ ಬಿಟ್ಟಿತು.
