ನಿಜ, ಯಾರಲ್ಲಿ ಎಂತಹ ಪ್ರಕಾಶ, ಅನನ್ಯ ಶಕ್ತಿ ಹುದುಗಿಕೊಂಡಿದೆಯೋ ತಿಳಿಯುವುದಿಲ್ಲ. ಪ್ರತಿನಿತ್ಯ ಹೊಸ ಬೆರಳಿನ ಹಾರವನ್ನು ಕೊರಳಿಗೆ ಹಾಕಿಕೊಳ್ಳುತ್ತಿದ್ದ ಕ್ರೂರಿ ಅಂಗುಲಿಮಾಲನೆಂಬ ರಕ್ತಪಿಪಾಸು ಬುದ್ಧನ ಶಾಂತಿ ಎಂಬ ಮದ್ದಿನಿಂದ ಬೌದ್ಧಭಿಕ್ಷು ಪುಣ್ಯಾಕ್ಷನಾಗಲಿಲ್ಲವೇ? ಲೌಕಿಕ ಜೀವನದಲ್ಲಿ ಆಸಕ್ತರಾಗಿದ್ದ ಗೋಸ್ವಾಮಿ (ತುಳಸೀದಾಸರು) ಸತಿಯ ಮಾತಿಗೆ ಪರಿವರ್ತಿತನಾಗಿ, ರಾಮಭಕ್ತನಾಗಿ ಶ್ರೀರಾಮ ಚರಿತಮಾನಸದ ಸಂತಕವಿಯಾದ. ಹೀಗೆ ಬದಲಾಗಿ, ನೈಜ ಶಕ್ತಿಯನ್ನು, ಅಂತಃಸತ್ವವನ್ನು ಕಂಡುಕೊಂಡ ಅದೆಷ್ಟೋ ನಿದರ್ಶಮಗಳಿವೆ. ಆದ್ದರಿಂದ ಅಪರಾಧಿಗೆ ಶಿಕ್ಷೆ ನೀಡುವ ಮುನ್ನ ವಿವೇಚನೆಯಿಂದ ಆಮೂಲಾಗ್ರವಾಗಿ ಪರಿಶೀಲಿಸಬೇಕು. ಅವರು ಉತ್ತಮವ್ಯಕ್ತಿಯಾಗಿ ಪರಿವರ್ತನೆಯಾಗುವಂತೆ ಪ್ರಯತ್ನಿಸಬೇಕು. ಹೀಗೆ ‘ಕ್ಷಮೆ’ ಎಂಬ ಶ್ರೇಷ್ಠ ಗುಣದಿಂದ ಸಮಾಜದ ಸ್ವಾಸ್ಥ್ಯ ಕಾಪಾಡಲು ಪ್ರಯತ್ನಿಸಬೇಕು.
