ಮಲೆನಾಡು ಶೈಲಿಯ ಹಲಸಿನಕಾಯಿ ಹಪ್ಪಳ ಮನೆಯಲ್ಲೇ ಮಾಡುವುದು ಈಗ ತೀರಾ ಸುಲಭ! Jackfruit Papad

* 1 ದೊಡ್ಡ ಬೌಲ್ ಬಲಿತ ಹಲಸಿನಕಾಯಿ ತೊಳೆಗಳು 

* 2 ಚಮಚ ಜೀರಿಗೆ

* ಖಾರದ ಪುಡಿ

* ರುಚಿಗೆ ತಕ್ಕಷ್ಟು ಉಪ್ಪು

* ಎಣ್ಣೆ

ಮೊದಲಿಗೆ ಬೀಜ ಮತ್ತು ನಾರು ತೆಗೆದ ಹಲಸಿನಕಾಯಿ ತೊಳೆಗಳನ್ನು ಸಣ್ಣದಾಗಿ ಹೆಚ್ಚಿಕೊಳ್ಳಿ. ಇವುಗಳನ್ನು  ಕುಕ್ಕರ್‌ನಲ್ಲಿ ಹಾಕಿ, ಸ್ವಲ್ಪ ನೀರು ಮತ್ತು ಉಪ್ಪು ಸೇರಿಸಿ 2-3 ವಿಸಲ್ ಬರುವವರೆಗೆ ಚೆನ್ನಾಗಿ ಬೇಯಿಸಿಕೊಂಡು ತಣ್ಣಗಾಗಲು ಬಿಡಿ. 

ತಣ್ಣಗಾದ ನಂತರ, ಇವುಗಳನ್ನು ಮಿಕ್ಸಿ ಜಾರ್ ಅಥವಾ ಗ್ರೈಂಡರ್‌ಗೆ ಹಾಕಿ. ಇದರೊಂದಿಗೆ ಜೀರಿಗೆ, ಖಾರದ ಪುಡಿ ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ. ನೀರು ಹಾಕದೆಯೇ ನುಣ್ಣಗೆ ರುಬ್ಬಿಕೊಳ್ಳಿ.  ಹಿಟ್ಟು ಎಲ್ಲೂ ತರಿತರಿಯಾಗಿರದೆ ಬೆಣ್ಣೆಯಂತೆ ಮೃದುವಾಗಿರಬೇಕು.

ರುಬ್ಬಿದ ಹಿಟ್ಟನ್ನು ಒಂದು ಅಗಲವಾದ ಪಾತ್ರೆಗೆ ತೆಗೆದುಕೊಂಡು ಚೆನ್ನಾಗಿ ನಾದಿಕೊಳ್ಳಿ. ನಂತರ ಕೈಗೆ ಎಣ್ಣೆ ಸವರಿಕೊಂಡು ಹಿಟ್ಟಿನಿಂದ ಸಣ್ಣ ಸಣ್ಣ ನಿಂಬೆಹಣ್ಣಿನ ಗಾತ್ರದ ಉಂಡೆಗಳನ್ನು ಮಾಡಿ ಇಟ್ಟುಕೊಳ್ಳಿ.

ಒಂದು ಹಪ್ಪಳ ಒತ್ತುವ ಮಣೆ ಅಥವಾ ಚಪಾತಿ ಲಟ್ಟಣಿಗೆಯನ್ನು ಬಳಸಿ ಹಪ್ಪಳ ಉದ್ದಿಟ್ಟುಕೊಳ್ಳಿ. ನಂತರ ಬಿಸಿಲಿನಲ್ಲಿ ಹರಡಿರುವ ಶುದ್ಧವಾದ ಬಟ್ಟೆ ಅಥವಾ ಪ್ಲಾಸ್ಟಿಕ್ ಮ್ಯಾಟ್ ಮೇಲೆ ಹಾಕಿ. ಗರಿಗರಿಯಾಗುವವರೆಗೆ ಕನಿಷ್ಠ 2 ದಿನಗಳ ಕಾಲ ತೀವ್ರವಾದ ಬಿಸಿಲಿನಲ್ಲಿ ಚೆನ್ನಾಗಿ ಒಣಗಿಸಿ. ನಂತರ ಬೆಂಕಿಯಲ್ಲಿ ಸುಟ್ಟು ಅಥವಾ ಎಣ್ಣೆಯಲ್ಲಿ ಕರಿದು ತಿನ್ನಿರಿ (ಏಜೆನ್ಸೀಸ್​).