‘ನಾಳೆ ಅರಮನೆಗೆ ಬಾ’ಎಂದು ರಾಜ ಆ ಭಕ್ತನಿಗೆ ಸೂಚಿಸಿದ. ಅಂತೆಯೇ ಆ ಭಕ್ತ ಅರಮನೆಗೆ ಬಂದು ರಾಜನಿಗೆ ತಲೆ ತಗ್ಗಿಸಿ ನಮಸ್ಕರಿಸಿ ನಿಂತ. ‘ನಾಳೆಯಿಂದ ನೀನು ಈ ದೇವಸ್ಥಾನದ ವ್ಯವಸ್ಥಾಪಕ. ಚೆನ್ನಾಗಿ ಕಾರ್ಯ ನಿರ್ವಹಿಸಿಕೊಂಡು ಹೋಗು’ಎಂದು ರಾಜ ಹೇಳಿದ. ಆ ಭಕ್ತ ಗಾಬರಿಗೊಂಡು, ‘ಮಹಾರಾಜರೇ ನೀವು ಹೇಳಿದಂತೆ ದೇವಸ್ಥಾನದ ಜವಾಬ್ದಾರಿ ನಡೆಸುವಷ್ಟು ಶಿಕ್ಷಣವನ್ನು ನಾನು ಪಡೆದಿಲ್ಲ. ಅಷ್ಟೇ ಅಲ್ಲ, ನಾನು ಶ್ರೀಮಂತ ಕುಟುಂಬದಿಂದ ಬಂದವನೂ ಅಲ್ಲ. ಈ ಕೆಲಸ ನನ್ನಿಂದಾಗದು. ದಯವಿಟ್ಟು ಕ್ಷಮಿಸಿ’ ಎಂದನು. ಆಗ ರಾಜ, ‘ದೇವಸ್ಥಾನದ ಆಡಳಿತಾತ್ಮಕ ಹುದ್ದೆ ನಿರ್ವಹಿಸಲು ಹೆಚ್ಚಿನ ಶಿಕ್ಷಣ ಪಡೆಯುವುದು ಮಹತ್ವವಲ್ಲ. ಅಲ್ಲಿ ಶ್ರದ್ಧೆ, ಪ್ರಾಮಾಣಿಕತೆ. ಹಾಗೂ ಸಾಮಾಜಿಕ ಕಳಕಳಿ ಮುಖ್ಯ. ನಾನು ಅದನ್ನು ನಿನ್ನಲ್ಲಿ ಕಂಡಿದ್ದೇನೆ. ಬಹುತೇಕರು ದೇವಸ್ಥಾನಕ್ಕೆ ಬರುವಾಗ ರಸ್ತೆಯಲ್ಲಿದ್ದ ಸಣ್ಣಕಲ್ಲಿಗೆ ಎಡವಿ ಪೆಟ್ಟಾಗಿ ರಕ್ತ ಸುರಿದರೂ ಆ ಕಲ್ಲನ್ನು ಕಿತ್ತು ರಸ್ತೆಯಾಚೆ ಹಾಕುವ ಪ್ರಯತ್ನವನ್ನು ಯಾರೂ ಮಾಡಲಿಲ್ಲ.
