ಅಮೆರಿಕದ ಪ್ರಸಿದ್ಧ ಟೆನಿಸ್ ಆಟಗಾರ, ವಿಂಬಲ್ಡನ್ ಪ್ರಶಸ್ತಿ ವಿಜೇತ ಅರ್ಥರ್ ಆಶ್ಗೆ ಮಾರಣಾಂತಿಕ ಕಾಯಿಲೆ ಬಂದಾಗ ದೇಶವಿದೇಶಗಳ ಅಭಿಮಾನಿಗಳಿಂದ ಅವನಿಗೆ ಸಂತಾಪದ ಪತ್ರಗಳು ಹರಿದುಬರುತ್ತವೆ. ಒಬ್ಬ ಅಭಿಮಾನಿ ‘ಆ ದೇವರು ಎಷ್ಟು ಕ್ರೂರಿ. ಇಂತಹ ಮಾರಕ ಕಾಯಿಲೆಗೆ ನಿಮ್ಮನ್ನೇ ಯಾಕೆ ಆಯ್ಕೆ ಮಾಡಿಕೊಂಡ?’ ಎಂದು ದುಃಖ, ಬೇಸರ ತೋಡಿಕೊಂಡಿದ್ದ. ಆ ಪತ್ರಕ್ಕೆ ಆಶ್ ಉತ್ತರಿಸಿದ್ದು ಹೀಗೆ: ‘ಜಗತ್ತಿನಾದ್ಯಂತ ಐದು ಕೋಟಿ ಮಕ್ಕಳು ಟೆನಿಸ್ ಆಡಲು ಪ್ರಾರಂಭಿಸುತ್ತಾರೆ; ಐವತ್ತು ಲಕ್ಷ ಮಕ್ಕಳು ಟೆನಿಸ್ ಕಲಿಯುತ್ತಾರೆ; ಐದು ಲಕ್ಷ ಜನ ನಿಯಮಬದ್ಧವಾಗಿ ಆಡಬಲ್ಲವರಾದರೆ, ಐವತ್ತು ಸಾವಿರ ಜನ ಯಶಸ್ವಿಯಾಗಿ ಆಡುತ್ತಾರೆ; ಐದು ಸಾವಿರ ಜನರು ಗ್ರ್ಯಾಂಡ್ ಸ್ಲ್ಯಾಮ್, ಅದರಲ್ಲಿ ಐವತ್ತು ಜನ ವಿಂಬಲ್ಡನ್ಗೆ, ನಾಲ್ವರು ಸೆಮಿಫೈನಲ್ಗೆ ಹಾಗೂ ಇಬ್ಬರು ಮಾತ್ರ ಅಂತಿಮ ಹಂತಕ್ಕೆ ಆಯ್ಕೆ ಆಗುತ್ತಾರೆ. ನಾನು ವಿಜಯದ ಪದಕ ತೊಟ್ಟು ನಿಂತಾಗ ‘ದೇವರೇ ಯಾಕೆ ನನಗೆ ಮಾತ್ರ ಈ ಅದೃಷ್ಟದ ಕೊಡುಗೆ’ ಎಂದು ಎಂದಿಗೂ ಕೇಳಲಿಲ್ಲ. ಈಗ ನನಗೆ ಮಾತ್ರ ಏಕೆ ನೋವು ಕೊಟ್ಟೆ ಎಂದು ಹೇಗೆ ಕೇಳಲಿ?’.
